សម្តេចព្រះរាជបុត្រី ព្រះឯកក្សត្រី

សម្តេចព្រះរាជបុត្រី ព្រះឯកក្សត្រី
សម្តេចព្រះរាជបុត្រីអាណាចក្រកម្វុជទេឝ។
ព្រះអគ្គមហេសីរបស់ស្តេចក្រុងស្រីអយុធ្យា
រជ្ជកាល	១៥៩៣-១៦០៥
អង្គមុន	ព្រះមណីរតនា (ព្រះអគ្គមហេសី)
អង្គក្រោយ	យោធ្យា មីពញា (ព្រះមហេសី)
ប្រសូត	បន្ទាយលង្វែក ក្រុងកម្ពុជាធិបតី
រាជពន្ធភាព	ព្រះបាទនរេឝ្វរ ស្តេចអាណាចក្រអយុធ្យា
វង្ស	រាជវង្ស​កម្វុជទេឝ (ដោយកំណើត) រាជវង្សសុខោទ័យ (ដោយរៀបអភិសេក)
បិតា	សម្តេចព្រះបរមរាជាទី៤ (ស្រីសុរិយោពណ៌)
មាតា	សម្ដេចព្រះភគវតី សុជាតិជាតាមហាក្សត្រី
សាសនា	ព្រះ​ពុទ្ធសាសនារចនាបថខ្មែរ（និកាយថេរវាទ) សាសនាប្រជាប្រិយខ្មែរ（វិញ្ញាណនិយម) ព្រហ្មញ្ញសាសនា

អ្នកអង្គម្ចាស់ឯកក្សត្រី ឬ ព្រះ​ឯកក្សត្រី (ថៃ:พระเอกกษัตรี អង់គ្លេស:Ek Kasattri ) គឺជាព្រះរាជធីតានៃសម្តេចព្រះបរមរាជាទី៤ (ស្រីសុរិយោពណ៌) អតីតព្រះមហាក្សត្រកម្ពុជា សម័យកាលលង្វែក និង សម្ដេចព្រះភគវតី សុជាតិជាតាមហាក្សត្រី។ ជាសម្ដេចព្រះរាជមហេសីនៃព្រះបាទនរេឝ្វរ អតីតព្រះមហាក្សត្រសៀមសម័យអយុធ្យា។

ព្រះ​​រាជ​​ជីវប្រវត្តិ

អ្នកអង្គម្ចាស់ឯកក្សត្រី ទ្រង់ប្រសូត នារាជធានីបន្ទាយលង្វែក ក្រុងកម្ពុជាធិបតី។ ទ្រង់គឺជាព្រះរាជបុត្រីច្បង របស់សម្តេចព្រះបរមរាជាទី៤ (ស្រីសុរិយោពណ៌) ព្រះមហាក្សត្រកម្ពុជា សម័យកាលលង្វែក និង សម្ដេចព្រះភគវតី សុជាតិជាតាមហាក្សត្រី។ ព្រះអង្គមានព្រះរៀមនិងព្រះអនុជរួមព្រះឧទរចំនួន៣អង្គ គឺ អ្នកអង្គម្ចាស់វិសុទ្ធក្សត្រី ព្រះអង្គម្ចាស់ជ័យជេដ្ឋា អតីតព្រះចៅក្រុងកម្ពុជាធិបតី និងព្រះអង្គម្ចាស់ឧទ័យ។

