វិហារអក្សរសាស្ត្រ ,ហាណូយ

វិហារខុងជឺ
Văn Miếu
Khuê Văn Các was built in 1805 and is a symbol of Hanoi.
សាសនា
សាសនា	លទិ្ធខុងជឺ
ទីតាំង
ទីតាំង	No.58, ផ្លូវគុកទឺសាម, សង្កាត់វ៉ាន់មៀវគុកទឺសាម, ហាណូយ
ស្ថាបត្យកម្ម
បានបង្កើតឡើង	១០៧០
គេហទំព័រ
vanmieu.gov.vn

វ៉ាន់ មៀវ (វៀតណាម: Văn Miếu, vi, អក្សរហាន: 文廟), បកប្រែតាមព្យញ្ជនៈថាជាវិហារអក្សរសាស្ត្រ គឺជាវិហារមួយដែលឧទ្ទិសដល់ខុងជឺ នៅទីក្រុងហាណូយ ភាគខាងជើងប្រទេសវៀតណាម។ វិហារនេះត្រូវបានបង្កើតឡើង និងសាងសង់ជាលើកដំបូងនៅឆ្នាំ ១០៧០ ក្នុងរាជ្យអធិរាជ លី ថាញ់តុង ហើយវាជាទីតាំងនៃសាកលវិទ្យាអធិរាជ (Quốc Tử Giám, 國子監) ដែលជាសាកលវិទ្យាល័យជាតិដំបូងគេរបស់ប្រទេសវៀតណាម ពីឆ្នាំ ១០៧៦ ដល់ ១៧៧៩។ នៅឆ្នាំ ១៨០៣ សាលានេះត្រូវបានផ្លាស់ប្តូរទៅកាន់រាជធានីថ្មីនៃរាជវង្សង្វៀន ក្នុងទីក្រុងហ្វេ។

វ៉ាន់មៀវ គឺជាវិហារមួយក្នុងចំណោមវិហារជាច្រើននៅក្នុងប្រទេសវៀតណាម ដែលឧទ្ទិសដល់ខុងជឺ,បណ្ឌិត និងអ្នកបញ្ញវន្ត។ វិហារនេះមានទីតាំងស្ថិតនៅភាគខាងត្បូងនៃកំពែងបន្ទាយអធិរាជថាំងឡុង។ ពន្លា,សាល,បដិមា និងសិលាចារឹករបស់គ្រូពេទ្យជាច្រើនកន្លែង គឺជាកន្លែងដែលបានធ្វើពិធីបូជា វគ្គសិក្សា និងការប្រឡងដ៏តឹងរ៉ឹងរបស់ជនជាតិដាយវៀត។ វិហារនេះមានរូបនៅខាងក្រោយនៃក្រដាសប្រាក់វៀតណាម ១០០,០០០ ដុង។ មុនពេលប្រារព្ធពិធីបុណ្យចូលឆ្នាំថ្មីវៀតណាម (តេត) អ្នកនិពន្ធអក្សរផ្ចង់នឹងប្រមូលផ្តុំគ្នានៅខាងក្រៅវត្ត ហើយសរសេរបំណងប្រាថ្នាជាអក្សរហាន ។ ស្នាដៃសិល្បៈត្រូវបានផ្តល់ជាអំណោយ ឬត្រូវបានប្រើជាគ្រឿងតុបតែងផ្ទះសម្រាប់ឱកាសពិសេសៗ។

មន្ត្រីជាន់ខ្ពស់ ចៅហ្វាយខេត្ត និងចៅហ្វាយស្រុក ក្នុងសម្លៀកបំពាក់ចូលគាល់ផ្លូវការ នៅវិហារវ៉ាន់មីវ (Văn Miếu) ក្នុងឆ្នាំ១៩១៥ ថតជាហ្វូតូក្រាមពណ៌ (Autochrome) ដោយលោក លីអុង ប៊ីហ្ស៊ី (Léon Busy) សម្រាប់បណ្ណសារភពផែនដី ។

ក្រុមមន្ត្រីស៉ីវិលជាន់ខ្ពស់នៅវិហារវ៉ាន់មៀវ ។