ឈូងសមុទ្រ

ឧ៖ឈូងសមុទ្រថៃជាផ្នែកមួយរបស់​សមុទ្រចិនខាងត្បូងដែលលយ​ចូលមកក្នុងអាស៊ីអាគ្នេយ៍ដីគោក

ឈូងសមុទ្រ ជាផ្នែកមួយនៃសមុទ្រដែលលយចូលមកក្នុងដីទ្វីប។ ជាទូទៅឈូងសមុទ្រមានទំហំធំជាងឆកសមុទ្រនិងមានជំរៅទឹករាក់។ ឈូងសមុទ្រភាគច្រើនកកើតឡើងឬពង្រីកខ្លួនដោយការកើនឡើងនៃកំពស់ទឹកសមុទ្រ​នៅចុងយុគទឹកកកចុងក្រោយ។ មានឈូងសមុទ្រខ្លះទៀតកកើតឡើងដោយការស្រុតចុះនៃស្រទាប់ដី​ដែលធ្វើអោយផ្នែកខ្លះនៃឆ្នេរធ្លាក់ចុះទៅក្រោមផ្ទៃសមុទ្រ។ តួយ៉ាងដូចជាឈូងសមុទ្រកាលីហ្វរនៀនិងឈូងសមុទ្រអូម៉ង់ជាដើម។ ឈូងសមុទ្រភាគច្រើនតភ្ជាប់ទៅសមុទ្រតាមរយៈច្រកសមុទ្រមួយឬច្រើន។