ចិញ្ចៀន (ព្រះទម្រង់)

ចិញ្ចៀន- សម្រាប់ព្រះករុណាម្ចាស់ផែនដីទ្រង់ ហៅថា “ព្រះទម្រង់មណីរតន៍” នៅមានព្រះទម្រង់ពិសេស ដែលសម្រាប់ទ្រង់ ក្នុងពេលស្តេចធ្វើសឹកខ្លះទៀត តាមដែលឃើញនៅហោព្រះបញ្ចក្សក្រ ក្នុងព្រះបរមរាជវាំង សឹងពួកបារគូរក្សានៅសព្វថ្ងៃនេះ មាន ៣ អង្គ ។ ព្រះទម្រង់ទី ១ ធ្វើអំពីមាស មានរូបទ្រង់ប្រហែលនឹងចិញ្ចៀនសំបុក ប្រដាប់ត្បូងកណ្តៀង ទាំងគ្រាប់ធំៗ ចំនួន ៥ គ្រាប់ ហើយមានរូប ទេវតាប្រចាំទិស ៨ ឡោមព័ទ្ធជុំវិញ តាមទិសទាំង ៨, នៅត្រង់ថ្ងាស ទេវតាទាំង ៨ នោះ មានដាំត្បូងតូចៗមួយ ។ ក្រៅអំពីនេះក៏មានក្បាច់ រចនាយ៉ាំងវិចិត្រ ។ ព្រះទម្រង់ទី ២ ធ្វើដោយមាស ជារូបនាគ ក្បាល ៣ ហើយមានរូបព្រះវិស្ណុ ព្រះហស្ត ៤, គង់សំយុងព្រះបាទនៅលើកនាគ ព្រះហស្តខាងលើពីរ ម្ខាងកាន់ចក្រ ម្ខាងកាន់ស័ង្ខ, ព្រះហស្តរាជ ក្រោមពីរ ម្ខាងកាន់ដូងកែវ ម្ខាងកាន់គទាវុធ (ដំបង).។ ព្រះទម្រង់ទី ៣ មានរូបលក្ខណៈដូចព្រះទម្រង់ទី ២ ប្លែកតែមានក្បាច់បន្ទាប់បន្សំវិចិត្រជាងព្រះទម្រង់ទី ២ ។

ចាស់ទុំទាំងឡាយនិយាយតំណាលថា ព្រះទម្រង់អំបាលនេះសម្រាប់ ទ្រង់ក្នុងវេលាដែលលើកទ័ពទៅប្រទល់មុខគ្នា និងកងទ័ពបច្ចាមិត្រ ទ្រង់ លើកព្រះហស្តដែលទ្រន់ព្រះទម្រង់ណាមួយចង្អុលទៅពួកបច្ចាមិត្រ ព្រម ទាំងបញ្ចេញព្រះសូរសីហនាទ ធ្វើឲ្យពួកបច្ចាមិត្រសប់សងតក់ស្លុតរត់ ទៅ ដោយរហតុនេះ គេទើបហៅព្រះទម្រង់អំបាលនេះថា “ព្រះទម្រង់ សឹកផាយ” ។ ព្រះទម្រង់បែបនេះ មានចំពោះតែព្រះមហាក្សត្រម្ចាស់ ផែនដី អ្នកឯទៀតក្រៅអំពីនេះ មិនមានទំនៀមទម្លាប់ឲ្យធ្វើប្រើទេ ។