បន្សាលោហ:

'''បន្សាលោហ:'''
សកម្មភាពកំពុងផ្សា

បច្ចុប្បន្ននេះកិច្ចការបន្សាលោហ: ជាមធ្យោបាយបាយមួយ ដែលដើតួយ៉ាងសំខាន់ ក្នុងវិស័យឧស្សាហកម្ម ហើយវាក៏ជា មុខព្រួយមួយ សំរាប់អភិវឌ្ឍន៏ ប្រទេសជាតិផង ដែរ ។ កិច្ចការន្សានេះ បានជួយសម្រួល ដល់កាងារផ្សេង ៗ ទៀតដូចជា ការបង្កើតគំរូជាដើមក្រៅពីនេះ វាក៏ជួយ កិច្ចការ ជួសជុល កែច្នៃរបស់របរ ប្រើប្រាស់ ក្នុងជីវភាពប្រចាំថ្ងៃ របស់ប្រជាជនផង ដែរហើយ ជំនាញនេះ មានប្រជាជនមួយ ចំនួនបានយក ធ្វើជាមុខរបរញ្ចឹមជីវិត ។ ពាក្យថាបន្សាវា មានលក្ខណ:ខុសគ្នា ជាច្រើន ដូចជាបន្សា អគ្គីសនី បន្សាឧស្ម័ន បន្សាទិច , មិច.....។ ប៉ុន្តែយើងខ្ញុំសូមលើកយក ខ្លឹមសារ បន្សារ លោហ: ដោយអគ្គិសនី មក បង្ហាញជូន ដល់បងប្អូនអោយបាន បានយល់ជ្រាប ខ្លះៗ ពីកិច្ចការ នេះ ។ ខ្ញុំបាទសង្ឃឹមថា ទំព័រនេះប្រាកដ ជាមានប្រយោជន៏ដល់បងប្អូន ដែលមានចំណាប់អារម្មណ៏ ពីកិច្ចការនេះ ។ មុននឺងចូលដល់ ខ្លឹមសារនៃ កិច្ចការនេះ សូមបងប្អូន ជ្រាបពីច្បាប់ និរភ័យជាមុនសិន។

ច្បាប់និភ័យ

គ្រោះថ្នាក់ដែលអាចកើតឡើងបានតាមរយ:ការអនុវត្តន៏បន្សាលោហ:មានដូចជា:

ចំហាយពុលដែលកើតឡើងតាមរយ:បន្សាលោហ:ប្រភេទខ្លះ
ការផ្ទុះដែលកើតឡើងតាមរយ:បន្លាស់ទី ឬប្រើដប ឧស្ម័ន អាសេទីឡែន មិនបានត្រឹមត្រូវ
ជាងផ្សា ឬ សហការី ត្រូវរោលឆេះដោយសាសន្ទុះ
ភ្នែកឈឺបណ្តាលពីកាំរស្មី ឬ កំទេចលោហ: ខ្ទាតចូល
ទុយោឬ ដបផ្ទុក អង្គធាតុឆាបភ្លើងត្រូវផ្ទុះ
អគ្គីសនីឆក់

គ្រោះថ្នាក់បណ្តាលពីផ្សែង:

បន្សារលោហ:ប្រភេទខ្លះបង្ករអោយកើតផ្សែង ឬ ចំហាយគ្រោះថ្នាក់ ។

ដូច្នេះហើយទើបចាំបាច់ត្រូវធ្វើអោយចំហាយផ្សែង ដូចពោលនេះ រលាយសាបរលាប

ដោយតំឡើងប្រព័ន្ធសំរាប់ស្រូបខ្យល់ ទៅខាងក្រៅ ឬ ធ្វើការផ្សា ក្នុងបរិវេណ ស្រឡះទូលាយ ។

ប្រភេទផ្សែងដែលកើតពីបន្សាលោហ:

បន្សាលោហ:ប្រភេទណីមួយៗ ផ្សែងមានលក្ខណ:ខុសៗគ្នា ដូចជា:

