បុរសវិលមិនជុំជើងក្រាន

បុរសវិលមិនជុំជើងក្រាន (បទ ពាក្យ៨)

បុរសវិលមិនជុំជើងក្រាន (បទ ពាក្យ៨) (១) កាលនៅពីតូចរៀននៅសាលា គ្រូពន្យល់ថាមានពាក្យមួយឃ្លា បងប្អូននារីក្មេងចាស់គ្រប់គ្នា មិនដែលឃ្លាតឃ្លាអំពីជើងក្រាន។ (២) ស្ដាប់ហើយរៀនហើយមិនចាប់អារម្មណ៍ ដល់ពេលខ្លួនធំឃ្លាតញាតិសន្ដាន មកនៅតែឯងចំបែងពេញប្រាណ ឡើងផ្សារលាងចានធ្វើម្ហូបដាំស្ល។ (៣) ពីព្រឹកដល់យប់មិនដែលទំនេរ សូរិយាទន់ទេរដល់ម៉ោងចៀន ខ ពេលក្រោកពីគេងឆាស្ងោរបន្ត បើខ្ជិលបបរនឹងពងទាចៀន។ (៤) ខ្ជិលកាន់តែខ្លាំងដេកឡើងស្រមុក ថ្ងៃចាំងចំមុខដល់ម៉ោងទៅរៀន គ្មានពេលដាំបាយអោយក្រពះឃ្លាន ធ្វើមុខអឹមអៀនយកដៃស្ទាបពោះ។ (៥) ឃ្លាតញយៗដងចេះបែកគំនិត តើត្រូវរិះគិតរកអ្នកជំនួស បានគ្នា២នាក់មកនៅរួមរស់ ប្រហែលតឹងពោះមិនពិបាកអ្វី។ (៦) នេះពិតសមជាមហាគំនិត បានឆីពេញចិត្តមានគ្នាបមបី កោសខ្យល់បោចសក់ពេលឈឺរីងរៃ មានពៅពិសីនៅកំដបង។ និពន្ធដោយ សុខគឹមហេង ២៣ កុម្ភៈ ២០១០