គមនាគមន៍កម្ពុជា

ពីវិគីភីឌា
Jump to navigation Jump to search

ការលូតលាស់ផ្នែក កសិកម្ម ឧស្សាហកម្ម ពាណិជ្ជកម្ម និង​ទេសចរណ៍ ទាក់ទង​យ៉ាង​ជិតស្និទ្ធ​ទៅ​នឹង​ការ​រីក​ចម្រើន​ខាង​ផ្លូវ​គមនាគមន៍​។ ប៉ុន្តែ​ជាង​២​ទសវត្ស​កន្លង​មក​នេះ​ហេដ្ឋារចនា​សម្ព័ន្ធ ដូចជា ៖ ផ្លូវ​ថ្នល់ ផ្លូវ​ដែក ស្ពាន ដែល​​ជា​សរសៃ​ឈាម​សេដ្ឋកិច្ច​ជាតិ ត្រូវ​ស្រុត​ចុះ​ទ្រុឌទ្រោម​យ៉ាង​ខ្លាំង​ដោយ​សារ​មូលហេតុផ្សេងៗ។

យល់ដឹង[កែប្រែ]

បណ្ដាញ​គមនាគមន៍​ជាវិស័យ​សំខាន់​មួយ​ក្នុង​ការ​អភិវឌ្ឍ​សេដ្ឋកិច្ច​ជាតិ ព្រោះ​វា​ជា​មូលដ្ឋានសម្រាប់​អភិវឌ្ឍ កសិកម្ម ឧស្សាហកម្ម ពាណិជ្ជកម្ម និង​ទេសចរណ៍។ ក្នុង​ប្រទេស​កម្ពុជា​យើង​មាន​ ផ្លូវគោក ផ្លូវអាកាស និង ផ្លូវទឹក សម្រាប់​ធ្វើ​ដំណើរ និង​ដឹកជញ្ជូន​ទំនិញផ្សេងៗ​នៅ​ក្នុង​ប្រទេស និង​ក្រៅ​ប្រទេស។

ផ្លូវគោក[កែប្រែ]

Cambodian transport 04 bus.jpg
Cambodian transport 03 Tuk-tuk.jpg
Trucks in Cambodia 01.jpg

ផ្លូវគោក​មាន​ពីរ​ប្រភេទគឺ៖ ផ្លូវ​ថ្នល់ និង ផ្លូវ​ដែក ក្នុង​នោះ​ផ្លូវ​ថ្នល់​មាន​សារៈ​សំខាន់​ជាងគេ ទាំង​ប្រវែង​និង​សកម្មភាព។

មហាវិថី[កែប្រែ]

វិថី[កែប្រែ]

រុក្ខវិថី[កែប្រែ]

តិរវិថី[កែប្រែ]

ផ្លូវថ្នល់[កែប្រែ]

មាន​ផ្លូវជាតិ ផ្លូវខេត្ត ផ្លូវ​លំ និង​ផ្លូវរុក្ខបាល។

  • ផ្លូវជាតិ ៖ គឺជាផ្លូវ​ដែល​ធ្វើ និង​ថែរក្សា​ដោយ​ថវិកាជាតិ ហើយជា​ផ្លូវ​ដែល​ចេញ​ពី​រាជធានី​ភ្នំពេញ​ទៅកាន់​ខេត្ត​នានា។
  • ផ្លូវខេត្ត ៖ ផ្លូវនេះ​ថែ​រក្សា​ដោយ​ថវិកា​ខេត្ត ជា​​ផ្លូវកាត់​ផ្លូវជាតិ​ ឬ​ជា​ផ្លូវ​ចេញពី​​ទី​ប្រជុំ​ជនមួយក្នុង​ខេត្ត​ទៅ​ទីប្រជុំ​ជន​មួយ​ទៀត។
  • ​ ផ្លូវលំ ៖ ផ្លូវ​តូចៗ​គ្មាន​ក្រាល​ថ្ម ដែល​គេ​ឃើញ​មាន​នៅ​តំបន់​ជន​បទ។ ផ្លូវ​នេះ​កសាង​ដោយ​រដ្ឋបាល​មូលដ្ឋាន សហការជាមួយ​អង្គការ​ក្រៅ​រដ្ឋាភិបាល និង​ប្រជាជន​ក្នុង​តំបន់។
  • ផ្លូវរុក្ខបាល ៖ គឺជា​ផ្លូវ​ដែល​ធ្វើ និង​ថែរក្សា​ដោយ​ក្រសួង​រុក្ខា និង​ប្រម៉ាញ់​សម្រាប់​ដឹក​នាំ​ផលិត​ផល​ព្រៃ​ឈើ សម្រួល​តំហែទាំ​ព្រៃឈើ និង​ធ្វើ​ទេសចរណ៍​ធម្មតា​ផងដែរ។