ផ្សែងដែលកើតពីបន្សាដែក: តាមធម្មតាវាគ្មានគ្រោះថ្នាក់ទេ
ផ្សែងដែលកើតពីបន្សាទង់ដែង: តាមធម្មតាវាក៏គ្មានគ្រោះថ្នាក់អ្វីដែរ ក៏ប៉ុន្តែបើយើងមិនជ្រើសរើស រកកន្លែងអោយបានស្រឡះល្អទេនោះ វាអាចនាំអោយ ឈឺភ្នែក ឈឺក្បាល នឹង តឹងទ្រូងជាដើម ។
ផ្សែងដែលកើតពីបន្សាស័ង្កសី: ដោយឡែកផ្សែងដែលកើតពីបន្សាដែកស្រោប ស័ង្កសី វាមានគ្រោះថ្នាក់ ប្រហាក់ប្រហែលគ្នា និង ផ្សែងដែលកើតពីបន្សាទង់ដែងដែរ។
ផ្សែងដែលកើតពីបន្សាសំណ: ពេលយើងដកដង្ហើមចេញចូលបណ្តាលអោយជ្រួតជ្រាបគ្រប់ផ្នែកនៃអវ:យវ: ព្រមទាំងឆ្អឹង នាំអោយ ឆ្អឹតឆ្អល់រមូលពោះ រកកល់ចង់ក្អួតចង្អោ ហើយមានអាការ:ផ្សេងៗជាច្រើនទៀត។
ផ្សែងដែលកើតពីបន្សាម៉ង់កាណែស: វាក៏មានអោយមានគ្រោះថ្នាក់ ដល់ប្រព័ន្ធដកដង្ហើម ហើយ នឹង បំរែបរួល នៃប្រព័ន្ធសរសៃប្រសាទផងដែរ ។

ផ្សែងដែលកើតពីបន្សាលោហ:ផ្សេង: ទោះជាមិនបង្ករអោយមានគ្រោះថ្នាក់ក៏ដោយ ក៏ចាំបាច់ត្រូវអោយមានខ្យល់បរិសុទ្ធ ចេញចូលបានគ្រប់គ្រាន់ដើម្បីងាយស្រួលក្នុងការដកដង្ហើម ។

ការរៀបចំប្រព័ន្ធផ្លាស់ប្តូបរិយាកាស:

បរិវេណផ្សាលោហ:ដោយអគ្គីសនី ឬដប ឧស្ម័នគួរៀបចំប្រព័ន្ធអោយខ្យល់ចេញចូលបានសមរម្យ ដូចជា:

បន្ទប់ផ្សាគួអោយមានខ្យល់ចេញចូលបានស្រួល
ការប្រើខ្យល់ផ្លុំដោយកង្ហារ អាចជួយបញ្ជូនផ្សែង ឬ ចំហាយពុលចេញទៅក្រៅបាន
នៅពេលធ្វើការផ្សាលោហ:ដែលធ្វើអោយកើតផ្សែង ឬ ចំហាយពុល គួរៀបចំប្រព័ន្ធសំរាប់បញ្ចេញខ្យល់អោយបានសមរម្យ។
ការផ្ទុះដែលបណ្តាលមកពីបន្សារមិនបើកគំរបធុងះ
ធុងដែលផ្ទុះភាគច្រើនជាធុងដែលផ្ទុកប្រេង ឥន្ធន:

ដោយសារមិនបានលាងសំអាតប្រេងដែលនៅសេសសល់ក្នុងធុងនោះចេញអោយអស់

។ប្រសិនណាជាត្រូវផ្សា រឺកាត់ធុងដែលផ្ទុកប្រេងឥន្ធន: ចូរប្រយ័ត្នព្រោះកំដៅតាមរយះបន្សារ

នឹងទៅដុតចំហាយប្រេងអោយឆាបឆេះ ហើយអាចនឹងផ្ទុះឡើងបាន ។

ការផ្ទុះនេះវាអាចកើតឡើងបានលុះត្រាតែមានសមាសភាព ៣យ៉ាងគឺ:

ប្រេងឥន្ធន:

ការដុតអោយឆាបឆេះ
អុកស៊ីសែន

ដូច្នេះការផ្សា ដោយមិនបានបើកគំរប ធុងគឺត្រូវគ្រប់លើ សមាសភាពទាំងបីយ៉ាងនេះ កុំអោយវាកើតឡើង។ ដើម្បីជៀសវាងកុំអោយការផ្ទុះកើតឡើង យើងអាចធ្វើបានដូចជា:

