ការពិភាក្សា:វនវាសី ចន្ទមុនី
បន្ថែមប្រធានបទស្នើសុំពិនិត្យ និងកែសម្រួលឡើងវិញនូវព័ត៌មានមិនអព្យាក្រឹត និងខ្វះប្រភពយោងច្បាស់លាស់
[កែប្រែ]សួស្តីលោកអ្នកគ្រប់គ្រង (Administrators) និងអ្នកសម្របសម្រួល Wikipedia ភាសាខ្មែរទាំងអស់ជាទីគោរព។
ខ្ញុំសូមលើកយកទំព័រអត្ថបទស្តីពី «ព្រះធម្មវនវាសី ចន្ទមុនី» មកជម្រាបជូន ដើម្បីស្នើសុំការពិនិត្យ និងកែសម្រួលជាបន្ទាន់។ ផ្អែកលើការពិនិត្យបែបអ្នកសិក្សាស្រាវជ្រាវ ខ្ញុំសង្កេតឃើញថាអត្ថបទបច្ចុប្បន្ន មានលក្ខណៈមិនប្រក្រតីយ៉ាងខ្លាំង ដែលផ្ទុយពីគោលការណ៍គ្រឹះរបស់ Wikipedia ដូចខាងក្រោម៖
១. ការបំពានច្បាប់ទស្សនៈអព្យាក្រឹត: ខ្លឹមសារនៅក្នុងអត្ថបទបានប្រើប្រាស់ពាក្យពេចន៍លើកតម្កើងបុគ្គលជ្រុលហួសហេតុ និងមានលក្ខណៈលំអៀង (Bias) ដោយគ្មានតុល្យភាពព័ត៌មាន ដូចជាការប្រៀបធៀបទៅនឹងសម្តេចព្រះសង្ឃរាជ ជួន ណាត ជាដើម។
២. ខ្វះប្រភពយោងដែលអាចទុកចិត្តបាន : មានការដាក់បញ្ចូលនូវរឿងរ៉ាវជំនឿមិនច្បាស់លាស់ និងពាក្យចចាមអារ៉ាម ដែលគ្មានឯកសារយោងផ្លូវការពីរដ្ឋបាលសង្ឃ ឬស្ថាប័នរដ្ឋឡើយ។
៣. ការប្រើប្រាស់ Wikipedia ក្នុងចេតនាខុសឆ្គង: អត្ថបទនេះហាក់ដូចជាត្រូវបានសរសេរឡើងដោយក្រុមអ្នកគាំទ្រ ឬបុគ្គលដែលមានចេតនាបង្កើតរូបភាពបំផ្លើស ដើម្បីបំភាន់ ឬបោកប្រាស់សេចក្តីទុកចិត្តរបស់ប្រជាពលរដ្ឋ។
៤. ការប្រមាតដល់សាសនាៈ ក្នុងអត្ថបទនេះបាននិយាយថាលោក ជាសង្ឍល្បីបំផុតក្រោយពី សម្តេចសង្ឍរាជ ជួន ណាត ជូលទីវង្សគត់ នេះជាការប្រមាតដល់ខ្លាំងដល់សម្តេចព្រះសង្ឍរាជផ្សេងទៀតនឹង
ធ្វើឪ្យបាតដានប្រវត្តសាស្រ្តកម្ពុជា និងបាតតម្លៃព្រះសង្ឍមុនៗ (ឧ.សម្ដេចព្រះមហាឃោសានន្ទ វ៉ា យ៉ាវ ) ។
ដើម្បីរក្សាតម្លៃ និងភាពជឿជាក់នៃវិគីភីឌាភាសាខ្មែរ ខ្ញុំសូមស្នើដល់លោកអ្នកគ្រប់គ្រងមេត្តា៖
- ជួយលុបចោលរាល់ខ្លឹមសារដែលលើកតម្កើង ឬព័ត៌មានដែលគ្មានប្រភពច្បាស់លាស់ចេញ។
- កែសម្រួលព័ត៌មានឱ្យនៅត្រឹមការពិតផ្លូវការ (អត្តសញ្ញាណ ទីតាំងវត្ត និងសកម្មភាពពិត)។
- ចាក់សោការពារទំព័រនេះ (Page Protection) ជាបណ្តោះអាសន្ន ដើម្បីការពារកុំឱ្យក្រុមខិលខូចចូលមកកែប្រែបំភ្លៃជាថ្មី។
សូមអរគុណចំពោះការចំណាយពេល និងការលះបង់របស់អ្នកគ្រប់គ្រងទាំងអស់ក្នុងការថែរក្សាគុណភាពនៃសព្វវចនាធិប្បាយមួយនេះ។ ~2026-32399-98 (ពិភាក្សា) ម៉ោង១៥:០៥ ថ្ងៃអាទិត្យ ទី៣១ ខែឧសភា ឆ្នាំ២០២៦ (UTC)