វិទ្យុទូរទស្សន៏ទីម័រខាងកើត

វិទ្យុទូរទស្សន៍ទីម័រខាងកើត (RTTL, តាទុម: Rádiu Televisaun Timor Leste, Radio and Television of East Timor in English) គឺជាស្ថានីយ៍វិទ្យុ និង ទូរទស្សន៍ជាតិ របស់ទីម័រខាងកើត។ សាខាវិទ្យុរបស់វិទ្យុទូរទស្សន៍ទីម័រខាងកើត (RTTL) ត្រូវបានគេស្គាល់ថាជា វិទ្យុទីម័រខាងកើត (RTL) ដែលផ្សាយជាភាសាតាទុម និង ព័រទុយហ្គាល់ ។ វិទ្យុទីម័រខាងកើត ត្រូវបានចាក់ផ្សាយ ១៦ ម៉ោងក្នុងមួយថ្ងៃជាមួយនឹងកម្មវិធីចំនួន ៣៤ ក្នុងស្រុកដែលផលិតដោយបុគ្គលិកចំនួន ៦៣ នាក់ ។ ប្រាំពីរភាគរយនៃកម្មវិធីរបស់ RTL គឺមកពីអ្នកផលិតខាងក្រៅ រួមទាំងអង្គការ និងភ្នាក់ងារមិនមែនរដ្ឋាភិបាលផងដែរ។ វិទ្យុទីម័រខាងកើត ជាបណ្តាញព័ត៌មានដ៏សំខាន់ និងមានការគ្របដណ្តប់ទូលំទូលាយបំផុតនៃចំនួនប្រជាជន ។

វិទ្យុទូរទស្សន៍ទីម័រខាងកើត

Rádio e Televisão de Timor-Leste, 2023 (02).jpg
ប្រភេទ	បណ្ដាញផ្សព្វផ្សាយ វិទ្យុ បណ្ដាញទូរទស្សន៍
ប្រទេស	ទីម័រខាងកើត
បាវចនា	Roman ba Nasaun (តាទុម សម្រាប់ "ពន្លឺនៃប្រជាជាតិ")
Headquarters	ឌីលី
Broadcast area	ទីម័រខាងកើត [ឥណ្ឌូនេស៊ី]] (ទីម័រខាងលិច, នូសាតេងការ៉ាខាងកើត)
Owner	រដ្ឋាភិបាលទីម័រខាងកើត
កាលបរិច្ជេទចាប់ផ្ដើម	1 មិថុនា 2002 (2002-០៦-01)
ឈ្មោះមុន	TVRI Dili (១៩៧៨–១៩៩៩)
Language	តាទុម ព័រទុយហ្គាល់ ឥណ្ដូនេស៊ី អង់គ្លេស

ទូរទស្សន៍របស់វិទ្យុទូរទស្សន៍ទីម័រខាងកើត ត្រូវបានគេស្គាល់ថាជា Televisão de Timor Leste ឬ Televizaun Timor Lorosae ( ទូរទស្សន៍ទីម័រខាងកើត ) អក្សរកាត់ថា TVTL ។ កាលវិភាគរបស់វាមានកម្មវិធីផលិតក្នុងស្រុកមួយចំនួននៅក្នុងភាសាតាទុម ក៏ដូចជាការបញ្ជូនបន្តនៃកម្មវិធីព័ត៌មាន និងកម្មវិធីផ្សេងទៀតពី RTP Internacional ។ ទូរទស្សន៍ទីម័រខាងកើត ចាប់​ផ្ដើម​ចាក់​ផ្សាយ​នៅ​ឆ្នាំ ១៩៧៨ ជា​ដំបូង​ជា ​ស្ថានីយ​ទីម័រ​ខាង​កើត ​នៃ TVRI ហើយ​ក្រោយ​មក​ត្រូវ​បាន​ប្ដូរ​ឈ្មោះ​ជា TV UNTAET ។ បន្ទាប់ពីឯករាជ្យនៅថ្ងៃទី ២០ ខែឧសភា ឆ្នាំ ២០០២ វាបានយកឈ្មោះបច្ចុប្បន្នរបស់វា។ វាបានស្រូបយកអតីតឧបករណ៍បញ្ជូន TVRI នៅលើប៉ុស្តិ៍លេខ ៧ ក៏ដូចជាមានស្ថានីយ៍បញ្ជូនបន្តនៅលើប៉ុស្តិ៍ ១២ នៅ បាកាវ (Baucau) ។