កំចាត់ប្រេងឥន្ធន:អោយអស់ពីក្នុងធុងនោះ ដោយយកទៅជ្រលក់ក្នុងទឹក ដើម្បីអោយប្រេង អណ្តែតឡើង ឬ ស្ងោរជាមួយអង្គធាតុរំលាយ ដើម្បីកំចាត់ ឧស្ម័ន ឬ ប្រេងឥន្ធន:ដែលសេសសល់នោះចេញអោយអស់។
កំចាត់ខ្យល់ ឬ អុកស៊ីសែន ចេញពីភាគកំណាត់ផ្សា ដោយ ការប្រើ ឧស្ម័នសកម្ម ដូចជា អាសូត(N) បណ្ណែនចូលទៅក្នុងដប ឬ ធុងនោះ មុន នឹងផ្សា ។

ឧបករណ៏ការពារគ្រោះថ្នាក់:

ឧបករណ៏ការពារគ្រោះ សំរាប់ជាងផ្សា មានច្រើនប្រភេទដូចតទៅនេះ:

ក្បាំងមុខ: សំរាប់ការពារគ្រោះថ្នាក់ ពី កាំរស្មី រឺ កំទេចលោហ:
អាវឃ្លុំ : ជាអាវដៃវែង ពាក់ដើម្បី ឃ្លុំការពារ ធ្វើពីអង្គធាតុដែលធន់ នឹងភ្លើង ដើម្បីការពារ កំទេចលោហ:
ស្រោមដៃ: ប្រើសំរាប់ធ្វើការផ្សាផជាស្រោមដៃវែង ធ្វើពីអង្គធាតុដែលធន់ នឹងភ្លើង មិន រួញ ហើយ ក៏ មិនមែនជា សមាសធាតុ ចំលងចរន្ត អគ្គីសនីដែរ
ស្បែកជើងកវែង។

ភ្នែក

ជានិច្ចជាកាលជាងផ្សា ត្រូវតែការពារគ្រោះថ្នាក់ ដែលកើតឡើងចំពោះភ្នែក និងគ្រោះថ្នាក់ដេលកើតឡើង មិន

ត្រឹមតែបណ្តាល មកពីកាំរស្មី នៃ បន្សា រឺ កាត់ប៉ុនោះទេ តែវាអាចកើតមកពី កំទេចលោហ:ទៀតផង។

ដូច្នេះហើយ គួរតែពាក់វ៉ែនតាការពារសំរាប់បន្សា ឧស្ម័ន ហើយពាក់ ក្បាំងមុខ សំរាប់បន្សាអគ្គីសនីជានិច្ច ។

វ៉ែនតា និងក្បាំងមុខ ធ្វើពីអង្គធាតុ ដែលធន់ នឹង ភ្លើង ហើយវាក៏ជា អ៊ីសូឡង់សំរាប់ការពារចរន្ត

អគ្គីសនីផងដែរ។

គ្រោះថ្នាក់បណ្តាលមកពីកាំរស្មីផ្សា:

ការផ្សា និងកាត់លោហ:មានកាំរស្មីកើតឡើង បី ប្រភេទគឺ:

កាំរស្មីអុលត្រាវីយ៉ូឡេត: ធ្វើអោយស្បែក និង ភ្នែករបស់យើងឡើងស្លោក វាជាកាំរស្មីដែលមើលមិនឃើញ
ពន្លឺ: ជារស្មីដេលមិនអាចមើលឃើញដោយភ្នែក នៅពេលបង្កើតធ្នូ អគ្គីសសនី បើយើងមិនបានកាពារភ្នែក របស់យើងទេនោះ វានិងធ្វើអោយភ្នែក របស់យើង ឡើងស្រវាំងមួយ សន្ទុះ។
កាំរស្មីអ៊ិនហ្វ្រារ៉េដ (Infrared Ray) : ជាកាំរស្មីដែលបង្ករគ្រោះថ្នាក់ខ្លាំងបំផុត បើធៀបទៅនឹង កាំរស្មី ដ៏ទៃៗទៀត។ កាំរស្មីនេះ មិន អាចមើល ឃើញដោយភ្នែកទទេបានឡើយ ម្យ៉ាងទៀតកាំរស្មីប្រភេទនេះ បើយើងមិនប្រុងប្រយ័ត្នទេនោះ វាអាចបង្ករអោយភ្នែកយើង ឡើងបាយ ឬ អាច គ្រោះថ្នាក់ ដល់ប្រស្រី ភ្នែកយើងបានទៀតផង។

របៀបអនុវត្តន៏ដើម្បើការពារគ្រោះថ្នាក់

ការរក្សាសុវត្ថភាព ក្នុងបន្សាអគ្គិសនី មានដូចជា:

