ឱក សុគន្ធកញ្ញា

ពីវិគីភីឌា
Jump to navigation Jump to search
ឱក សុគន្ធកញ្ញា
(Aok Sokunkanha )
250px
Aok Sokunkanha Her Own Style 2020
Background information
កើត (1987-09-14) 14 កញ្ញា 1987 (អាយុ 33)
ភ្នំពេញ, កម្ពុជា
ដើមកំណើតកម្ពុជា
ប្រភេទPop . Classic R&B Rock Hip hop.
អាជីពអ្នកចម្រៀង, តួសម្ដែងស្រី និង ជារដ្ឋទូតសុច្ឆន្ទៈម៉ាកល្បី (Brand Ambassador)
ឆ្នាំសកម្ម1999-present
ស្លាកតន្ត្រី
  • ផលិតកម្ម រស្មីស្ទឹងសង្កែ - RSK (1999-2005)
  • ផលិតកម្ម យូធូ U2 (2006-2007)
  • ផលិតកម្ម តន្ត្រី - Rock (2008)
  • ផលិតកម្ម រស្មីហង្សមាស - RHM (2008 – បច្ចុប្បន្ន)
WebsiteRasmey Hangmeas Production

ឱក សុគន្ធកញ្ញា (អង់គ្លេស: Aok Sokunkanha) កើតថ្ងៃទី ១៤ ខែកញ្ញាឆ្នាំ ១៩៨៧ អ្នកនាងជាតារាចំរៀងតារាសម្តែងនិង ជារដ្ឋទូតសុច្ឆន្ទៈយីហោម៉ាកល្បី (អង់គ្លេស: Brand Ambassador) អ្នកនាងត្រូវបានគេស្គាល់ថាជាចៅក្រមនិងជាសមាជិកគណៈកម្មាធិការសវនអ្នកវាយតម្លៃ សម្រាប់ភាពពិតដែលបង្ហាញពីកម្មវិធី Jugde Audition ក្នុងកម្មវិធីដូចជា៖ (The Voice Cambodia), (Cambodian Idol) (The Voice Kid Cambodia) and (X Factor Cambodia).

ជីវិតចាប់ផ្ដើម[កែប្រែ]

