អាល់បានី
ដោយសព្វវចនាធិប្បាយសេរីវិគីភីឌា
អាល់បានី (ឈ្មោះជាផ្លូវការ៖ សាធារណរដ្ឋអាល់បានី) ជាប្រទេសមួយស្ថិតនៅទ្វីបអឺរ៉ុបប៉ែកអាគ្នេយ៍។ ប្រទេសនេះមានព្រំប្រទល់ជាប់នឹងប្រទេសក្រិចប៉ែកអាគ្នេយ៍ ជាប់ម៉ុងតេនេហ្គ្រូ(Montenegro)ប៉ែកខាងជើង ជាប់កូសូវ៉ូប៉ែកខាងឦសាន្តដែលជាតំបន់មានជំលោះដែនដី និងជាប់សាធារណរដ្ឋម៉ាសេដូនីប៉ែកខាងកើត។ ប្រទេសអាល់បានីមានឆ្នេរសមុទ្រមួយជាប់សមុទ្រ Adriatic ប៉ែកខាងលិច និង សមុទ្រ Ionian ប៉ែកខាងពាយព្យ។ វាមានចំងាយខ្លីជាង ៧២គីឡូម៉ែត្រពីប្រទេសអ៊ីតាលីតាមច្រកអូត្រានតូ ( Strait of Otranto) ដែលភ្ជាប់រវាងសមុទ្រ Adriatic និងសមុទ្រ Ionian ។
[កែប្រែ] អំពីឈ្មោះប្រទេស
ឈ្មោះផ្លូវការជាភាសាអាល់បានីគឺ Republika e Shqipërise ។ ឈ្មោះហៅទូទៅគឺ Shqipërise
| ភាសា | ឈ្មោះជាផ្លួវការ | ឈ្មោះហៅទូទៅ |
|---|---|---|
| ភាសាអាល់បានី | Republika e Shqipërise | Shqipërise |
| ភាសាខ្មែរ | សាធារណរដ្ឋអាល់បានី | អាល់បានី |
| ភាសាអង់គ្លេស | Republic of Albania | Albania |
ជាភាសាអាល់បានី Shqipërise (ភាសាខ្មែរ:អាល់បានី) មានន័យថាប្រទេសឥន្រ្ទី។ នៅប្រទេសអាល់បានី មានរឿងព្រេងដែលនិទានថាប្រជាជនអាល់បានីជាកូនចៅជំនាន់ក្រោយនៃពពួកសត្វឥន្រ្ទី។