ត្រូវពាក់ក្បាំងមុខរាល់លើក មុននឹង ធ្វើការផ្សា
ត្រូវពាក់វ៉ែនតា និរភ័យរាល់លើកដែលធ្វើការគោះក្រញ៉ម ឬ កំទេចលោហ:
ផ្ទៃកំរាលធ្វើការផ្សា មិនគួធ្វើពីអង្គធាតុ ដែលភ្លើងងាយឆេះឡើយ
ប្រមូលសំភារ:ដែលភ្លើងងាយឆេះ ទុកដាក់អោយឆ្ងាយ ពីបរិវេណផ្សា យ៉ាងហោច ១០ហ្វូត
មិនគួពាក់ស្រោមដៃ រឺ ខោអាវដែលសើម និង ប្រឡាក់ដោយប្រេង ឬ ខ្លាញ់គោឡើយ
ត្រូវបិទ កុងតាក់រឺ ដក ឌុយចេញ រាល់លើកមុន នឹងជួសជុល រឺ លៃតំរូវ ប៉ុស្តិ័ផ្សា ដើម្បីការពារភ្លើងឆក់
មិនគួប្រតិបត្តការងារ នៅកន្លែងមានសំណើមឡើយ
ការបើក ប៉ុស្តិ៏ផ្សាប្រើ រឺ លៃតំរូវចរន្តផ្សា ត្រូវអនុវត្តន៏តាមតម្រារបស់វាជានិច្ច
រកមធ្យោបាយកាពារគ្រោះថ្នាក់ដែលអាចកើតឡើងចំពោះភ្នែក ផ្ទៃមុខ និងផ្នែកដ៏ទៃៗទៀតនៃរាងកាយរបស់យើង

គួរត្រៀមបំពុងពន្លត់អគ្គីភ័យ អោយមានគ្រប់ពេលវេលា
គួរប្រើឧបករណ៏និងខោអាវដែលស្ងួត
ចូរកុំផ្សាធុង រឺដប ដែលធ្លាប់ផ្ទុក ឧស្ម័ន ភ្លើងឆេះ ដូចជាធុងប្រេងជាដើម
កុំអោយក្បាល ក្រចាប់ធូបផ្សាដែលគ្មានអ៊ីសូឡង់ ប៉ះគ្នានឹង ខ្សែដី ឬ ភាគកំណាត់ ក្នុងខណ:ដែល ប៉ុស្តិ៏ផ្សាកុំពុងធ្វើការ
កុំអោយខ្សែផ្សា និង ខ្សែដីសើមដោយប្រេង នឹង ខ្លាញ់គោ ហើយ កុំយកខ្សែ ផ្សាឆ្វាយជា របុំរុំជុំវិញ ប៉ុស្តិ៏ផ្សា
គួរផ្សាក្នុងទីកន្លែងដែលមានខ្យល់ចេញចូលបានស្រួស ឬ ប្រើឧបករណ៏ ស្រូបខ្យល់ និង ផ្សែងដែលកើតពី បន្សា
ខោអាវគួរធ្វើពីក្រណាត់ ដែលភ្លើង មិនងាយឆេះ និង ការពារផ្កាភ្លើង និង ធ្នូអគ្គីសនី ដែលបង្ករគ្រោះថ្នាក់ដល់ស្បែក
ត្រូវប្រសកដក្នុងចិត្តថា ខ្សែផ្សាសំរាប់ប៉ុស្តិ៏ផ្សាដែលធ្វើតំឡើងនោះ បានតយ៉ាងត្រឹមត្រូវរួចហើយ មុននឹងចាប់ផ្តើមតំណើរការ។ ម្យ៉ាងទៀតកុំប្រើខ្សែផ្សា អោយហួសកំលាំង រហូតដល់ធ្វើអោយវាឡើងក្តៅខ្លាំពេក។

របៀបអនុវត្តន៏ដើម្បីរក្សាសុវត្ថិភាពក្នុងបន្សាឧស្ម័ន

គ្រោះថ្នាក់ដែលកើតពីការប្រើឧបករណ៏ផ្សាឧស្ម័នមានច្រើនយ៉ាងណាស់។

ដូច្នេះចំពោះអ្នកដែលធ្វើការផ្សាឧស្ម័នចាំបាច់ត្រូវសិក្សាអំពីគោលការ

និងវិធីប្រើប្រាស់ហត្ថូបករណ៏ក្នុងបន្សាឧស្ម័នអោយយល់ច្បាស់ជាមុនសិនសឹមចាប់ផ្តើមអនុវត្តន៏។ កំណារ

