Jump to content

ខេត្តសុពណ៌បុរី

ពីវិគីភីឌា

ខេត្តសុពណ៌បុរីសុវណ្ណបុរី (សៀម : สุพรรณบุรี) គឺជាខេត្តមួយនៅក្នុងចំណោមខេត្តទាំង ៧៦ របស់ប្រទេសសៀមដែលមានទីតាំងស្ថិតនៅភាគកណ្តាលនៃប្រទេស។ខេត្តនេះមានព្រំប្រទល់ជាប់នឹងខេត្តឧត្តរធានី ខេត្តជ័យនាថ ខេត្តសិង្ហបុរី ខេត្តឧទង ខេត្តអយុធ្យា និង ខេត្តនគរបឋម

ខេត្តសុពណ៌បុរី
สุพรรณบุรี

ទង់

ត្រា
ផែនទីនៃខេត្តសុពណ៌បុរី
ផែនទីនៃខេត្តសុពណ៌បុរី
ប្រទេស ថៃ(សៀម)
ទីរួមខេត្តក្រុងសុពណ៌បុរី
ផ្ទៃក្រឡា
 • សរុប៥៤១០ គម2 (២០៩០ ម៉ាយ ការ)
ចំណាត់ថ្នាក់ផ្ទៃក្រឡា៤១
ល្វែងម៉ោងICT (ម.ស.ស.+7)
លេខកូដប្រៃសណីយ៍72xxx
លេខកូដហៅទូរស័ព្ទ035
ក្រមអ.ម.អ. ៣១៦៦TH-72
គេហទំព័រhttps:www.suphanburi.go.th

ខេត្តសុពណ៌បុរី មានជនជាតិភាគតិចរស់នៅចម្រុះគ្នាដែលភាគច្រើនជាជនជាតិតៃ ជនជាតិមន ជនជាតិលាវ ជនជាតិចិន និង ជនជាតិខ្មែរ

វិមានដនចេតីយ៍

ប្រវត្តិ

[កែប្រែ]

ខេត្តសុពណ៌បុរីអាចជាទីតាំងនៃរឿងព្រេងនិទានសុវណ្ណភូមិ ដែលត្រូវបានរៀបរាប់នៅក្នុងអត្ថបទសំណេរព្រះពុទ្ធសាសនាដ៏ចំណាស់។តែទោះជាយ៉ាងណាក៏ដោយទីតាំងប្រវត្តិសាស្ត្រដំបូងបង្អស់ដែលអាចបញ្ជាក់បានគឺនៅក្នុងសម័យទ្វារវត្តីនៅពេលដែលទីក្រុងនេះត្រូវបានគេស្គាល់ថាជាទីក្រុងទ្វារវត្តីស្រីសុវណ្ណភូមិ(ទីក្រុងទ្វារវត្តីនៃសុវណ្ណភូមិ)។ការបង្កើតទីក្រុងនេះឡើងប្រហែលឆ្នាំ ៨៧៧–៨៨២។នៅក្នុងរជ្ជកាលព្រះបាទជ័យវរ្ម័នទី ៧ អាណាចក្រខ្មែរសិលាចារឹកមួយស្ថិតនៅក្នុងប្រាសាទព្រះខ័នត្រូវបានចារឹកឡើងដែលបានរៀបរាប់និយាយអំពីឈ្មោះសុវណ្ណបុរៈ។ក្រោយមកវាត្រូវបានគេហៅថាស្រុកឧទងវិញហើយធ្លាប់ត្រូវបានគេជឿថាជាទីក្រុងដើមរបស់ព្រះចៅឧទងដែលជាស្ថាបនិកបង្កើតអាណាចក្រអយុធ្យាផងដែរ។សម្ដេចព្រះបរមរាជាធិរាជទី ១ បានប្រទានឈ្មោះថ្មីថាសុពណ៌បុរី។សុពណ៌បុរីជាទីក្រុងដែលនៅជាប់ព្រំដែននិងជាទីតាំងធ្វើសង្គ្រាមជាច្រើនជាមួយនឹងភូមាដែលជាប្រទេសក្បែរខាង។

ប្រជាជននៅក្នុងខេត្តនេះនិយាយជាគ្រាមភាសាសៀមកណ្តាលដាច់ដោយឡែកដែលត្រូវបានគេជឿថាជាទម្រង់ភាសានិយាយនៅក្នុងសម័យអយុធ្យា

រដ្ឋបាល

[កែប្រែ]

ខេត្តសុពណ៌បុរី ចែកចេញជា ១០ ក្រុង/ស្រុក ១១០ សង្កាត់/ឃុំ និង ៩៧៧ ភូមិ ៖

ផែនទីក្រុងនិងស្រុកនៃខេត្តសុពណ៌បុរី

០១.ក្រុងសុពណ៌បុរី

០២.ស្រុកដឺមបាងណាមប័ទ្ធ

០៣.ស្រុកដានឆាង

០៤.ស្រុកបាងផ្លាម៉ា

០៥.ស្រុកស្រីព្រះច័ន្ទ

០៦.ស្រុកដនចេតីយ៍

០៧.ស្រុកសងភីណង

០៨.ស្រុកសាមជុក

០៩.ស្រុកឧទង

១០.ស្រុកណងយ៉ាសៃ

មើលផងដែរ

[កែប្រែ]