ច្រកអានសេះ

ច្រកអានសេះ គឺជាភ្នំនិងច្រកព្រំដែនធម្មជាតិមួយស្ថិតនៅតាមជួរភ្នំដងរ៉ែកដែលដែលមានទីតាំងនៅតាមបណ្ដោយព្រំដែនកម្ពុជា-ថៃ ដោយខាងកម្ពុជាស្ថិតនៅក្នុងភូមិសាស្រ្តភូមិអានសេះ ឃុំជាំក្សាន្ត ស្រុកជាំក្សាន្ត ខេត្តព្រះវិហារ (ចម្ងាយប្រមាណ២៥គ.មពីទីរួមស្រុកជាំក្សាន្ត) ទល់នៅខាងដីសៀម គឺស្ថិតក្នុងភូមិអានម៉ា (អានសេះ) ឃុំសូង ស្រុកណាមយឺន ខេត្តឧប្បលរាជធានី។ តំបន់នេះត្រូវបាន ថៃ និង កម្ពុជា ប្រជែងគ្នា ហើយវាជាចំណុចក្តៅគគុកដ៏សំខាន់មួយនៅក្នុងជម្លោះព្រំដែន ឆ្នាំ ២០០៨-២០១៣ និង ២០២៥ រវាងប្រទេសទាំងពីរ។ ច្រកនេះគឺជាអធិតេយ្យភាពបូរណភាពទឹកដីកម្ពុជាដោយស្របតាមច្បាប់ ។

ជម្លោះព្រំដែនឆ្នាំ ២០២៥

ក្នុងអំឡុងពេល ជម្លោះកម្ពុជា-ថៃឆ្នាំ ២០២៥ ថៃចូលរំលោភដែនអធិបតេយ្យកម្ពុជាទាំងខុសច្បាប់ដោយបានអះអាងថាបានកាន់កាប់ទាំងកំពូលភ្នំអានសេះ ប្រទេសថៃបានអះអាងថាបានកាន់កាប់ទាំងកំពូលភ្នំ និងកំពូលភ្នំត្រប់ ។ ច្រកអានសេះត្រូវបានបិទដោយភាគីសៀមជាឯកត្តោភាគីនាថ្ងៃ០១ ខែឧសភា ឆ្នាំ២០២៥ ហើយក្លាយជាសមរភូមិក្តៅនៃការប្រយុទ្ធគ្នាដណ្តើមទីតាំងមួយនេះរវាងកងទ័ពកម្ពុជា និងថៃ។ ក្រៅពីអាស្រមរបស់លោកតាអ៊ុំដែលថៃបានបំផ្លាញដោយចោទបានសាងសង់រំលោភលើកិច្ចព្រមព្រៀង នៅមានផ្ទះសំបែងរបស់ប្រជាពលរដ្ឋស្លូតត្រង់ និងអាគារនានាត្រូវបានថៃបាញ់ផ្លោងដាក់ និងទម្លាក់គ្រាប់បែកកំទេចចោលផងដែរ។ ព្រឹត្តិការណ៍នៃការបំផ្លាញរូបបដិមាទេវហិណ្ឌូ នៅតំបន់ច្រកទ្វារតំបន់អានសេះ ក្នុងស្រុកជាំក្សាន្ត ខេត្តព្រះវិហារ បានក្លាយជាប្រធានបទដ៏ក្ដៅគគុក និងបានឈានទៅដល់ការបង្កើតឱ្យមាន ប្រតិកម្មអន្តរជាតិ ជាពិសេសពីសំណាក់ប្រទេសឥណ្ឌា ដែលជាប្រភពដើមនៃសាសនាហិណ្ឌូ ដែលត្រូវបានសាងសង់ឡើងក្នុងឆ្នាំ២០១៤ ហើយក៏ត្រូវបានយោធាថៃ កម្ទេចចោលកាលពីថ្ងៃទី ២២ ខែធ្នូ ឆ្នាំ២០២៥។