(ការការពារ) គ្រោះថ្នាក់ដែលអាចនឹងកើតឡើងខណ:ផ្សាឧស្ម័នគួរប្រតិបត្តិដូចតទៅ:ផ្ទៃកម្រាលសំរាប់ការងារផ្សាឧស្ម័ន ត្រូវធ្វើពីអង្គធាតុដែលភ្លើមិនឆេះ ជាទូទៅគេនិយមចាក់បេតុង

គួរប្រើអង្គធាតុដែលធន់ នឹងកំដៅធ្វើជារបាំងដើម្បីការពារផ្ទៃកម្រាល ឬជញ្ជាំងដែលនៅជិតបរិវេណផ្សានោះដ្បិតពេលផ្សាឧស្ម័ន នឹងមានផ្កាភ្លើង ឬដែកក្តៅៗអាចធ្វើអោយឆាបឆេះបាន។
គួរអោយខ្យល់ចេញចូលបានស្រួល ដ្បិតអុកស៊ីសែនក្នុងបរិវេណផ្សាឧស្ម័ននោះត្រូវដុតឆេះអស់មួយចំនួនដែលជាហេតុនាំអោយខ្វះអុកស៊ីសែនក្នុងបរិវេណនោះ។ ម្យ៉ាងទៀតមានលោហះប្រភេទខ្លះពេលរលាយវានឹងកើតជាចំហាយដែលផ្តល់គ្រោះថ្នាក់ដល់រាងកាយ ឬជួនកាលមានអុកស៊ីសែនលេចជ្រាបក្នុងបរិវេណនោះ លុះយូៗទៅក៏ច្រើន ហើយនៅពេលវាប៉ះជាមួយប្រេងឬ ខ្លាញ់គោក៏បណ្តាលអោយផ្ទុះតែម្តង។
កម្រាលសំរាប់រៀនផ្សាឧស្ម័ន ត្រូវធ្វើពីឥដ្ឋដែលធន់នឹងភ្លើង
ដបអុកស៊ីដសែន និងដបឧស្ម័នត្រូវចងវាអោយេជាប់នឹងកន្លែងរបស់វា
ជាងផ្សាគួរតែមានឧបករណ៏សំរាប់ការពារគ្រោះថ្នាក់ពីកំទេចលោហះ។ ម្យ៉ាងទៀត មុននឹងតំណើការផ្សា គួរពាក់វ៉ែនតារាល់លើក ដោយប្រើកញ្ចក់ពណ៍ខ្មៅសំរាប់ច្រោះពន្លឺ
គួរពាក់អាវ វ៉ែនតា ស្រោមដៃ និងអាវស្បែកដើម្បីការពារកំដៅពីបន្សា
មិនគួរប្រើខ្លាញ់គោឬ ប្រេងជាមួយឧបករណ៏ផ្សាឧស្ម័នទេ
កុំនាំអណ្តាតភ្លើងឬ ផ្កាភ្លើងមកជិតដបឧស្ម័ន និង ទុយោឧស្ម័នអោយសោះ
រកុំទុកឈើគូស ឬដែកកេះក្នុងហោប៉ៅឈុតប្រតិបត្តិកា
គួរទុកអង្គធាតុឆាបឆេះភ្លើងអោយនៅឆ្ងាយពីបរិវេណផ្សាយ៉ាងហោច ៣៥ ហ្វូត
ពេលដឹកជញ្ជូនផ្លាស់ប្តូរដបឧស្ម័ន ឬដបអុកស៊ីសែនម្តងៗ គួរបិទគំរបដបសិនដើម្បីការពារកុំអោយវ៉ានខូច
មិនត្រូវយក អុកស៊ីសេក ទៅប្រើការជំនួសខ្យល់់ទេ
កុំសាកល្បង ស្នាមលេចជ្រាប ឧស្ម័ន ដោយប្រើអណ្តាតភ្លើង
គួត្រៀមអោយមានបំពង់ ឬ ឧបករណ៏ពន្លត់អគ្គីភ័យ
ពេលផ្សារួចគួរបិទវ៉ានដបឧស្ម័ន និង ដបអុកស៊ីសែនអោយបានស្រួលបួល។ ម្យ៉ាងទៀតគួរពិនិត្យ មើលបរិវេណជុំវិញថាមានភ្លើងឆេះរឺទេ?