សាប់ប៉ូរ៉ូ

សាប់ប៉ូរ៉ូ (ជប៉ុន: 札幌市 , អៃនុ: サッ・ポロ・ペッ) គឺជាក្រុងធំមួយដែលបម្រើការជាមជ្ឈមណ្ឌលសេដ្ឋកិច្ច វប្បធម៌ និងនយោបាយ មានទីតាំងស្ថិតនៅភាគនិរតីនៃកោះហុកកៃដូ និងជាទីរួមខេត្តនៃកោះហុកកៃដូ ដែលជាខេត្តភាគខាងជើងបំផុតរបស់ប្រទេសជប៉ុន ដោយគ្របដណ្តប់លើផ្ទៃដីប្រមាណ ១,១២១.២៦ គីឡូម៉ែត្រការ៉េ ។ ទីក្រុងសាប់ប៉ូរ៉ូមានប្រជាជនប្រមាណ ១.៩៧ លាននាក់ (ប្រហែល ២.៥ លាននាក់នៅក្នុងតំបន់ទីប្រជុំជនសាប់ប៉ូរ៉ូ) ដែលធ្វើឱ្យវាក្លាយជាទីក្រុងធំទីប្រាំតាមចំនួនប្រជាជននៅក្នុងប្រទេសជប៉ុន ។

ទិដ្ឋភាពខាងក្រៅនៃសារមន្ទីរស្រាបៀរសាប៉ូរ៉ូ (Sapporo Beer Museum) នៅទីក្រុងសាប៉ូរ៉ូ ខេត្តហុកកៃដូ។

តំបន់ស៊ូស៊ូគីណូនៃទីក្រុងសាប៉ូរ៉ូ

កាលដើមឡើយទីនេះ គឺជាទីនេះជាមជ្ឈមណ្ឌលសំខាន់បំផុតរបស់ជនជាតិអៃនុ ដែលជាជនជាតិដើមភាគតិចនៃកោះនេះ ការតាំងទីលំនៅតូចៗរបស់ជប៉ុនដំបូងគេបានលេចឡើងនៅនៅឆ្នាំ ១៨៦៦ នៅពេលដែលព្រែកមួយត្រូវបានស្ថាបនាឡើយមានឈ្មោះថា «ព្រែកអូតូម៉ូ» តែត្រូវបានប្តូរឈ្មោះទៅជា «ទន្លេសូសី»។ ការបង្កើតទីក្រុងនេះត្រូវបានចាត់ទុកថាជាឆ្នាំ ១៨៦៨ ក្នុងសម័យមេជី បានអភិវឌ្ឍជាទីក្រុងទំនើបមួយ ដោយផ្តោតលើការអប់រំ និងឧស្សាហកម្ម។ ការបង្កើតគណៈកម្មការអភិវឌ្ឍន៍ហុកកៃដូក្នុងឆ្នាំ ១៨៦៩ មក ទីក្រុងសាប៉ូរ៉ូបានបន្តអភិវឌ្ឍជាមូលដ្ឋានសម្រាប់ការអភិវឌ្ឍហុកកៃដូ។

រដ្ឋបាល

សាប់ប៉ូរ៉ូបច្ចុប្បន្នមានខណ្ឌរដ្ឋបាលចំនួន ១០ មានដូចជា :

• ខណ្ឌឈូអូ (Chuo-ku)

• ខណ្ឌគីតា (Kita-ku)

• ខណ្ឌហ៊ីហ្គាស៊ី (Higashi-ku)

• ខណ្ឌស៊ិរ៉ូអ៊ីស៊ី (Shiroishi District)

• ខណ្ឌអាត្ស៊ូបេត្ស៊ូ (Atsubetsu Ward)

• ខណ្ឌតូយ៉ូហ៊ីរ៉ា (Toyohira Ward)

• ខណ្ឌគីយ៉ូតា (Kiyota Ward)

• ខណ្ឌមីណាមិ (Minami-ku)

• ខណ្ឌនីស៊ិ (Nishi-ku)

• ខណ្ឌតេអ៊ីណេ (Teine Ward)