ឱក សុគន្ធកញ្ញា កេីតនៅថ្ងៃទី​១៤ ខែ​ កញ្ញា ឆ្នាំ​ ១៩៨៧ កញ្ញាមានទីកន្លែងកំណេីតនៅ ខណ្ឌចំការមន រាជធានីភ្នំពេញ។ ឪពុកឈ្មោះ​ ឱក បូនី​ គឺជាតន្រ្តីករម្នាក់ ម្តាយឈ្មោះ អុីន សុគន្ធ ​គឺជាគ្រូបង្រៀន និងជាអ្នកបង្ហាត់រាំនៅសកលវិទ្យាល័យ ភូមិន្ទវិចិត្រសិល្បះ។ ​អ្នកនាងមានបងប្អូនទាំងអស់ចំនួនបីនាក់ អ្នក​នាងជាកូនច្បងនៅក្នុងគ្រួសារ។ ក្រោយពីបានប្រលងបញ្ចប់បាក់ឌុបរួចមកនាងក៏បានបន្តការសិក្សាជំនាញសិល្បះនៅ​ សាលាភូមិន្ទវិចិត្រសិល្បះថែមទៀតផង។ សុគន្ធកញ្ញា បាន​ចាប់​ផើ្ដ​ម​មាន​ទំនោរ​ចិត្ត​ទៅនឹង​វិស័យ​សិល្បៈ​តាំងតែ​ពី​អាយុ១០ឆ្នាំ ​មកម្ល៉េះ ដំបូង​ឡើយ ឪពុក​របស់​នាង​មិនដែល​ដឹងថា នាង​មាន​សមត្ថភាព​ច្រៀង​នោះទេ ថ្ងៃមួយ លោក​ក៏មាន​ភាព​ភ្ញាក់ផ្អើល នៅពេលដែល​ឮ​សំលេង​កូន​របស់ខ្លួន​ច្រៀង​ចេញពី​ជញ្ជាំង ខណៈពេលដែល​កំពុង​បង្រៀន​កូនសិស្ស​ដទៃទៀត​ឲ្យ​ច្រៀង។ ចាប់ពីពេលនោះ​មក ឪពុក​របស់​នាង​តែងតែ​នាំ​នាង​ទៅតាម​រៀងរាល់​ពេលដែល គាត់​មានការ​សំដែងម្ដង។ ឪពុក​របស់ កញ្ញា បាន​និពន្ធ​បទ​ចម្រៀង​សំរាប់​ការសំដែង​របាំ​ជូនពរ​ឲ្យ កញ្ញា ច្រៀង ដោយ​គាប់​ជួន​ថ្ងៃមួយ នៅពេលដែល​អវត្តមាន​តារាចម្រៀង​ប្រចាំ​ក្រុម​តន្ត្រី របស់លោក​ឪពុក​នោះ សុគនកញ្ញា ក៏បាន​មានឱកាស​ច្រៀង​នៅក្នុង​ការសំដែង​នោះ។ នាង​និង​ម្ដាយជារឿយៗ តែងតែ​ទៅផ្ទះ​របស់លោក អៀ វ​ឌ្ឍ​នា ដើម្បី​ច្រៀង​ខារ៉ាអូខេ។ លោក អៀ វ​ឌ្ឍ​នា ដែល​ក្រោយមក​ក្លាយជា​ផលិតករ​ប្រចាំ​ផលិត​ម្ម រស្មី​ស្ទឹង​សង្កែ ពេលនោះហើយដែល ឱក សុគន្ធ​កញ្ញា បានឈានជេីងចូលវិស័យសិល្បះនាអំឡុងឆ្នាំ ១៩៩៩ ផលិតកម្មដែលនាងបានចូលច្រៀងដំបូងនោះគឺផលិតកម្មស្ទឹងសង្កែ​។ [១]

អាជីពតន្ត្រី[កែប្រែ]

១៩៩៩-២០០៥ ការចាប់ផ្ដើមអាជីពតន្ត្រីក្នុងផលិតកម្ម រស្មីស្ទឹងសង្កែ[កែប្រែ]

ឱក សុគន្ធកញ្ញា បានឈានជេីងចូលវិស័យសិល្បះ ដំបូងនាអំឡុងឆ្នាំ ១៩៩៩ ផលិតកម្មដែលនាងបានចូលច្រៀងដំបូងនោះគឺផលិតកម្មស្ទឹងសង្កែ​ ដែលក្នុងចន្លោះឆ្នាំ (១៩៩៩ - ២០០៤) នោះខាងផលិតកម្មរស្មីស្ទឹងសង្កែ មិនសូវជាមានបទចម្រៀងឲ្យ សុគន្ធកញ្ញា បានច្រៀងនោះទេ ដែល សុគន្ធកញ្ញា អាចជាតារាវ័យក្មេងពេក និងជាតារាលំដាប់ជួរក្រោយក្នុងផលិតកម្មផងក៏ថាបាន ។ ក្នុងឆ្នាំ ២០០៥ SRK បានចាប់ផ្ដើមទម្លាក់បទចម្រៀងដើម្បីឲ្យនាងចេញច្រៀង ដែលក្នុងនោះមានបទចម្រៀងដែលធ្វើឲ្យ សុគន្ធកញ្ញា ចាប់ផ្ដើមមានគេចាប់អារម្មណ៍និងស្គាល់នោះ គឺបទ (បានលេខខ្ញុំពីណា) RSK Vol.25 2005 ហើយក្រោយមកក្នុងឆ្នាំ ២០០៥ ដដែល ផលិតកម្មរស្មីស្ទឹងស្កែ បានប្រកាសបិទទ្វាររបស់ខ្លួន ។ សុគន្ធកញ្ញា ក៏បានទៅចេញច្រៀងនៅក្នុងក្លឹបកំសាន្ត U2 នាពេលរាត្រី តែមិនទាន់ទទួលបានប្រជាប្រិយភាពនោះទេ ទោះយ៉ាងណាការច្រៀងនៅក្លឹបកំសាន្ត U2 នោះជាពេលដែលនាងស្គាល់នូវផលិតកម្មថ្មីគឺ U2 Entertantment Production ក្នុងឆ្នាំ២០០៦ ។ [២]

