បទកាកគតិ

មេសាចិតប្រាំ នគររងកម្ម សិទិ្ធសេរីចុះ សីលធម៌ជាតិ ឃ្លាតធ្លាក់ផ្លូវខុស ជនទាំងស្រីប្រុស

        ជាប់ទោសពេញដី។

រង្វាស់កាព្យ

ក្នុង១វគ្គមាន៧ឃ្លា ក្នុង១ឃ្លាមាន៤ព្យាង្គ។

គំនូសតាង

ចំណាប់ជួន

ជួនក្នុងវគ្គ

• ព្យាង្គ៤ឃ្លា១វគ្គ១ |=| ព្យាង្គ៤ឃ្លា២វគ្គ១
• ព្យាង្គ៤ឃ្លា៣វគ្គ១ |=| ព្យាង្គ៤ឃ្លា៥វគ្គ១ |=| ព្យាង្គ៤ឃ្លា៦វគ្គ១។

ជួនឆ្លងវគ្គ

ព្យាង្គ៤ឃ្លា៧វគ្គ១ |=| ព្យាង្គ៤ឃ្លា៣វគ្គ២។

ចង្វាក់

បទនេះមានចង្វាក់មិនលើកមិនដាក់ តែរន្ថើនៗមានទំនងដូចជាដំណើរក្អែកលោង ហើយទម្លាក់សម្លេងនៅព្យាង្គទី២រៀងរាល់ឃ្លា។

បរិយាកាស

គេយកបទនេះទៅប្រើសម្រាប់ពណ៌នាទីកន្លែង តួអង្គ ធម្មជាតិ ពិសេសគេយកទៅប្រើក្នុងពិធីផ្ដើមរឿង។ ពេលខ្លះកវីក៏យកបទនេះទៅប្រើក្នុងការសម្ដែងទុក្ខសោកផងដែរ។