ផ្លូវថ្នល់ទាំងអស់​មាន​ប្រវែង ៦០០០គ.ម ចែកជា​ផ្លូវ​ជាតិ (២៨០០គ.ម) ផ្លូវខេត្ត (១២០០គ.ម)និង​ផ្លូវរុក្ខបាល (២០០០គ.ម)។ ផ្លូវក្រាលកៅស៊ូហើយ​មាន​ប្រវែង ២០០០គ.ម ផ្លូវក្រាលថ្ម និង​ដី​ក្រហម​មានប្រវែង ២០០០គ.ម សល់ពី​នេះ​ជា​ផ្លូវ​លំ។

ផ្លូវជាតិ​សំខាន់ៗ​រួម​មាន ៖

  • ផ្លូវជាតិ​លេខ១ ៖ ពីភ្នំពេញ​ទៅ​ព្រំប្រទល់​វៀតណាម កាត់​តាម​អ្នក​លឿង​ និង​ស្វាយ​រៀង មានប្រវែង ១៦៧គ.ម។
  • ផ្លូវជាតិ​លេខ២ ៖ ពី​ភ្នំពេញ​ទៅ​ព្រំប្រទល់​វៀតណាម កាត់​តាម​តាខ្មៅ និង​តាកែវ ប្រវែង​ ១៣៧គ.ម។
  • ផ្លូវជាតិ​លេខ៣ ៖ ពី​ភ្នំពេញទៅ​ក្រុង​ព្រះសីហនុ កាត់​តាម​កំពត និង​ព្រៃ​នប់ មាន​ប្រវែង ២៦០គ.ម។
  • ផ្លូវជាតិ​លេខ៤ ៖ ពី​ភ្នំពេញទៅក្រុងព្រះសីហនុ កាត់​តាម​កំពង់ស្ពឺ មាន​ប្រវែង ២២៦គ.ម។
  • ផ្លូវជាតិ​លេខ៥ ៖ ពី​ភំ្នពេញ​ទៅ​ប៉ោយប៉ែត (អូរជ្រៅ, ព្រំប្រទល់ថៃ)កាត់​តាម​កំពង់ឆ្នាំង ពោធិសាត់ បាត់ដំបង និង​បន្ទាយមានជ័យ មាន​ប្រវែង ៤០៨គ.ម។
  • ផ្លូវជាតិ​លេខ៦ ៖ ពី​ភ្នំពេញ​ទៅ​សេរីសោភ័ណ កាត់​តាម​កំពង់ធំ និង សៀមរាប មានប្រវែង ៣៨៦គ.ម។
  • ផ្លូវជាតិ​លេខ៧ ៖ ពី​ស្គន់ ទៅ​ ស្នួល កាត់តាមកំពង់ចាម មាន​ប្រវែង ១៨០គ.ម។
  • ផ្លូវជាតិ​លេខ១៣ ៖ ពី​ស្នួល​ទៅ​ព្រំប្រទល់ឡាវ កាត់​តាម​ក្រចេះ និង ស្ទឹង​ត្រែង ប្រវែង ២៩២គ.ម។
  • ផ្លូវជាតិ​លេខ១៥ ៖ ពីអ្នកលឿង​ ទៅ ជប់ កាត់​តាម​ព្រៃ​វែង ប្រវែង ៩០គ.ម។
  • ផ្លូវជាតិ​លេខ១៩ ៖ ពីអូរពងមាន់(ស្ទឹងត្រែង) ទៅ បរកែវ កាត់តាម​ឡាបានសៀក(រតនះគីរី)ប្រវែង ២០៣គ.ម។
ផ្លូវជាតិ លេខកូដ ប្រវែង ពី ទៅ កាត់តាម
ផ្លូវជាតិលេខ១ 10001 ១៦៧គ.ម ភ្នំពេញ ព្រំប្រទល់​វៀតណាម អ្នក​លឿង​ និង​ស្វាយ​រៀង
ផ្លូវជាតិលេខ២ 10002 ១៣៧គ.ម ភ្នំពេញ ព្រំប្រទល់​វៀតណាម តាខ្មៅ និង​តាកែវ
ផ្លូវជាតិលេខ៣ 10003 ២៦០គ.ម ភ្នំពេញ ក្រុង​ព្រះសីហនុ កំពត និង​ព្រៃ​នប់
ផ្លូវជាតិលេខ៤ 10004 ២២៦គ.ម ភ្នំពេញ ក្រុង​ព្រះសីហនុ កំពង់ស្ពឺ
ផ្លូវជាតិលេខ៥ 10005 ៤០៨គ.ម ភ្នំពេញ ប៉ោយប៉ែត (អូរជ្រៅ ព្រំប្រទល់​ថៃ កំពង់ឆ្នាំង ពោធិសាត់ និង​បន្ទាយមានជ័យ
ផ្លូវជាតិលេខ៦ 10006 ៣៨៦គ.ម ភ្នំពេញ សេរីសោភ័ណ ​កំពង់ធំ និងសៀមរាប
ផ្លូវជាតិលេខ៧ 10007 ១៨០គ.ម ស្គន់ ស្នួល កំពង់ចាម
ផ្លូវជាតិលេខ១១ 10008 ៩០គ.ម អ្នកលឿង ថ្នល់ទទឹង
ផ្លូវជាតិលេខ១៣ 10009? ២៩២គ.ម ស្នួល ព្រំប្រទល់ឡាវ កំពង់ចាម និងស្ទឹង​ត្រែង
ផ្លូវជាតិលេខ១៥ 10010? ៩០គ.ម ស្នួល ជប់ កំពង់ចាម
ផ្លូវជាតិលេខ១៩ 10011? ២០៣គ.ម អូរពងមាន់ (ស្ទឹងត្រែង) បរកែវ ឡាបានសៀក (រតនះគីរី)

