ហាន់ ដុកស៊ូ

ហាន់ ដុកស៊ូ
한덕수
ប្រធានាធិបតីស្ដីទីកូរ៉េខាងត្បូង
កាន់តំណែង
ក្នុងការិយាល័យ ២៤ មីនា ២០២៥
នាយករដ្ឋមន្ត្រី	ខ្លួនលោក
មុន	ឆូអេ​ សាំងម៉ុក
ក្នុងការិយាល័យ ១៤ ធ្នូ ២០២៤ – ២៧ ធ្នូ ២០២៤
នាយករដ្ឋមន្ត្រី	ខ្លួនលោក
មុន	យូន សកយ៉ល
បន្ទាប់	ឆូអេ សាំងម៉ុក
នាយករដ្ឋមន្ត្រីកូរ៉េខាងត្បូង
កាន់តំណែង
ក្នុងការិយាល័យ ២១ ឧសភា ២០២២
ប្រធានាធិបតី	យូន សកយ៉ល ខ្លួនលោក (ស្ដីទី) ឆូអេ សាំងម៉ុក (ស្ដីទី) ខ្លួនលោក (ស្ដីទី)
រង	ឈូ ក្យុងហូ ឆូអេ សាំងម៉ុក ផាក់ ស៊ូណេ លី ជូហូ
មុន	គីម ប៊ូគ្យឹម ឈូ ក្យុងហូ (ស្ដីទី)
ក្នុងការិយាល័យ ២ មេសា ២០០៧ – ២៩ កុម្ភៈ ២០០៨
ប្រធានាធិបតី	ឌូ មួហ្យុន
មុន	ហាន់ ម្យឹងស៊ុក
បន្ទាប់	ហាន់ ស៊ឹងសូ
ស្ដីទី ១៦ មីនា ២០០៦ – ១៩ មេសា​ ២០០៦
ប្រធានាធិបតី	ឌូ មួហ្យុន
មុន	លី ហេឆាន់
បន្ទាប់	ហាន់ ម្យឹងស៊ុក
ឯកអគ្គរដ្ឋទូតកូរ៉េខាងត្បូងប្រចាំសហរដ្ឋអាមេរិក
ក្នុងការិយាល័យ ៩​ មីនា ២០០៩ – ១៧ កុម្ភៈ ២០១២
ប្រធានាធិបតី	លី​ ម្យុងប៉ាក់
មុន	លី ថេស៊ិក
បន្ទាប់	ឆូអេ យ៉ុងជីន
ឧបនាយករដ្ឋមន្ត្រី និង រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ
ក្នុងការិយាល័យ ១៤ មីនា ២០០៥ – ១៨ កក្កដា ២០០៦
នាយករដ្ឋមន្ត្រី	លី ហេឆាន់ ខ្លួនលោក (ស្ដីទី) ហាន់ ម្យឹងស៊ុក
មុន	លី ហ៊ឹនជេ
បន្ទាប់	ក្វន អូគ្យូ
ព័ត៌មានលម្អិតផ្ទាល់ខ្លួន
កើត	(1949-06-18) 18 មិថុនា 1949 ឆន់ជូ, កូរ៉េខាងត្បូង
គណបក្ស​នយោបាយ	ឯករាជ្យ
ពន្ធភាព	ឆូអេ អាយ៉ុង
ការអប់រំ	សាកលវិទ្យាល័យជាតិសេអ៊ូល (BA) សាកលវិទ្យាល័យហា​វើដ (MA, PhD)
ហត្ថលេខា
សេវា​យោធា
ភក្ដីភាព	កូរ៉េខាងត្បូង
សាខា/សេវាកម្ម	កងទ័ពនៃសាធារណរដ្ឋកូរ៉េ
ឋានៈ	ពលបាល