២០០៦-២០០៧ U2 Entertantment Production[កែប្រែ]

ក្នុងឆ្នាំ២០០៦ ឱក សុគន្ធកញ្ញា បានបញ្ចេញចទចម្រៀងក្នុងផលិតកម្ម U2 ជាបន្តបន្ទាប់ប៉ុន្តែមិនទាន់ទទួលបានការគាំទ្រនោះទេ ដោយឆ្នាំនោះនាង មានការប្រកួតប្រជែងបទចម្រៀងច្រើននៅតាមផលិតកម្មនានា ក្នុងឆ្នាំ ២០០៧ សុគន្ធកញ្ញា បានចេញនូវអាប៊ុមរួមគ្នាជាមួយសមាជិលក្នុងផលិត U2 ដែលមានលោក ខេមរៈ សិរីមន្ត ជាដើមដែលបទចម្រៀងហាក់ទទួលបានការគាំទ្រយ៉ាងផុសផុលពីក្រុមយុវវ័យ ដែលធ្វើឲ្យនាងមានប្រជាប្រិយភាពយ៉ាងខ្លាំងក្នុងបទ "ម៉ែថា" U2 Vol.17 2007 ដែលបទនេះជាការ Cover Version ពីក្រុមចម្រៀងថៃ Bazoo.នៅក្នុងឆ្នាំ២០០៧ ដដែលផលិតកម្ម U2 Entertantment Production ប្រកាសបិទទ្វារខ្ស័យធុន ដោយសារគ្មានថវិកាគាំទ្រគ្រប់គ្រាន់ ហើយជាពេលដែល សុគន្ធកញ្ញា បន្តទៅផលិតកម្ម Rock Music Production ក្នុងឆ្នាំ ២០០៨ ។ [៣]

២០០៨ ឱក សុគន្ធកញ្ញា ចូលរួមក្នុងផលិតកម្ម Rock Music[កែប្រែ]

ក្នុងឆ្នាំ ២០០៨ ឱក សុគន្ធកញ្ញា បានចេញបទចម្រៀង ក្នុងខ្សែភាពយន្តភាគរបស់ស្ថានីយ៍ទូរទស្សន៍ CTN ដែលជាបទ Original Song មានចំណងជើងថា "ស្នាមស្នេហ៍សមុទ្ររាម" [៤] ដែលធ្វើឲ្យនាងមានការចាប់អារម្មណ៍ និងល្បីល្បាញក្នុងពេលនោះ។ ក្នុងឆ្នាំ ២០០៨ ដដែលផលិតកម្ម Rock Music បានចេញចម្រៀង Original Song រួមគ្នាមួយ គឺបទ មោទនៈភាពជាតិខ្មែរ ដែលមាន សុគន្ធកញ្ញា ច្រៀងនៅក្នុងបទចម្រៀងនោះ ដែលបទនេះបានផ្ទុះការគាំទ្រខ្លាំងមែនទែន ពីប្រជាពលរដ្ឋខ្មែរ ដែលមានអត្ថន័យទៅក្នុងសង្គមជាតិ ។ ក្រោយមកនៅចុងឆ្នាំ ២០០៨ សុគន្ធកញ្ញា ក៏ចាកចេញពីផលិតកម្ម Rock ហើយទៅចូលរួមជាមួយនិងផលិតកម្មរស្មីហង្សមាសវិញ ដែលជាផលិតកម្មយក្សនៅកម្ពុជា។ [៥]

