រង្វង់

ដោយសព្វវចនាធិប្បាយសេរីវិគីភីឌា

ទៅកាន់៖ ទិសដៅ, ស្វែងរក

រង្វង់គឺជាខ្សែកោងបិទជិតដែលមានផ្ចិតមួយ។ ចម្ងាយពីផ្ចិតទៅគ្រប់ចំនុចនៅលើរង្វង់មានចំងាយស្មើគ្នា។ ប្រវែងនេះហៅថាកាំនៃរង្វង់។ ចម្ងាយពីចំនុច មួយនៅលើរង្វង់ទៅចំនុចមួយទៀតនៅលើរង្វង់ដូចគ្នាហៅថាអង្កត់ធ្នូនៃរង្វង់។ អង្កត់ធ្នូដែលកាត់តាមផ្ចិតហៅថាអង្កត់ផ្ចិត។ ប្រវែងអង្កត់ផ្ចិតគឺស្មើ ពីរដងនៃកាំ។

រូបនេះបង្ហាញពី កាំ, អង្កត់ផ្ចិត,ផ្ចិត និង បរិមាត្រនៃរង្វង់។

រូបនេះបង្ហាញពី កាំ, អង្កត់ផ្ចិត,ផ្ចិត និង បរិមាត្រនៃរង្វង់។

មាតិកា

១ លទ្ឋផលនៃការវិភាគ
២ សមីការបន្ទាត់ប៉ះ
៣ បរិមាត្រ
៤ អង្កត់ផ្ចិត
៥ ផ្ទៃ

[កែប្រែ] លទ្ឋផលនៃការវិភាគ

កាំរបស់រង្វង់ r=1, ផ្ចិត (a, b)=(1.2, -0.5).

កាំរបស់រង្វង់ r=1, ផ្ចិត (a, b)=(1.2, -0.5).

អង្កត់ធ្នូ, secant, បន្ទាត់ប៉ះ, and អង្កត់ផ្ចិត.

នៅក្នុងប្រព័ន្ឋអក្សកូអរដោនេដេកាត(x,y) រង្វង់ដែលមានផ្ចិត(a,b)និងកាំr គឺជាសំនុំនៃគ្រប់ចំនុច(x,y) ដែលផ្ទៀងផ្ទាត់

$\left( x - a \right)^2 + \left( y - b \right)^2=r^2$

ប្រសិនបើផ្ចិតនៃរង្វង់មានកូអរដោនេ(0,0) សមីការខាងលើក្លាយទៅជា

$\left( x \right)^2 + \left( y\right)^2=r^2$

[កែប្រែ] សមីការបន្ទាត់ប៉ះ

សមីការបន្ទាត់ប៉ះកាត់តាមចំនុចPនៅលើរង្វង់គឺកែងទៅនឹងអង្កត់ផ្ចិតដែលកាត់ចំនុចP។ សមីការរបស់បន្ទាត់ប៉ះទៅនឹងរង្វង់ដែលមានកាំr និងផ្ចិត(0,0) ត្រង់ចំនុចដែលមានកូអរដោនេ(x₁, y₁)គឺ

$xx_1+yy_1=r^2 \!\$

ដូច្នេះ មេគុណប្រាប់ទិសរបស់បន្ទាត់ប៉ះទៅនឹងរង្វង់ត្រង់ចំនុច(x₁, y₁) គឺ

$\frac{dy}{dx} = - \frac{x_1}{y_1}$

ជាទូទៅ មេគុណប្រាប់ទិសរបស់បន្ទាត់ប៉ះ(x, y)ទៅនឹងរង្វង់ $(x - a) 2 + (y - b) 2 = r 2$ , {ចំនុច(a, b)គឺជាផ្ចិត និងrគឺជាកាំរបស់រង្វង់} គឺ:

$\frac{dy}{dx} = \frac{a-x}{y-b}$

ដែល $y \neq b$

Arc, sector, and segment

[កែប្រែ] បរិមាត្រ

បរិមាត្ររបស់រង្វង់គឺ

c = π d = 2π r

រូបមន្តឆ្លាស់របស់បរិមាត្រ

សមមាត្រ រវាងបរិមាត្រc និង ផ្ទៃAគឺ

$\frac{c}{A} = \frac{2 \pi r}{\pi r^2}$

កាំr ហើយនិងπ អាចលុបចោល ដោយទុកតែ

$\frac{c}{A} = \frac{2}{r}$

នាំឱ្យ គេបាន

$c = \frac{2A}{r}$

ដូចនេះ បរិមាត្រស្មើពីរដងនៃផ្ទៃ ចែកឱ្យកាំ។ រូបមន្តនេះអាចត្រូវបានប្រើ ដើម្បីគណនាបរិមាត្រ នៅពេលដែលតំលៃរបស់πមិនអាចគណនាបាន។

[កែប្រែ] អង្កត់ផ្ចិត

អង្កត់ផ្ចិតគឺជាអង្កត់នៃបន្ទាត់ដែលកាត់តាមផ្ចិតនៃរង្វង់ ហើយប៉ះទៅនឹងរង្វង់ត្រង់ចំនុចទាំងសងខាងនៃរង្វង់។

អង្កត់ផ្ចិតគឺស្មើពីរដងនៃកាំ

$d = 2r= 2 \cdot \sqrt{\frac{A}{\pi}} \approx 1{.}1284 \cdot \sqrt{A}$

[កែប្រែ] ផ្ទៃ

ផ្ទៃរង្វង់ = π × ផ្ទៃការេតូច

ផ្ទៃរង្វង់ = π × ផ្ទៃការេតូច

$Area = r^2 \cdot \pi$

ប្រើការេមួយដែលមានជ្រុងស្មើនឹងអង្កត់ផ្ចិតរបស់រង្វង់ រួចចែកការេនោះជាបួនការេតូចៗដែលជ្រុងរបស់វា ស្មើនឹងកាំរបស់រង្វង់ ។ យកផ្ទៃរបស់ការេ តូចៗ គុណនឹង $π$ ។

$A = \frac{d^2\cdot\pi}{4} \approx 0{.}7854 \cdot d^2$ នេះបង្ហាញថា តំលៃនេះប្រហែលជា៧៩%នៃផ្ទៃការេធំ។

បានមកវិញពី "http://km.wikipedia.org/wiki/%E1%9E%9A%E1%9E%84%E1%9F%92%E1%9E%9C%E1%9E%84%E1%9F%8B"

ចំនាត់ថ្នាក់ក្រុម: គណិតវិទ្យា | ធរណីមាត្រ

ការមើល

ឧបករណ៍ផ្ទាល់ខ្លួន

ឡុកអ៊ីនឬបង្កើតគណនី

ស្វែងរក

ប្រអប់ឧបករណ៍

ជាភាសាដទៃទៀត