ចំនុចកណ្ដាល

ចំនុចកណ្តាល នៅក្នុងធរណីមាត្រ ជាទូទៅសំដៅទៅលើ​ចំនុចកណ្ដាលនៃអង្កត់។

និយមន័យ

ចំនុចកណ្ដាលនៃអង្កត់មួយជា​ចំនុចនៅលើអង្កត់នោះដែលស្ថិតនៅស្មើចំងាយពីចុងទាំង២។ ឬនិយាយម្យ៉ាងទៀតថា ជាចំនុចដែលចែកអង្កត់នោះជា២ផ្នែក មានប្រវែងស្មើគ្នា។

របៀបរកចំនុចកណ្ដាល

របៀបរកចំនុចកណ្ដាល់របស់អង្កត់១

1. ដោយប្រើដែកឈាន គូសរង្វង់ដែលមានផ្ចិតនៅត្រង់ចុងទាំង២របស់អង្កត់។ ចងចាំថារង្វង់ទាំង២ត្រូវតែមានកាំស្មើគ្នា និងមានប្រវែងវែងជាងពាក់កណ្ដាលប្រវែងអង្កត់។
2. ភ្ជាប់ចំនុចប្រសព្វរបស់រង្វង់ទាំង២។
3. បន្ទាត់ថ្មីនេះកាត់អង្កត់ដើមត្រង់ចំនុចកណ្ដាល។

រូបមន្តរកចំនុចកណ្តាលនៃអង្កត់

• ចំពោះតំរុយគោលពីរ ចំនុចកណ្តាលនៃអង្កត់ក្នុងប្លង់ដែលចុងសងខាងអង្កត់មានកូអរដោនេ $(x_1, y_1) \,$ និង $(x_2, y_2) \,$ កំនត់ដោយ

$M=\left(\tfrac{x_1 + x_2}{2}, \tfrac{y_1 + y_2}{2}\right)$

• ចំពោះតំរុយគោលបី ចំនុចកណ្តាលនៃអង្កត់ក្នុងលំហនៃប្រព័ន្ធកូអរដោនេដេកាត ដែលចុងសងខាងមានកូអរដោនេ $(x_1, y_1,z_1) \,$ និង $(x_2, y_2,z_2) \,$ កំនត់ដោយ

$M=\left(\tfrac{x_1 + x_2}{2}, \tfrac{y_1 + y_2}{2}, \tfrac{z_1 + z_2}{2}\right)$

ចំនុចកណ្តាលនៃអង្កត់​ដែលមានចុង (x1, y1) និង (x2, y2)

សូមមើលផងដែរ

• មេដ្យាន
• កំពស់ត្រីកោណ
• អង្កត់
• បន្ទាត់
• ប្លង់
• ទីប្រជុំទំងន់