ដែកថែបក្នុងឡភ្លើង
អំពីអ្នកនិពន្ធ
[កែប្រែ]លោក គឹម ពិសិដ្ឋ មានស្រុកកំណើតឃុំកំពង់ព្រះ ស្រុកសង្កែ ខេត្តបាត់ដំបង។ នៅឆ្នាំ២០១២ ពិសិដ្ឋបានបញ្ចប់ការសិក្សាថ្នាក់បរិញ្ញាបត្រ ជំនាញធនាគារ និងហិរញ្ញវត្ថុ ពីសាកលវិទ្យាល័យគ្រប់គ្រង និងសេដ្ឋកិច្ច។
ក្រោយមក នៅឆ្នាំ២០១៦ លោកបាន បញ្ចប់ការសិក្សាថ្នាក់អនុបណ្ឌិត ជំនាញកម្មវិធីសិក្សា និងការបង្រៀន ពីសាកលវិទ្យាល័យ Valaya Alongorn Rajabhat University under the Royal Patronage Thani រាជាណាចក្រថៃ។
លោកធ្លាប់បម្រើការងារជាគ្រូបង្រៀនភាសាអង់គ្លេស នៅសាលារៀនឯកជន ក្នុងឆ្នាំ២០១០ ដល់ ២០១៥។ រីចំណែកឯបច្ចុប្បន្ន លោកគឺជាប្រធានបណ្ណាល័យ American Corner Cambodia ក្រុងបាត់ដំបង។
ដែកថែបក្នុងឡភ្លើង
[កែប្រែ]និពន្ធដោយ គឹម ពិសិដ្ឋ
គ្រឹះស្ថានបោះពុម្ភឯកសារខ្មែរ
នាយកគ្រឹះស្ថានបោះពុម្ភៈ ឡឹក ជំនោរ
នាយកប្រតិបត្តិៈ ហេង ឧត្តម
បណ្ណាធិការៈ ឃឹម ច័ន្ទសុអហំ
រចនាទំព័រៈ ប៉ាកកាខ្មែរ
រចនាក្របៈ ឡាំ លឹម
ជំនួយការគ្រឹះស្ថានៈ វ៉ន សុគន្ធារី និងហ៊ីង ស្រីរ័ត្ន
ផ្នែកទីផ្សារៈ ធិន ឌីម៉ង់
អាសយដ្ឋានៈ ផ្ទះលេខ៥០ ផ្លូវ P-០៥ បុរីប៉េងហួត បឹងស្នោ សង្កាត់និរោធ ខណ្ឌច្បារអំពៅ រាជធានីភ្នំពេញ
ទូរស័ព្ទទំនាក់ទំនងៈ (៨៥៥)៩២ ៧៨៨ ៩៩០
គេហទំព័រៈ www.khmerbooks.net
ទូរលេខៈ khmerbookspub@gmail.com
លេខ ISBN-13: 978-9924-542-01-8
បោះពុម្ភលើកទី១ ចំនួន ១ ០០០ច្បាប់ ខែវិច្ឆិកា គ.ស.២០១៩ នៅរាជធានីភ្នំពេញ ប្រទេសកម្ពុជា ខ្នាត ១៤.៥x២០.៥ សង់ទីម៉ែត្រ កម្រាស់ ២២៦ទំព័រ តម្លៃ ២៨ ០០០រៀល
ទាក់ទងលក់ដុំ និងលក់រាយ៖ (+៨៥៥)៨៩ ៨៥៩ ៧៦៤
រក្សាសិទ្ធិដោយ គឹម ពិសិដ្ឋ គ.ស.២០១៩
រវាងភាពខ្លាំង និងភាពខ្សោយ
លោកអ្នកច្បាស់ជាធ្លាប់ដឹងហើយថា កូនមាន់វិញយកឡើងដោយរបៀបណា។ ជាធម្មជាតិ វាប្រើចំពោះរបស់វាដើម្បីប្រឹងចោះទម្លុះសំបកពងចេញមកខាងក្រៅ។ តែតើហេតុអ្វីក៏វាមិនប្រើស្លាប ខ្នង ឬក៏កន្ទុយរបស់វាដើម្បីបុកទម្លុះចេញមកក្រៅ? ពីព្រោះចំពុះរបស់កូនមាន់ពេលដែលស្ថិតនៅក្នុងពងគឺជាចំណុចខ្លាំងជាងគេតែមួយគត់ដែលវាមាន។
ដើរមកដល់ត្រង់ចំណុចនេះ ប្រហែលជាមានអ្នកខ្លះនៅមិនទាន់ដឹងថាខ្លួនឯងមានអ្វីជាចំណុចខ្លាំងរបស់ខ្លួននៅឡើយផងទេ។ សូមអ្នកសាកឈប់មួយភ្លែត ហើយងាកមកគិតអំពីខ្លួនឯងមើល។ តើអ្នកអាចឆ្លើយប្រាប់ខ្លួនឯងបានទេថា តើអ្នកមានភាពខ្លាំងទៅលើអ្វី ឬតើអ្នកពូកែ និងចូលចិត្តធ្វើអ្វី។ តាមរយៈបទពិសោធន៍កន្លងមក តើអ្នកធ្លាប់សម្រេចបានការងារអ្វីល្អៗខ្លះ។