ច្រកសមុទ្រហ័រមូហ្ស៍

ច្រកហ័រមូហ្ស៍ تنگه هرمز (ពែរ្ស) مضيق هرمز (អារ៉ាប់)
រូបភាពផ្កាយរណបនៃច្រកសមុទ្រហ័រមូហ្ស៍
ទីតាំង	ឈូងសមុទ្រពែរ្ស–ឈូងសមុទ្រអូម៉ង់
ប្រភេទ	ច្រកសមុទ្រ
ប្រទេសជាប់ជុំវិញ	អ៊ីរ៉ង់ អូម៉ង់ អេមីរ៉ាតអារ៉ាប់រួម
កោះ	កោះហ័រមូហ្ស៍ កោះកេឃ្សឹម កោះឡារ៉ាក់
ទីប្រជុំជន	បញ្ជី បានដារអាប់បាស់ ហាសាប

ច្រកសមុទ្រដែលបង្ហាញពីព្រំដែននយោបាយសមុទ្រ និង ផ្លូវដឹកជញ្ជូនទំនិញ (២០០៤)

ផែនទីភូមិសាស្ត្រច្រកសមុទ្រហ័រមូហ្ស៍ ដែលបង្ហាញពីឧបទ្វីបមូសង់ដាមនៃប្រទេសអូម៉ង់នៅភាគខាងត្បូង និងទឹកដីអ៊ីរ៉ង់នៅភាគខាងជើង

ច្រកសមុទ្រហ័រមូហ្ស៍ គឺជាផ្លូវទឹកមួយដែលស្ថិតនៅចន្លោះរវាងឈូងសមុទ្រពែរ្ស និងឈូងសមុទ្រអូម៉ង់។ នៅលើភាគខាងជើងនៃច្រកសមុទ្រនេះគឺជាប់នឹងប្រទេសអ៊ីរ៉ង់ ហើយនៅភាគខាងត្បូងមាន ឧបទ្វីបមូសង់ដាមដែលភាគច្រើនស្ថិតក្រោមអធិបតេយ្យភាពប្រទេសអូម៉ង់ លើកលែងតែចំណុចតូចមួយនៅប៉ែកនិរតីនៃឧបទ្វីបនោះដែលស្ថិតក្រោមអេមីរ៉ាតអារ៉ាប់រួម។ ច្រកសមុទ្រនេះមានប្រវែងប្រហែល ៩០ ម៉ាយល៍សមុទ្រ ឬ ១៦៧ គម និងទទឹងមានចាប់ពីប្រហែល ៥២ ម៉ាយល៍សមុទ្រ (៩៧ គម) ដល់ ២១ ម៉ាយល៍សមុទ្រ (៣៩ គម)។

ច្រកនេះគឺជាផ្លូវទឹកតែមួយគត់ពីដែលពាំនាំឈូងសមុទ្រពែរ្សទៅកាន់វាលមហាសមុទ្របើកចំហ ហើយជាចំណុចផ្លូវទឹកយុទ្ធសាស្ត្ររដ៏សំខាន់បំផុតនៅលើពិភពលោក។ នៅចន្លោះឆ្នាំ២០២៣–២០២៥ ឧស្ម័នធម្មជាតិរាវ (LNG) ប្រមាណ ២០% របស់ពិភពលោក និង ពាណិជ្ជកម្មប្រេងតាមសមុទ្រប្រមាណ ២៥% ទៀតត្រូវឆ្លងកាត់ចេញចូលតាមច្រកសមុទ្រនេះជារៀងរាល់ឆ្នាំ។ មិនតែប៉ុណ្ណោះ វាគឺជាផ្លូវដឹកជញ្ជូនផលិតផលប្រេងដ៏សំខាន់សម្រាប់អឺរ៉ុប និងអាស៊ី ហើយត្រូវបានចាត់ទុកថាមានសារៈសំខាន់ខ្លាំងចំពោះសន្តិសុខថាមពលនៃទ្វីបអឺរ៉ុប។ ណាមួយ វាក៏ជាផ្លូវសមុទ្រតែមួយគត់ផងដែរសម្រាប់បណ្ដាប្រទេសឈូងសមុទ្រមួយចំនួនរួមទាំង កាតា គុយវ៉ែត បារ៉ែន អ៊ីរ៉ាក់ និងអេមីរ៉ាតអារ៉ាប់រួម ខណៈបញ្ហារំខានណាមួយដល់ច្រកសមុទ្រនេះអាចនឹងបង្កឱ្យជាកង្វះការផ្គត់ផ្គង់ធ្ងន់ធ្ងរ។

នៅមុនសង្គ្រាមអ៊ីរ៉ង់ ច្រកសមុទ្រនេះមិនដែលត្រូវបានបិទក្នុងរយៈពេលយូរក្នុងកំឡុងពេលជម្លោះអ្វីក្នុងតំបន់មជ្ឈិមបូព៌ានោះទេ (ខុសពីច្រកសមុទ្រទីរ៉ាន / បាបអេលម៉ាន់ដេប) ទោះបីជាអ៊ីរ៉ង់ធ្លាប់បានគំរាមបិទច្រកសមុទ្រនេះម្តងម្កាលក៏ដោយ ហើយកិច្ចរៀបចំដាក់ពង្រាយមីនក៏អ៊ីរ៉ង់់ធ្លាប់ធ្វើពីមុនមកដែរ។ ច្រកសមុទ្រនេះបានក្លាយជាប្រធានបទតាមដានដ៏សំខាន់សម្រាប់សហគមន៍អន្តរជាតិក្នុងកំឡុងសង្គ្រាមអ៊ីរ៉ង់ឆ្នាំ២០២៦ ដែលបានបង្កបង្កើតជាវិបត្តិច្រកសមុទ្រហ័រមូហ្ស៍។