ធ្នូរង្វង់

ពណ៌លឿង​តំណាង​អោយ​ចំរៀករង្វង់​ដែល​ធ្នូរបស់វា​មានប្រវែង L

ធ្នូ AB + ធ្នូ CD = ធ្នូ BC + ធ្នូ AD

ក្នុងធរណីមាត្រ ធ្នូនៃរង្វង់គឺជាខ្សែកោងដែលភ្ជាប់ដោយពីរចំនុចផ្សេងគ្នា។ ក្នុងរូបខាងស្តាំ

• ទ្រង់ទ្រាយ OAB ហៅថាចំរៀករង្វង់
• មុំ $\angle AOB=\theta$ ហៅថាមុំផ្ចិត
• ${\widehat {AB}}$ ហៅថាធ្នូរង្វង់
• អង្កត់ $\,[OA]$ និង $\,[OB]$ ហៅថាកាំរង្វង់
• ចំនុច O ហៅថាផ្ចិតរង្វង់

ប្រវែងធ្នូរង្វង់ដែលមានកាំ $\,r$ និង មុំផ្ចិត $\theta \,$ (គិតជារ៉ាដ្យង់) កំនត់ដោយរូបមន្ត

$\color {blue}L=r\theta \,$

រូបមន្តបានមកពីទំនាក់ទំនង

${\frac {L}{P}}={\frac {\theta }{2\pi }}\,\!$

ដែល

$\,P=2\pi r$ ជាបរិមាត្ររង្វង់

គេបាន

${\frac {L}{2\pi r}}={\frac {\theta }{2\pi }}\,\!$

ដោយរក$\,L$ ជាអនុគមន៍នៃ $\,\theta$ គេបាន

$L=\theta r\,\!$

នៅពេលដែលចំនុចចុងសងខាងនៃធ្នូជាចំនុចចុងសងខាងនៃអង្កត់ផ្ចិតរង្វង់ គេអាចហៅធ្នូថាជាកន្លះរង្វង់។

---

គេមានបួនចំនុចA B C និង D នៅលើរង្វង់តែមួយ។ ប្រសិនបើអង្កត់ធ្នូ [AC] និង [BD] កែងគ្នា នោះគេបានផលបូកររវាងង្វាស់ធ្នូដែលឈមគ្នាមានតំលៃស្មើគ្នា។

$\,[AC]\perp [BD]\quad \Rightarrow \quad {\widehat {AD}}+{\widehat {CB}}={\widehat {DC}}+{\widehat {BA}}$

សូមមើលផងដែរ

• ចំរៀករង្វង់
• រង្វង់
• អង្កត់ធ្នូ
• អង្កត់ផ្ចិត
• ក្រលាផ្ទៃរង្វង់
• ក្រលាផ្ទៃ
• អង្កត់