ការបាក់បែកក្រុងលង្វែក

នៅក្នុង គ.ស.១៥៩៣ ព្រះនរេន្ទ្រសូរដែលបានក្លាយទៅជាព្រះរាជារបស់សៀមហើយ បានដឹកនាំទ័ពចូលលុកលុយព្រះរាជាណាចក្រកម្ពុជាសារជាថ្មីទៀត។ ពេលនោះព្រះឧភយោរាជស្រីសុរិយោពណ៌ត្រូវបានបញ្ជូនឲ្យទៅទប់ទល់ការពារនៅបរិបូរណ៍ ដែលជារបាំងចុងក្រោយរបស់រាជធានី។ នៅចំពោះការឈានមកមុខមិនអាចទប់បានរបស់ទ័ពសៀម ព្រះអង្គបានយាងចេញពីបរិបូរណ៍ ដឹកនាំទ័ពធ្វើដំណើរកាត់ទ័ពសត្រូវ រហូតមកដល់រាជធានីលង្វែកវិញ ដែលព្រះរៀមរបស់ព្រះអង្គទើបតែបានចាកចេញជាមួយព្រះរាជវង្សានុវង្ស ទៅកាន់ស្រីសន្ធរ បាត់ទៅហើយ។ ព្រះអង្គក៏ចាត់ចែងរៀបចំទប់ទល់ការវាយលុករបស់ពួកសៀម ប៉ុន្តែទប់មិនឈ្នះ សៀមក៏ដណ្តើមយករាជធានីបានទៅ នៅក្នុងខែមករា ឆ្នាំ១៥៩៤។ ព្រះឧភយោរាជស្រីសុរិយោពណ៌ជាមួយនឹងព្រះមហេសីសុជាតិក្សត្រី ព្រះរាជបុត្រីទាំងពីរអង្គគឺអ្នកអង្គម្ចាស់ឯកក្សត្រី និងអ្នកអង្គម្ចាស់វិសុទ្ធក្សត្រី ព្រមទាំងព្រះរាជបុត្រាទាំងពីរអង្គគឺព្រះអង្គម្ចាស់ជ័យជេដ្ឋា និងព្រះអង្គម្ចាស់ឧទ័យ ត្រូវសៀមចាប់ជាអ្នកឈ្លើយ នាំយកទៅស្រុកសៀម ។ មានព្រះអង្គម្ចាស់មួយអង្គទៀតមានព្រះនាមថាស្រីជ័យជេដ្ឋ ឬជ័យជេដ្ឋ ដែលត្រូវជាបង/ប្អូនថ្លៃរបស់ព្រះឧភយោរាជ ក៏ត្រូវបានចាប់យកទៅស្រុកសៀមដែរ។ ព្រះរាជបុត្រីច្បងរបស់ព្រះអង្គ គឺអ្នកអង្គម្ចាស់ឯកក្សត្រី ត្រូវបានព្រះរាជាសៀម នរេន្ទ្រសូរ ទទួលយកធ្វើជាព្រះមហេសី។

អាងទឹកឯកក្សត្រី ​នៅសាកលវិទ្យាល័យនរេន្ទ្រសូរ ខេត្តពិស្ណុលោក ភាគឧត្តរ​ប្រទេសថៃ​នេះ​ត្រូវ​បាន​កសាង​ឡើង​ដោយ​សាកលវិទ្យាល័យនរេន្ទ្រសូរ ទុក​ជា​ការ​ឧទ្ទិស​ដល់ព្រះភរិយាជនជាតិខ្មែរ​របស់​ព្រះបាទនរេឝ្វរ គឺ ព្រះ​ឯកក្សត្រី។

ព្រះរាជគ្រួសារ

ពង្សាវលី

• ព្រះអយ្យកា ព្រះនាម សម្ដេច ព្រះរាជឱង្ការ បរមិន្ទរាជា និងព្រះអយ្យិកា ព្រះម្នាងកេសរមាលា។
  • ព្រះបិតាព្រះនាម សម្តេចព្រះបរមរាជាទី៤ (ស្រីសុរិយោពណ៌)
    • ព្រះស្វាមី ព្រះបាទនរេឝ្វរ ស្តេចព្រះមហាក្សត្រសៀមសម័យអយុធ្យា
      • ព្រះរៀមនិងព្រះអនុជរួមព្រះឧទរ សម្តេចព្រះជ័យជេស្ឋាទី២ អតីតព្រះចៅក្រុងកម្ពុជាធិបតី ព្រះឧភយោរាជឧទ័យរាជា ព្រះវិសុទ្ធក្សត្រី

សូមមើលផងដែរ

• បញ្ជីព្រះរាជពន្ធភាពព្រះប្រមុខព្រះរាជាណាចក្រកម្ពុជា
• វីរនារីខ្មែរ
• សម័យកាលលង្វែក