គល់ បញ្ញា

ពីវិគីភីឌា
គល់ បញ្ញា
Koul Panha
កើតភ្នំពេញ, កម្ពុជា
លំនៅដ្ឋាន កម្ពុជា
ការអប់រំសញ្ញាបត្រអនុបណ្ឌិត
អាជីពសកម្មជនការពារសិទ្ធិមនុស្ស
អង្គការខុមហ្វ្រែល (គណៈកម្មាធិការ​ដើម្បី​ការ​បោះ​ឆ្នោត​ដោយ​សេរី និង​យុត្តិធម៌​នៅ​កម្ពុជា)[១]
រង្វាន់Ramon Magsaysay Award

គល់ បញ្ញា (ឡាតាំង៖ Koul Panha) ជា​នាយក​ប្រតិបត្តិ​នៅ​អង្គការ ខុមហ្វ្រែល (គណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា) ក្នុង​ប្រទេស​កម្ពុជា។ ខុមហ្វ្រែល ត្រូវ​បាន​បង្កើត​ឡើង​នៅ​ឆ្នាំ​១៩៩៧ ក្នុង​គោលដៅ​ពង្រឹង​ការ​បោះឆ្នោត​នៅ​ប្រទេស​កម្ពុជា ឲ្យ​មាន​យុត្តិធម៌ និង​សេរីភាព​ពេញ​លេញ។[២] លោក គល់ បញ្ញា បាន​ធ្វើ​ជា​នាយក​ប្រតិបត្តិ​នៅ ខុមហ្វ្រែល ក្នុង​ឆ្នាំ​១៩៩៨។[១]

ដំណើរ​ជីវិត

ឪពុក​របស់​លោក បញ្ញា បាន​ទទួល​អនិច្ចកម្ម​ក្នុង​វេលា​វឹកវរ​នៅ​ក្នុង​ប្រទេស​កម្ពុជា ដែល​នៅ​ពេល​លោក​ទើប​មាន​អាយុ ៨ ឆ្នាំ​ប៉ុណ្ណោះ។ លោក បញ្ញា បាន​ចាប់​ផ្ដើម​ធ្វើ​ជា​គ្រូ​បង្រៀន​ក្នុង​ទីក្រុង​ភ្នំពេញ ក្រោយ​ពេល​លោក​បាន​ទទួល​បាន​សញ្ញាបត្រ​ពី​សាកលវិទ្យាល័យ។ នៅ​ដើម​ទសវត្សរ៍​ឆ្នាំ​១៩៩០ លោក​បាន​ចូលរួម​យ៉ាង​សកម្ម​នៅ​ក្នុង ចលនាសិទ្ធិមនុស្ស របស់ គណៈកម្មាធិការ​ដើម្បី​ការ​បោះ​ឆ្នោត​ដោយ​សេរី និង​យុត្តិធម៌​នៅ​កម្ពុជា។ ក្រោយ​ពេល​ចូលរួម​ក្នុង​សកម្មភាព​របស់ ខុមហ្វ្រែល ហើយ លោក​ក៏​បាន​ទទួល​សញ្ញាបត្រ​អនុបណ្ឌិត​ក្នុង​ផ្នែក គោល​នយោបាយ​នៃ​ការអភិវឌ្ប​ផ្សេងៗ​គ្នា (Politics of Alternative Development) ។[១]

ពាន​រង្វាន់ Ramon Magsaysay

នៅ​ឆ្នាំ​២០១១ លោក គល់ បញ្ញា បាន​ទទួល ពានរង្វាន់Ramon Magsaysay Award ដល់​ការងារ​របស់​គាត់​ក្នុង​ការ​កែ​ទម្រង់​ការ​បោះឆ្នោត​នៅ​កម្ពុជា។

ឯកសារ​យោង