ស៊ូរ៉ាបាយ៉ា

ស៊ូរ៉ាបាយ៉ា គឺជាទីក្រុងរដ្ឋធានីនៃខេត្តជ្វាខាងកើត និងជាទីក្រុងធំទីពីរក្នុងប្រទេសឥណ្ឌូនេស៊ី បន្ទាប់ពីទីក្រុងហ្សាកាតា។ មានទីតាំងនៅជ្រុងភាគឦសាននៃកោះជ្វា នៅលើច្រកសមុទ្រម៉ាឌូរ៉ា វាជាទីក្រុងកំពង់ផែដំបូងបំផុតមួយនៅអាស៊ីអាគ្នេយ៍។  យោងតាមទីភ្នាក់ងារផែនការអភិវឌ្ឍន៍ជាតិ ស៊ូរ៉ាបាយ៉ា គឺជាទីក្រុងមួយក្នុងចំណោមទីក្រុងសំខាន់ៗចំនួនបួននៃប្រទេសឥណ្ឌូនេស៊ី រួមជាមួយទីក្រុងហ្សាកាតា មេដាន់ និងម៉ាកាស្សា។ ទីក្រុងនេះមានប្រជាជនចំនួន ២,៨៧៤,៣១៤នាក់ នៅក្នុងដែនកំណត់ទីក្រុងរបស់ខ្លួននៅជំរឿនឆ្នាំ២០២០។ ដោយមានប្រជាជន ៣,០០៩,២៨៦នាក់ នាក់រស់នៅក្នុងទីក្រុងគិតត្រឹមពាក់កណ្តាលឆ្នាំ ២០២៣ (ក្នុងនោះមានបុរស ១,៤៩០,៣៥៨នាក់ និងស្រី ១,៥១៨,៩២៨នាក់) និងជាង១០លាននាក់នៅក្នុងតំបន់ទីប្រជុំជនស៊ូរ៉ាបាយ៉ា ដែលបានពង្រីក នេះបើយោងតាមការប៉ាន់ស្មានផ្លូវការចុងក្រោយ ស៊ូរ៉ាបាយ៉ា គឺជាតំបន់ធំជាងគេទីពីរនៅក្នុងប្រទេសឥណ្ឌូនេស៊ី។