កៅណ្ឌិន្យទី១

កៅណ្ឌិន្យទី១ (ព្រះថោង ឬ កុម៉ែរាជ ឬ ហ៊ុនទៀន)
ស្ដេចចក្រពត្តិក្រុងកម្ពុជាធិបតី (សម័យកាលនគរភ្នំ)
រូបសំណាក់ព្រះថោងតោងស្បៃនាងនាគនៅក្រុងព្រះសីហនុ
រជ្ជកាល	គ.ស ៦៨-ស.វទី១
រាជ្យមុន	ព្រះមេសោមា (លីវយី ឬ នាងនាគ)
រាជ្យបន្ត	កៅណ្ឌិន្យទី២
ស្វាមី/មហេសី	ព្រះមេសោមា (លីវយី ឬ នាងនាគ)
វង្ស	រាជត្រកូលកៅណ្ឌិន្យវង្ស (ដោយកំណើត) រាជត្រកូលសោមវង្ស (ដោយរៀបអភិសេក)
សន្តតិវង្ស	រាជត្រកូលកៅណ្ឌិន្យវង្ស (ដោយកំណើត) រាជត្រកូលសោមវង្ស (ដោយរៀបអភិសេក)
ប្រសូត	ប្រហែលដើមសតវត្សទី១ កោះជ្វា
សុគត	ប្រហែលចុងសតវត្សទី១ ភ្វូណាន
សាសនា	សាសនាហិណ្ឌូ​បែបខ្មែរនិងនាគសាសនា(រួមសាសនាប្រជាប្រិយខ្មែរនិងវិញ្ញាណនិយម)

កុរុងកៅណ្ឌិន្យទី១ ឬ ព្រះថោង ឬ កុម៉ែរាជ ឬ ហ៊ុនទៀន (ដើមសតវត្សទី១-ចុងសតវត្សទី១ នៃ គ.ស) រជ្ជកាល (គ.ស ៥២-ខាងចុងសតវត្សទី១) គឺជាក្សត្រនៃនគរភ្វូណាន(អាណាចក្រភ្នំ)ទី២បន្ទាប់ពីព្រះនាងសោមា(នាងនាគ)។

ព្រះថោង ឬ កោណ្ឌិន្យ (អានថា៖ គាន់-ឌិន)(ចិន: 混塡 - Hun Tien) "ព្រះបាទហ៊ុនទៀន" (អង់គ្លេស: Kaundinya) ព្រះអង្គគឺជាស្ដេចនិរទេស មកពីកោះជ្វា (អង់គ្លេស: Java) ដែលយល់សុបិន ថាបានទទួល​លំពែង​មួយ​ជា​ចំណង​ដៃ​ពី​ព្រាហ្មណ៍ "អត្វាមនៈ" សម្រាប់​យក​ទៅ​ចោល​ផ្សង កំណត់​ទឹក​ដី ដែលត្រូវរៀបចំនគរ លំពែងនោះបានធ្លាក់ចំនគរគោក​ធ្លក នៃនគរភ្នំ ហើយទ្រង់បានធ្វើដំណើរមកដល់នគរភ្នំតាមសុបិននេះដែលត្រូវនិងប្រទេសកម្ពុជាបច្ចុប្បន្ន ។ ដែលយោងតាមកំណត្រារបស់លោក កាងថាយ (ចិន: 康泰) លោក គឺជាអ្នកដំណើរចិនម្នាក់នៅពាក់កណ្ដាលសតវត្សទី៣ មកពីនគរអ៊ូខាងកើត។ លោកត្រូវបានគេស្គាល់ដោយសារតែការធ្វើដំណើររបស់លោកទៅកាន់អាស៊ីអាគ្នេយ៍ ជាមួយលោក ជូយិង (ចិន:朱應) ដែលបានធ្វើកំណត់ត្រាអំពីនគរភ្នំ របស់កម្ពុជា ។

អំនះអំអាងផ្សេង

បើតាមសិលាចារឹកនៅមីសឺន (កម្ពុជាក្រោម) ដែលគេបានសិក្សាកំណត់ថា ចារឆ្លាក់នៅក្នុង គ.ស ៦៥៨ ព្រះ​មហា​ក្សត្រ​ខ្មែរ​ទី១ ​មាន​ព្រះ​នាមថា កៅ​ណ្ឌិន្យ។ សិលាចារឹកនោះ បានបញ្ជាក់ថាព្រះអង្គ បានទទួល​លំពែង​មួយ​ជា​ចំណង​ដៃ​ពី​ព្រាហ្មណ៍ អឝ្វតថាមន សម្រាប់​យក​ទៅ​ចោល​ផ្សង កំណត់​ទឹក​ដី ដែលត្រូវរៀបចំនគរ។ លំពែងនោះបានធ្លាក់ចំនគរគោក​ធ្លក ឬ​ស្រុក​ខ្មែរ​សព្វ​ថ្ងៃ​នេះ​។ បន្ទាប់​មក ព្រះ​កៅ​ណ្ឌិន្យ ត្រូវ​បាន​រៀបអភិសេកជាមួយនិង ព្រះនាងអូម៉ា ដែលត្រូវជាបុត្រីរបស់ស្ដេចភុជង្គនាគ។ បើមើលតាមរឿង វាហាក់ដូចជាស៊ីគ្នានឹងរឿងព្រះថោង នាងនាគ។

ពង្សាវលី

• ព្រះបិតាក្មេក ព្រះនាម មូម៉ា
  • ព្រះអគ្គមហេសី ព្រះនាម ព្រះមេសោមា (លីវយី ឬ នាងនាគ)

ឯកសារយោង

• ប្រវត្តិសាស្ត្រខ្មែរដោយលោក រស់ ចន្ត្រាបុត្រ។
• ព្រះ​រាជ​ពង្សាវតារ​ភាគ​ទី ១ សម័យនគរ​ភ្នំ ដោយ ក្រសេម-ទេពពិទូរ

សូមមើលផងដែរ

• ព្រះមហាក្សត្រកម្ពុជា
• ព្រះបរមរាជវាំងខ្មែរ
• រាជានិយមកម្ពុជា

មុនដោយ ព្រះមេសោមា (លីវយី ឬ នាងនាគ)

ស្ដេចចក្រពត្តិក្រុងកម្ពុជាធិបតី សម័យកាលនគរភ្នំ គ.ស ៦៨-ស.វទី១

តដោយ កៅណ្ឌិន្យទី២