ផ្លូវដែក[កែប្រែ]

ប្រទេស​កម្ពុជាយើង​មាន​ផ្លូវដែក​ ២ខ្សែ។

  • ខ្សែទី១ ចេញពី​ភ្នំពេញទៅ​អូរជ្រៅ មានប្រវែង ៣៨៥គ.ម។
  • ខ្សែទី២​ចេញពី​ភ្នំពេញ​ទៅ​ក្រុងព្រះសីហនុ មានប្រវែង ២៦៦គ.ម។

ផ្លូវដែក​នៅ​ប្រទេស​យើង​ទាំងពីរខ្សែ​នេះ​មិន​ទាន់​មាន​លក្ខណះ​ទំនើប​នៅ​ឡើយ​ទេ។

ផ្លូវទឹក[កែប្រែ]

ផ្លូវទឹក​ដែល​សំខាន់​គឺ​ទន្លេមេគង្គ (​ពី​ក្រចេះ​ដល់សមុទ្រ) ទន្លេសាប បឹងទន្លេសាប ទន្លេបាសាក់ និង​ដៃ​នានា។ ប្រទេស​កម្ពុជាយើង​មាន​កំពង់ផែ​ភ្នំពេញ​ដែល​អាច​ឲ្យ​នាវា​សមុទ្រ​ចត​បាន​សឹង​គ្រប់រដូវ។ ក្រៅ​ពី​កំពង់ផែ​ភ្នំពេញ កំពង់ផែ​កំពង់ចាម ក្រចេះ កំពង់ឆ្នាំង សៀមរាប...។ល។ កំពង់ផែ​ក្រុង​ព្រះ​សីហនុ ជាកំពង់ផែ​អន្តរជាតិ អាច​ទទួលបាន​នាវាសមុទ្រ​ធំៗចូលចត​បាន​គ្រប់​រដូវ។ ក្រៅពីនេះ​មាន​កំពង់ផែរាម ដែល​ប្រើប្រាស់​សម្រាប់ជា​មូលដ្ឋាន​នាវាចរណ៍​កងទ័ពខេមរភូមិន្ទ។ កំពង់ផែកោះកុង សម្រាប់ទូកយន្ត និង​នាវាតូចៗចត។

ផ្លូវអាកាស[កែប្រែ]

ការដឹកជញ្ជូនតាមផ្លូវអាកាស មាន​សកម្មភាព​ខ្លាំង​ក្លា​ជា​លំដាប់។ អាកាសយាន្តដ្ឋាន​សំខាន់ៗ​នៃ​ប្រទេស​កម្ពុជាយើង​គឺ អាកាសយាន្តដ្ឋាន​អន្តរជាតិ​ភ្នំពេញ និង សៀមរាប។ ក្រៅពីនេះ​មាន​អាកាសយាន្តដ្ឋាន​នៅ​តាមទី​រួម​ខេត្ត​និង​ក្រុង​ជាច្រើនទៀតដូចជា ៖ បាត់ដំបង រតនះគីរី មណ្ឌលគីរី ស្ទឹងត្រែង កោះកុង និង ក្រុងព្រះសីហនុ។ អាកាសយាន្តដ្ឋាន​អន្តរជាតិ​ភ្នំពេញ​មាន​ផ្លូវចុះ​ប្រវែង ៣២០០ម ដែល​យន្តហោះ​ធន់ធ្ងន់​គ្រប់​ប្រភេទ​អាច​ចុះចត​បាន។

ទំព័រភ្ជាប់ផ្សេងៗ[កែប្រែ]