ហាន់ ដុកស៊ូ (ភាសាកូរ៉េ៖ 한덕수, កើតថ្ងៃទី១៨ ខែមិថុនា ឆ្នាំ១៩៤៩) គឺជាអ្នកការទូត សេដ្ឋវិទូ និងអ្នកនយោបាយកូរ៉េខាងត្បូងម្នាក់ដែលបច្ចុប្បន្នកំពុងបម្រើការជាប្រធានាធិបតីស្ដីទីនៃប្រទេសកូរ៉េខាងត្បូងចាប់តាំងពីខែមីនា ឆ្នាំ ២០២៥ មក និងជានាយករដ្ឋមន្ត្រីកូរ៉េខាងត្បូងតាំងពីឆ្នាំ២០២២។

ដោយមានដើមកំណើតពីទីក្រុងឆន់ជូ លោកហាន់គឺជាបុគ្គលទីប្រាំប៉ុណ្ណោះដែលបានកាន់តំណែងជានាយករដ្ឋមន្ត្រីបានពីរលើក ដោយធ្លាប់បានបម្រើជានាយករដ្ឋមន្ត្រីដំបូងក្រោមប្រធានាធិបតីឌូ មួហ្យុនពីឆ្នាំ២០០៧ ដល់ឆ្នាំ២០០៨។ លោកក៏បានកាន់តំណែងជារដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុពីឆ្នាំ២០០៥ ដល់ឆ្នាំ២០០៦ ជាឯកអគ្គរដ្ឋទូតកូរ៉េប្រចាំនៅសហរដ្ឋអាមេរិកពីឆ្នាំ២០០៩ ដល់ឆ្នាំ២០១២ និងជាប្រធាននៃសមាគមពាណិជ្ជកម្មអន្តរជាតិកូរ៉េពីឆ្នាំ២០១២ ដល់ឆ្នាំ២០១៥។

បន្ទាប់ពីយូន សកយ៉លត្រូវជាប់ក្នុងដំណើរទម្លាក់ចេញពីអំណាចនៅថ្ងៃទី១៤ ខែធ្នូ ឆ្នាំ២០២៤ លោកហាន់ក៏ត្រូវបានគេជ្រើសតាំងជាប្រធានាធិបតីស្តីទីនៃប្រទេសកូរ៉េខាងត្បូង។ ដប់បីថ្ងៃក្រោយមក ខ្លួនលោកផ្ទាល់ក៏ត្រូវបានរដ្ឋសភាកូរ៉េខាងត្បូងសម្រេចទម្លាក់ដូចគ្នាក្រោមមូលហេតុថាលោកបានបដិសេធការអនុវត្តសេចក្តីព្រាងច្បាប់ពិសេសចំនួនពីរដែលនឹងបើកផ្លូវឱ្យមានការស៊ើបអង្កេតលើប្រធានាធិបតីយូន សកយ៉ល និងភរិយាឈ្មោះគីម ខនហ៊ី បូករួមទាំងការមិនអាចតែងតាំងបេក្ខភាពតំណាំងរាស្ត្របីនាក់ជាសមាជិកនៃតុលាការធម្មនុញ្ញកូរ៉េ។ ទាំងនេះបាននាំឱ្យហាន់អស់តួនាទី និងអំណាចជាប្រធានាធិបតីស្ដីទី និងជានាយករដ្ឋមន្ត្រី ដោយមុខតំណែងទាំងពីរត្រូវបានផ្ទេរទៅឱ្យឆូអេ សាំងម៉ុក។ ក៏ប៉ុន្តែនៅថ្ងៃទី២៤ ខែមីនា ឆ្នាំ ២០២៥ លោកត្រូវបានចូលកាន់តំណែងជាប្រធានាធិបតីស្តីទី និងជានាយករដ្ឋមន្ត្រីវិញបន្ទាប់ពីមានសំឡេងបោះឆ្នោតគាំទ្រ ៧-១ ពីតុលាការធម្មនុញ្ញ។ ក្រោយពីយូន សកយ៉លត្រូវបានដកចេញពីតំណែងជាផ្លូវការនៅក្នុងខែមេសា ឆ្នាំ២០២៥ លោកហាន់នឹងត្រូវបម្រើជាប្រធានាធិបតីស្តីទីរហូតដល់ការបោះឆ្នោតជ្រើសរើសប្រធានាធិបតីថ្មីនៅពាក់កណ្ដាលឆ្នាំ២០២៥ ខាងមុខនេះ។