ត្រាខេត្តក្រចេះ

ត្រាខេត្តក្រចេះ ឬ និមិត្តសញ្ញាខេត្តក្រចេះ គឺជាត្រាប្រចាំខេត្តក្រចេះដែលមានទទឹកស្មើនឹង២ ភាគ ៣ នៃបណ្តោយត្រូវយោងប្រកាសលេខ២០៤០ ប្រកាស.ចុះថ្ងៃទី០៧ ខែឧសភា ឆ្នាំ២០១៨ ស្តីពីការបង្កើត និងដាក់ឱ្យប្រើប្រាស់នូវនិមិត្តសញ្ញាខេត្តក្រចេះ ។ និមិត្តសញ្ញាខេត្តក្រចេះមានរាង ខ្នាត និងរូបភាពដែលត្រូវបានកំណត់ដូចខាងក្រោម៖

-ទម្រង់រួម៖ រាងត្របកឈូកតំណាងឱ្យអត្តសញ្ញាណជាតិ និងជាប្រទេសគោរពព្រះពុទ្ធសាសនា

- គ្រុឌ៖ តំណាងឱ្យសភាវៈល្អ គ្រប់គ្រងដែនដី ក្លាហាន ការពារធម្មជាតិ និងខ្យល់

- នាគ៖ តំណាងឱ្យសភាវៈល្អ ភាពត្រជាក់ត្រជុំ គ្រប់គ្រងព្រះគង្គា ព្រះភិរុណ និងព្រះអគ្គី

- បល្ល័ង្គ៖ តំណាងឱ្យអរិយធម៌ជាតិ តាមរចនាបថភ្នំដា ក្បាច់ត្របកឈូកអង្គរឆែក

- ក្បាច់រចនា៖ តំណាងឱ្យវប្បធម៌ខ្មែរដ៏រុងរឿង

- ពណ៌មាស៖ តំណាងឱ្យភាពសំបូររុងរឿង (សុវណ្ណភូមិ)

- ពណ៌ដីលែង៖ តំណាងឱ្យធាតុថ្មរឹងមាំ - ពណ៌បៃតង៖ តំណាងឱ្យការអភិវឌ្ឍ ។