អ្នកប្រើប្រាស់:កំលោះ បូព៌ា៚
បងប្អូនមនុស្សជាតិជាទីអាណិតអាសូរដែលកំពុងរងគ្រោះវេទនា នៅទូទាំងសកលលោក 🙏🏾
ខាងក្រោមនេះជា គោលការណ៍ដើម្បីក្លាយខ្លួនជាមេដឹកនាំ ដែលមេដឹកនាំទាំងឡាយមានតួនាទីសង្រ្គោះជនរងគ្រោះនៃវិបត្តិសង្គមលោក🙏🏾
អ្នកទន់ខ្សោយ ជាទីពឹងនៃអ្នកខ្លាំងក្លា អ្នកមានអំណាច ។ អ្នកអត់ឃ្លាន ជាទីពឹងនៃអ្នកសម្បូរសប្បាយ។ អ្នកមិនចេះអក្សរ ជាទីពឹងនៃអ្នកចេះទាំងឡាយ។ អ្នកអវិជ្ជាច្រើន ជាទីអាស្រ័យនៃអ្នកមានវិជ្ជាចង្អុលបង្ហាញផ្លូវ ។ 🙏🏾
បងប្អូនគិតមើល បើអ្នកមានមិនខ្វល់ជាមួយអ្នកក្រ? ,បើអ្នកធំមិនខ្វល់នឹងអ្នកតូចឬបរិវារខ្លួន? ,បើអ្នកចេះមិនចែករំលែកដាស់តឿនអ្នកមិនចេះ?, បើអ្នកមានបានសំបូរទ្រព្យ ព្រងើយកន្តើយនឹងអ្នកខ្សត់លំបាក? បើអ្នកចេះ ខ្ជិលអាន ខ្ជិលសរសេរ ខ្ជិលគិត ខ្ជិល និយាយខ្ជិលធ្វើ តើឲ្យសង្គមមានការវិវត្តន៍រីកចម្រើនទៅដោយរបៀបណា? បើអ្នកសំបូរទៅដោយសេចក្តីលោភលន់ ចំណង់ តម្រេក តណ្ហា មហិច្ចតាមោហ: មិនអើពើនឹងការសមាធិ ការរំលត់សេចក្តីក្រោធខឹង ការសណ្តោសតាមមានតាមបាន ការសង្រ្គោះជាទាន តើឲ្យអវិជ្ជាកាត់បន្ថយទៅតាមវិធីណា? តើមនុស្សអាស្រ័យគ្នាបានយ៉ាងដូចម្តេច? តើដូចម្តេចហៅថាសង្គម បើមនុស្សរស់យកប្រាសអាយូសរៀងៗខ្លួនដូច្នេះ? 🙏🏾
បងប្អូន ប្រទេសមួយមានពលរដ្ឋក្រីក្រ ខ្វះទ្រព្យធន ខ្វះវិជ្ជា ខ្វះសីលធម៌ ខ្វះចរិយាសាស្រ្ត ខ្វះសុភាវធម៌ ខ្វះសុជីវធម៌ ខ្វះការយល់ដឹងនៅក្នុងការគិត ការនិយាយស្តី ការប្រព្រឹត្ត ការប្រាស្រ័យគ្នា គឺអាចឆ្លុះបញ្ចាំងបានថា មេដឹកនាំក្នុងប្រទេសនោះពោរពេញទៅដោយអវិជ្ជាច្រើន គឺសេចក្តីងងឹតឈឹង មិនភ្លឺនៅក្នុងខួរក្បាល មិនភ្លឺនៅក្នុងនយោបាយដែលខ្លួនយកមកប្រើនៅក្នុងសង្គមជាតិ។ 🙏🏾 ដើម្បីឆ្លងផុតពីបញ្ហា វិបត្តិតូចធំក្នុងលោក ចម្បងបំផុតគឺជម្រះចោលភាពខ្មៅកខ្វក់នៅក្នុងចិត្តគំនិតឲ្យបានមុននឹងក្លាយខ្លួនជាមេដឹកនាំ ទើបភាពស្វាងក្នុងគំនិតកើតមានចំពោះនគរកាយ នគរជាតិរបស់ខ្លួន ដោយគុណតម្លៃ ៥ យ៉ាងគឺ: ១. អប់រំចិត្តគំនិតខ្លួន ឲ្យប្រព្រឹត្តទៅក្នុងក្របខណ្ឌយុត្តិធម៌ ២. ណែនាំពាក្យសម្តីខ្លួន ឲ្យប្រព្រឹត្តទៅក្នុងក្របខណ្ឌឯករាជ្យ ៣. បណ្តុះបណ្តាលការងារមុខរបរ ឲ្យប្រព្រឹត្តទៅក្នុងក្របខណ្ឌសុខសន្តិភាព ៤. ណែនាំជីវិតជនប្រុសស្រីក្នុងសង្គម ឲ្យប្រព្តឹត្តទៅក្នុងក្របខណ្ឌសុវត្ថិភាព និង ៥. បង្ហាត់បង្ហាញរបៀបរស់ជាមនុស្ស ឲ្យឯកភាពគ្នា មនោសញ្ចេតនា មនសិការ ឧត្តមគតិ និងចរិយាថ្លៃថ្នូរជាមនុស្ស ស្មោះស្មើនឹងគ្នា ។🙏🏾
បងប្អូនបើមេដឹកនាំនៃប្រទេសណាមួយ អាចយកគុណតម្លៃ៥នេះទៅអនុវត្តន៍នៅក្នុងសង្គមជាតិខ្លួន ប្រទេសនោះនឹងក្លាយជាប្រទេសអច្ឆរិយៈ ជាប្រទេសមហាអំណាច ជាប្រទេសមហាវិទូ និងជាប្រទេសមហាសុខសាន្តសម្រាប់មនុស្សជាតិជានិរន្តរ៍ ។ 🙏🏾