វិគីភីឌា:អំពីវិគីភីឌា

ដោយវិគីភីឌា
(ត្រូវបានបញ្ជូនបន្តពី វិគីភីឌា:អំពី)
គេហទំព័រវិគីភីឌា wikipedia.org ជាវិបសាយនៃគ្រប់ភាសា

វិគីភីឌា (Wikipedia:wiːkiˈpiːdiə) ជាគំរោងសព្វវចនាធិប្បាយពហុភាសា មានមូលដ្ឋាននៅលើវិប ដែលផ្ដល់ជូននូវអត្ថបទ​ដោយឥតគិតថ្លៃ​។ វាជាសព្វវចនាធិប្បាយ​ដែលបើកចំហអោយកែប្រែបានដោយសេរី ក្រោមលក្ខន្ដិកៈប្រើប្រាស់​ដែលកំណត់ដោយវិគីភីឌា។ ទំព័រ​អត្ថបទ​របស់វិគីភីឌា​ក៏​ផ្ដល់ជូន​ផងដែរ​នូវតំណភ្ចាប់ទៅកាន់​ទំព័រ​ទាក់ទិន​សំរាប់អ្នកប្រើប្រាស់​ដែលចង់អានព័ត៌មានបន្ថែមទៀត។

វិគីភីឌាជាផ្លែផ្កានៃការសហការគ្នាសរសេររបស់អ្នកស្ម័គ្រចិត្តយ៉ាងច្រើន ដែលប្រឹងប្រែងសរសេរ​ដោយមិនទទួលយកកំរៃ។ នរណាក៏មាន​សិទ្ធិសរសេរ​និងធ្វើបំលាស់ប្ដូរ​នានានៅក្នុង​អត្ថបទវិគីភីឌា​បានដែរ (លើកលែង​តែក្នុងករណី​ពិសេសខ្លះៗ​ដូចជាការដាក់កំហិត​ការពារ​ពីការបំផ្លាញ​របស់ជនខិលខូច)។ អ្នកប្រើប្រាស់​អាចចូលរួមជាអនាមិកដោយប្រើឈ្មោះមិនពិត ឬក៏អាចប្រើឈ្មោះពិតតាមតែការស្ម័គ្រចិត្ត​របស់ខ្លួន។

វិគីភីឌាចាប់កំនើតឡើង​ក្នុងឆ្នាំ២០០១ ហើយបានរីកធំធាត់​ក្លាយជាវិបសាយផ្ដល់អត្ថបទ​ដ៏ធំមួយនៅលើអ៊ីនធឺណិត។ វិគីភីឌា​មានអ្នកទស្សនាប្រមាណ ៧៨លាននាក់ក្នុងមួយខែ (ស្ថិតិខែមករាឆ្នាំ២០១០)។ វិគីភីឌាមានអ្នករួមចំណែកសកម្ម​ជាង ៩១០០០ នាក់ ដែលធ្វើការលើអត្ថបទជាង១៦លានអត្ថបទ ជាភាសាចំនួនលើងពី២៧០ភាសា។

