អ្នកប្រើប្រាស់:Chea Sothol
សំណួរ ( ៥ ពិន្ទុ ) ១. តើមហាសមុទ្រនៅលើពិភពលោកមានប៉ុន្មាន ? មហាសមុទ្រអ្វីខ្លះ ? ( ៥ ពិន្ទុ ) ២. តើមជ្ឈមណ្ឌលនេសាទធំៗក្នុងពិភពលោកពាក់ព័ន្ធជាមួយនិងកត្តាប៉ុន្មានយ៉ាង ? អ្វីខ្លះ ? ( ១០ ពិន្ទុ ) ៣. តើមូលហេតុអ្វីបានជាធនធានត្រីនៅលើពិភពលោកមាននិន្នាការថយចុះពីមួយឆ្នាំទៅមួយឆ្នាំ ? ( ១០ ពិន្ទុ ) ៤. តើបរិយាកាសជាអ្វី ? តើកង្វក់អាកាសធ្វើអោយមានផលប៉ះពាល់អ្វីខ្លះដល់ មនុស្ស សត្វ និងរុក្ខជាតិ ? ចូររៀបរាប់ ។ ( ១០ ពិន្ទុ ) ៥. តើប្រភពដែលនាំអោយមានកង្វក់ទឹកមានអ្វីខ្លះ ? ចូររៀបរាប់ ? (១០ ពិន្ទុ ) ៦. ចូររកមូលហេតុដែលសកម្មភាពនានាធ្វើអោយព្រៃឈើបាត់បង់ ។
ចម្លើយ
១. មហាសមុទ្រនៅលើពិភពលោកមាន ៤ គឺ ៖
- មហាសមុទ្រ ប៉ាស៊ីភិច - មហាសមុទ្រ អាត្លង់ទិច - មហាសមុទ្រ ឥណ្ឌា - មហាសមុទ្រ អាក់ទិច ។
២. មជ្ឈមណ្ឌលនេសាទធំៗក្នុងពិភពលោកពាក់ព័ន្ធជាមួយកត្តា ២ យ៉ាងគឺ ៖
- កត្តាធម្មជាតិ - និង កត្តាសេដ្ឋកិច្ច ។
៣. មូលហេតុបានជាធនធានត្រីនៅលើពិភពលោកមាននិន្នាការថយចុះព្រោះ ៖
- មានការនេសាទហួសកម្រិត - កំណើនប្រជាជននៅលើពិភពលោក - តម្រូវការផលិតចំណីសត្វ - ការនេសាទដោយប្រើឧបករណ៍ និងបច្ចេកវិទ្យាទំនើប - បាតុភូតធម្មជាតិ អែលនីញ៉ូ - ត្រីដែលអាចបង្កកំណើតមានតិចតួច - កង្វះប្លង់តុងដែលជាចំណីត្រី
- កង្វះការត្រួតពិនិត្យ និងតាមដានអំពីធនធានត្រីលើពិភពលោក - ការនេសាទដោយប្រើឧបករណ៍ល្មើសច្បាប់ - កង្វក់ទឹកដែលបណ្តាលអោយត្រីស្លាប់ ។ ៤. បរិយាកាស គឺជាស្រទាប់ឧស្ម័នស្តើងដែលនៅព័ទ្ធជុំវិញផែនដី ។ កង្វក់អាកាសបណ្តាលអោយមានផលប៉ះពាល់ដល់ មនុស្ស សត្វ និងរុក្ខជាតិ ដូចជា៖
+ ចំពោះមនុស្ស : បណ្តាលអោយកើតមានជម្ងឺមួយចំនួនដូចជា ឈឺក្បាល វិលមុខ ជម្ងឺហឺត ជម្ងឺភ្នែក សួត និងបេះដូង ជាដើម ។ + ចំពោះសត្វ : ភ្លៀងអាស៊ីតអាចបណ្តាលអោយជីវិត សត្វនៅលើគោក និងក្នុងទឹកបាត់ បង់បាន និងម្យ៉ាងទៀតធ្វើអោយរុក្ខជាតិដែលជាចំណីសត្វមានការបាត់បង់ ។ + ចំពោះរុក្ខជាតិ : ភ្លៀងអាស៊ីតធ្វើអោយរុក្ខជាតិ តូចធំនៅលើផែនដីស្លាប់ និងជាពិសេសធ្វើអោយខូចនូវឋានប្រព័ន្ធព្រៃឈើ ។
៥. ប្រភពដែលនាំអោយមានកង្វក់ទឹកកើតឡើងមានដូចជា៖
- ភ្លៀងអាស៊ីត - ការបង្ហូរកាកសំណល់ចេញពីប្រភពនានាចូលទៅក្នុងទឹក - ការប្រើប្រាស់ថ្នាំពុល និងថ្នាំគីមីកសិកម្ម និងបង្ហូរចូលទឹក ឬ ចោលក្នុងទឹក - ការធ្លាយប្រេងចេញពីកន្លែងជីកយកប្រេង - ការលាងធុងប្រេង និងធុងថ្នាំក្នុងទឹក - ទឹកជំនន់នាំយកសំរាម និងកាកសំណល់នានាចូលក្នុងទឹក - លាងសត្វ និងបោកសម្លៀកបំពាក់ក្នុងប្រភពទឹក - ការស្លាប់ របស់សត្វនិងរុក្ខជាតិនៅក្នុងទឹក ។
៦. មូលហេតុដែលសកម្មភាពនានាធ្វើអោយព្រៃឈើបាត់បង់មានដូចជា ៖
- ការកាប់ឈើធ្វើអាជីវកម្ម - ការកាប់ព្រៃឈើដើម្បីធ្វើកសិកម្ម - ការដុតព្រៃដើម្បីរកសត្វ - កំណើនប្រជាជន និងលំនៅឋាន - កំណើននគរូបនីយកម្ម - ការវិនិយោគទុនទៅលើដីព្រៃ - ការកាប់ឈើដើម្បីចូកយករ៉ែ - ការអភិវឌ្ឍនៅតំបន់ព្រៃឈើ - ការបង្កើតទីតាំងឧស្សាហកម្មនៅព្រៃឈើ - ភ្លើងឆេះព្រៃបណ្តាលមកពីកត្តាធម្មជាតិ ( បន្ទុះភ្នំភ្លើង បាតុភូតរន្ទះបាញ់ ..... )