២០០៨ ភាពល្បីល្បាញក្នុងផលិតកម្ម រស្មីហង្សមាស មកដល់បច្ចុប្បន្ន[កែប្រែ]

ភាពជោគជ័យ និង សមិទ្ធិផល[កែប្រែ]

ពានរង្វាន់ និងការទទួលស្គាល់[កែប្រែ]

ឆ្នាំ ប្រភេទពាន ស្ថាប័នផ្សព្វផ្សាយ លទ្ធផល កំណត់ចំណាំ
​​ 2010 Top 1 Music Show imuzik A Award of Music  Nominated  Metfone imuzik Concert [៦]
​​ 2012 Top1 Singer Music Billboards Top10 Music Billboards By Cool FM  Nominated  Cool FM Cambodia [៧]
​​ 2018 Best Female Artist of The Year NRG Music Award  Won  NRG 89FM Cambodia [៨]

រដ្ឋទូតសុច្ឆន្ទៈម៉ាកល្បី ក្នុងតំបន់[កែប្រែ]

ស្លាកយីហោ រដ្ឋទូតសុច្ឆន្ទៈម៉ាកល្បី ស្ថាប័នផ្សព្វផ្សាយ ឆ្នាំ
Coca-Cola Local Brand Cambodia.jpg Brand Ambassador Coca-Cola-Cambodia ​​ 2012 [៩]
Samsung-Cambodia.jpg Brand Ambassador Samsung-Cambodia ​​ 2018 [១០]
Brand Ambassador Huawei-Cambodia ​​ 2019 [១១]
R&F Properties Cambodia.png Brand Ambassador R&F Properties-Cambodia ​​ 2019 [១២]

ជីវិត​ឯកជន[កែប្រែ]

កាតាឡុកតន្ត្រី អាលប៊ុមចម្រៀង (Albums)[កែប្រែ]

កម្មវិធីទូរទស្សន៍[កែប្រែ]

ឱក សុគន្ធកញ្ញ ក៏ត្រូវបានជ្រើសរើសជាគណៈកម្មាធិកាវាយតម្លៃ Jugde Audition ក្នុងកម្មវិធីដូចជា៖

The Voice Cambodia (season 1) [2014]

Cambodian Idol (season 1) [2015]

Cambodian Idol (season 2) [2016]

The Voice Cambodia (season 2) [2016]

The Voice Kid Cambodia (season 1) [2016]

The Voice Kid Cambodia season 2) [2018].

ការសម្តែងលើឆាកតន្ត្រី - Performances[កែប្រែ]

សកម្មភាព ភាពយន្ត[កែប្រែ]

ឯកសារយោង[កែប្រែ]

  1. Google Play Aok Sokunkanha APK Version History (23 August 2017)
  2. Aok Sokunkanha, Biography From Freshnewsasia.com
  3. Let's find out the biography of famous singer Aok Sokunkanha Camnews.com.kh (16 November 2016)
  4. U2 Production Released 2006 Vol.4 Music Composer Rethy Dona
  5. m.tnot.com បទ មោទនៈភាពជាតិខ្មែរ ពីក្រុម Rock Zone ឆ្នាំ 2008
  6. Metfone imuzik A Award of Music 2010
  7. Cool-fm 107 radio Cambodia Top10 Music Billboards 2012
  8. NRG Music Awards Best Music Band By NRG 89FM.com 2017
  9. The Phnom Penh Post Aok Sokunkanha Brand Ambassdor of Coca-Cola Cambodia (19 November 2012)
  10. Linkedin.com Aok Sokunkanha, with Samsung's Cambodia celebrity brand ambassadors (2018)
  11. Khmertimekh.com Huawei local Brand Ambassador, Aok Sokunkanha during one of her performances on the Live Concert (2019)
  12. Aok Sokunkanha, Cambodia's well-known singer, as well as R&F Properties Cambodia regional ambassador (2019)