មនុស្ស​គ្រប់អាយុ គ្រប់សាសន៍ អាចសរសេរបន្ថែមឬកែប្រែអត្ថបទ ដាក់ឯកសារយោង ផ្ទុករូបភាពឬមេឌាឡើង។ អ្វីដែលសំខាន់ទៅទីនេះ​មិនមែនស្ថិតនៅលើ​ភាពស្ទាត់ជំនាញ​ឬលក្ខណៈសម្បត្តិរបស់អ្នកទេ តែអ្វីដែលសំខាន់ជាងគេនោះគឺ​អ្វីដែលអ្នក​បានចូលរួមជាមួយយើង។ ក្រៅពីនេះ វាសំខាន់ត្រង់ថា​អត្ថបទ​របស់អ្នក​ស្របតាមច្បាប់របស់វិគីភីឌាដែរឬទេ។ អត្ថបទរបស់​អ្នក​គួរតែ​មានប្រភពពីកន្លែងដែលអាចទុកចិត្តបាន និង​មិនជាប់កម្មសិទ្ធបញ្ញា។ រាល់ការរួមចំណែក​(រួមទាំងការលុបខ្លឹមសារអត្ថបទចោល) មិនអាចបំផ្លាញវិគីភីឌាបានទេ ព្រោះសូហ្វវែរ​របស់វិគី​អនុញ្ញាតអោយធ្វើ​ការស្ដារឡើងវិញ​បានយ៉ាងងាយ។ ម្យ៉ាងវិញទៀត វិគីមានអ្នករួមចំណែក​មានបទពិសោធ​ ដែលនៅតាមឃ្លាំមើល​និងជួយដល់ការកែប្រែដើម្បី​ស្ថាបនា​ផងដែរ។ សូមចាប់ផ្ដើម​កែប្រែអត្ថបទ​ដោយចុចនៅលើពាក្យ​«កែប្រែ» នៅខាងលើទំព័រដែលអ្នកចង់កែប្រែ។

វិគីភីឌា​មានលក្ខណៈពិសេស​ច្រើនយ៉ាង​ខុសពីឯកសារយោង​សរសេរលើក្រដាស់ផ្សេងទៀត​។ វិគីភីឌា​នាំមកនូវអត្ថបទ​ទាន់សម័យជានិច្ច​ក្នុងរយៈពេលខ្លី។ អត្ថបទចាស់ៗ​មានទំនរខិតទៅរក​កំរិតទុកចិត្តខ្ពស់ ចំនែកអត្ថបទថ្មីៗ​អាចនៅមានព័ត៌មានមិនពិតខ្លះៗ។


គំរោងជាបងប្អូន

វិគីភីឌាត្រូវបានបង្កើតឡើងដោយមូលនិធិវិគីមេឌា ជាអង្គការមិនរក​ប្រាក់កម្រៃ ដែលអង្គការនេះមានគម្រោងផ្សេងៗជាច្រើន ដូចខាងក្រោម៖


វិគីមេឌា Commons
វិគីមេឌា Commons
កន្លែងផ្ទុករូបភាព ជីវចលនិងវីដេអូសេរី
វិគីព័ត៌មាន
វិគីព័ត៌មាន
ព័ត៌មានឥតគិតថ្លៃ
WiktionaryPl nodesc.svg
​វិគីនានុក្រម
វចនានុក្រម​ និងកម្រង​វេវចនសព្ទសេរី-ឥតគិតថ្លៃ
Wikiquote-logo-51px.png
វិគីពាក្យពេចន៍
ប្រជុំ​ពាក្យពេចន៍​របស់មនុស្ស​ល្បីៗ
Wikibooks-logo-35px.png
វិគីសៀវភៅ
សៀវភៅឯកសារ​ឥតគិតថ្លៃ
Wikisource-logo.png
វិគីបណ្ណាល័យ
បណ្ណាល័យឯកសារឥតគិតថ្លៃ
Wikispecies-logo-35px.png
វិគីជីវសាស្ត្រ
ថតឯកសារពីជីវសាស្ត្រ
Wikiversity-logo-41px.png
វិគីសាកលវិទ្យាល័យ
សកម្មភាពនិងឯកសារអប់រំឥតគិតថ្លៃ
Meta-logo-35px.png
មេតាវិគី
សម្របសម្រួលក្នុង​គម្រោងវិគីមេឌា
MediaWiki មេឌាវិគី
អភិវឌ្បកម្មវិធីកំុព្យូទ័រសេរី
Wikidata វិគីទិន្នន័យ
ប្រភពមូលដ្ឋានទិន្នន័យសេរី
Wikivoyage វិគីទេសចរណ៍
មគ្គុទេសក៍ទេសចរណ៍សេរី



សំរាប់ភាសាខ្មែរ ទើបតែមានបីគំរោងតែប៉ុណ្ណោះ
វចនានុក្រម​វិគី
សៀវភៅវិគី