ការពិភាក្សារបស់អ្នកប្រើប្រាស់:222.123.40.175

Page contents not supported in other languages.
ពីវិគីភីឌា

ខ្ញុំព្រះករុណាមានសេចក្ដីត្រេកអរជាខ្លាំងដែលព្រះតេជគុណចូលរួមជាមួយវិគីភីឌាភាសាខ្មែរ។ ខ្ញុំព្រះករុណាសូមនិមន្តព្រះតេជគុណចុះឈ្មោះ(Create user account) ដើម្បីងាយស្រួលបញ្ជាក់ពីភាពជាម្ចាស់ចំពោះអត្ថបទដែលព្រះតេជគុណបានសរសេរ។ សូមអរព្រះគុណ។



ភិក្ខុមង្គលរក្ខិតោ ឃឹម សាលីម


អាត្មាភាពសូមអរគុណចំពោះការនិមន្តឲ្យចូលជាសមាជិករបស់លោកគឹមស្រ៊ុនយ៉ាងជ្រាលជ្រៅបំផុត។ អាត្មាភាពតាមពិតទៅក៏មិនមានចំនេះដឹងអ្វីជ្រៅជ្រះនោះទេ សព្វថ្ងៃកំពុងតែបន្តការសិក្សាថ្នាក់បរិញ្ញាប័ត្រនៅប្រទេសថែនៃមហាវិទ្យាល័យព្រះពុទ្ធសាសនាផ្នែកភាសាអង់គ្លេស។ ការសិក្សាត្រូវការស្រាវជ្រាវឯវសារតាមអ៊ីនទើនែតខ្លះៗជាភាសាអង់គ្លេស បានឃើញថា​មានភាពសម្បូរណ៍ណាស់ ប៉ុន្តែគួរឲ្យស្តាយដែលមិនជាភាសាខ្មែរឲ្យខ្មែរដែលអានភាសាបរទេសពុំបានបានសិក្សារៀនសូត្រផង។ ម្យ៉ាងវិញទៀត អាត្មាបានឃើញតាមវែបសាយដែលមានសំនេរជាខេមរភាសាហើយតែសរសេរពាក្យពុំត្រឹមត្រូវកាតក្បួនវេយ្យាករណ៍ខ្មែរដែលមានប្រភពពីភាសាបាលី និងសំស្រ្កឹតជាឫសគល់។ ជាពិសេសរឿងព្រះពុទ្ធសាសនា មិនសូវមានអ្នកចាប់អារម្មណ៍ប៉ុន្មានដែរហើយបើបានឃើញមកប្រែខ្លះ មិនថាភាសាថែមកជាភាសាខ្មែររបស់សំណាក់បដិបត្តិធម៌នៅក្នុងស្រុកក៏ដូចជាប្រែឈ្មោះពីភាសាអង់គ្លេសជាភាសាខ្មែរដូចជា៖

Theravada ថា ថេរ៉ាវ៉ាដា មិនត្រឹមត្រូវទេ ត្រូវប្រែថា ថេរវាទ

Prince Siddhartha ថា សិតថាតថា ឬអ្វីក៏ដោយដែលមិនមែនជា សិទ្ធត្ថ ខុសទាំងអស់ សូមកុំគិតថារឿងឈ្មោះមិនអីនោះ

Buddha ប៊ុតដា មិនត្រូវ ប្រែថា ពុទ្ធ

Mahayana ម៉ាហាយ៉ាណា មិនត្រូវ ប្រែថា មហាយាន។ល។ និង។ល។

អាត្មាសូមអភ័យដែលថាដូច្នេះព្រោះចង់ឲ្យភាសានិងវប្បធម៌ខ្មែរមានសោភណភាពនិងតម្រូវភាពគង់វង់តទៅ។ ដោយបំណង់ល្អ។


សូមថ្លែងអំណរព្រះគុណព្រះតេជគុណម្ដងទៀត។ ខ្ញុំព្រះករុណាគាំទ្រចំពោះការប្រើប្រាស់ខេមរភាសាលើអ៊ីនធឺណិត។ ហេតុនេះទើបខ្ញុំព្រះករុណាខិតខំសរសេរអត្ថបទជាភាសាខ្មែរក្នុងវិគីភីឌាភាសាខ្មែរនេះ។ ភាសាខ្មែរខ្ញុំព្រះករុណាមិនទាន់មានភាពត្រឹមត្រូវ១០០%ទេ ជាពិសេសពាក្យបាលីនិងសំស្ក្រឹត។ ហេតុនេះទើបខ្ញុំព្រះករុណាមិនហ៊ានបកប្រែអត្ថបទទាក់ទងនឹងព្រះពុទ្ឋសាសនាពីភាសាបរទេស។ ម្យ៉ាងវិញទៀតប្រទេសខ្មែរយើងកាន់ព្រះពុទ្ឋសាសនា ម៉្លោះហើយខ្ញុំព្រះករុណាតែងសង្ឃឹមមានការជួយសរសេរអំពីព្រះពុទ្ឋសាសនាពីសំនាក់អ្នកចេះដឹងច្រើនផ្នែក ព្រះពុទ្ឋសាសនានេះ ដូចព្រះតេជគុណជាដើម។ ខ្ញុំព្រះករុណាសូមកោតសរសើតចំពោះការរួមចំនែករបស់ព្រះតេជគុណ។

អំពីការប្រើភាសាខ្មែរនៅក្នុងវិគីភីឌាភាសាខ្មែរនេះ នៅមានការប្រើអក្ខរាវិរុទ្ឋច្រើន។ នេះដោយសារអ្នកបកប្រែមុននេះដែលជាសាស្ត្រាចារ្យខ្មែរម្នាក់​ដែលកំពុងបំរើការងារនៅប្រទេសបារាំង រៀនភាសាបរទេសជ្រុលរហូតដល់ភ្លេចរបៀបសរសេរអក្សរខ្មែរអោយបានត្រឹមត្រូវ ហើយចង់ធ្វើបដិវត្តន៍ភាសាខ្មែរ ដោយសរសេរពាក្យឧបករណ៍ដោយគ្មាន ណ៍ ជាដើម។ ហេតុនេះបើព្រះតេជគុណប្រទះឃើញកំហុសអក្ខរាវិរុទ្ឋណាមួយ សូមព្រះតេជគុណអភ័យទោស និងរាយការណ៍ដល់ខ្ញុំព្រះករុណា។ ខ្ញុំព្រះករុណានឹងកែប្រែកំហុសទាំងនោះក្នុងពេលឆាប់ៗតាមដែលអាចធ្វើបាន។ --គីមស៊្រុន ០៩:៥០, ៣០ មិនា ២០០៨ (UTC)