ក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ៖ ភាពខុសគ្នារវាងកំណែនានា

ក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ
ស្ថាបនា	ថ្ងៃទី១៥ ខែមីនា ឆ្នាំ២០១៣
ទីតាំង	ផ្លូវលេខ៩២ សង្កាត់វត្តភ្នំ ខណ្ឌដូនពេញ រាជធានីភ្នំពេញ;
គេហទំព័រ	https://www.legalcouncilmef.com/km

មើលប្រវត្តិបានរហ័ស

← កំណែប្រែមុននេះ កំណែប្រែបន្ទាប់ →

ខ្លឹមសារដែលបានលុបចោល ខ្លឹមសារដែលបានសរសេរបន្ថែម

តាមគំហើញអត្ថបទវិគី

Inline

កំណែនៅ ម៉ោង០៩:១០ ថ្ងៃច័ន្ទ ទី០៤ ខែមីនា ឆ្នាំ២០២៤

ក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ ត្រូវបានបង្កើតឡើងដោយប្រកាសលេខ ២៩០ សហវ.ប្រក ចុះថ្ងៃទី១៥ ខែមីនា ឆ្នាំ២០១៣ ស្ដីពីការបង្កើតក្រុមប្រឹក្សានីតិកម្មនៃក្រសួងសេដ្ឋកិច្ចនិងហិរញ្ញវត្ថុ ដែលត្រូវបានកែសម្រួលជាបន្ដបន្ទាប់ និងជាចុងក្រោយត្រូវបានជំនួសដោយអនុក្រឹត្យលេខ ៧៥ អនក្រ.បក ចុះថ្ងៃទី២៥ ខែឧសភា ឆ្នាំ២០១៧ ស្ដីពីការកែសម្រួលអនុក្រឹត្យលេខ ៤៨៨ ចុះថ្ងៃទី១៦ ខែតុលា ឆ្នាំ២០១៣ ស្ដីពីការរៀបចំនិងការប្រព្រឹត្តទៅ នៃក្រសួងសេដ្ឋកិច្ចនិងហិរញ្ញវត្ថុ និងអនុក្រឹត្យលេខ ៧៦ អនក្រ.បក ចុះថ្ងៃទី១៣ ខែមិថុនា ឆ្នាំ២០១៨ ស្ដីពីការរៀបចំនិងការប្រព្រឹត្តទៅនៃក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុដើម្បីធានានីត្យានុកូលភាព សង្គតិភាព និងសុខដុមភាព នៃការតាក់តែងសេចក្តីព្រាងលិខិតបទដ្ឋានគតិយុត្ត ព្រមទាំងធានាបាននូវប្រសិទ្ធភាព និងស័ក្តិសិទ្ធភាព នៃការគ្រប់គ្រងការអនុវត្តលិខិតបទដ្ឋានគតិយុត្ត ដែលជាសមត្ថកិច្ចរបស់ក្រសួងសេដ្ឋកិច្ចនិងហិរញ្ញវត្ថុ និងចូលរួមចំណែកដល់ការអនុវត្តកម្មវិធីកែទម្រង់ ការគ្រប់គ្រងហិរញ្ញវត្ថុសាធារណៈ។

ចក្ខុវិស័យ និងបេសកកម្ម

ចក្ខុវិស័យ ៖ មជ្ឈមណ្ឌលនវានុវត្តន៍ប្រឹក្សានីតិសាស្រ្ត នៃក្រសួងសេដ្ឋកិច្ចនិងហិរញ្ញវត្ថុ។
បេសកកម្ម ៖ សិក្សា និងប្រឹក្សា សន្តិសុខ សុវត្ថិភាព និងសណ្តាប់ធ្នាប់គតិយុត្ត ជូនក្រសួងសេដ្ឋកិច្ចនិងហិរញ្ញវត្ថុ និងរាជរដ្ឋាភិបាល។

យុទ្ធសាស្រ្ត

អភិវឌ្ឍចំណេះដឹងច្បាប់ជាមូលដ្ឋានគ្រឹះនៃនីតិសេដ្ឋកិច្ចនិងហិរញ្ញវត្ថុ ឈានឆ្ពោះទៅកាន់ការអភិវឌ្ឍជំនាញប្រឹក្សាច្បាប់ នៃនីតិសេដ្ឋកិច្ចនិងហិរញ្ញវត្ថុនៅក្នុងកម្រិតគុណភាពឬស្តង់ដារអន្តរជាតិ ទន្ទឹមនឹងអភិវឌ្ឍឌីជីថលូបនីយកម្មការងារនីតិកម្ម និងស្តង់ដារអភិបាលកិច្ចស្ថាប័ន នៃក្រុមប្រឹក្សានីតិកម្ម។

កម្មវិធី

កម្មវិធីទី១ ៖ បង្កើតចំណេះដឹងច្បាប់
កម្មវិធីទី២ ៖ ប្រឹក្សាច្បាប់
កម្មវិធីទី៣ ៖ ប្រឹក្សាច្បាប់
កម្មវិធីទី៤ ៖ អភិវឌ្ឍឌីជីថលូបនីយកម្មការងារនីតិកម្ម
កម្មវិធីទី៥ ៖ អភិវឌ្ឍស្តង់ដារអភិបាលកិច្ចស្ថាប័ន នៃក្រុមប្រឹក្សានីតិកម្ម

មុខងារនិងភារកិច្ច

ក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ មានមុខងារនិងភារកិច្ចជាសារវន្ត ដូចខាងក្រោម៖

បង្កើតនិងដាក់ឱ្យប្រើប្រាស់ជាផ្លូវការ នូវស្នាដៃឧបករណ៍នីតិសាស្ត្រ តាមវិស័យគតិយុត្ត
ធានានីត្យានុកូលភាព សង្គតិភាព សុវត្ថិភាព វិបុលភាព នៃសេចក្តីព្រាងច្បាប់និងលិខិតបទដ្ឋានគតិយុត្ត
ពិនិត្យវាយតម្លៃ និងបង្កើនប្រសិទ្ធភាព នៃការអនុវត្តច្បាប់និងលិខិតបទដ្ឋានគតិយុត្ត ក្នុងក្របខ័ណ្ឌសមត្ថកិច្ច ក្រសួងសេដ្ឋកិច្ចនិងហិរញ្ញវត្ថុ
ផ្សព្វផ្សាយនិង បង្កើនប្រសិទ្ធភាពការយល់ដឹងស្តីពីការអនុវត្តច្បាប់និងលិខិតបទដ្ឋានគតិយុត្ត
ពិនិត្យនិងដោះស្រាយបណ្តឹង ឬវិវាទពាក់ព័ន្ធនានា
សម្របសម្រួលយន្តការអន្តរក្រសួង ស្ថាប័ន ពាក់ព័ន្ធការងាររៀបចំតាក់តែងសេចក្តីព្រាងច្បាប់និងលិខិតបទដ្ឋានគតិយុត្ត។

សមាសភាព និងរចនាសម្ព័ន្ធ

ក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ មានសមាសភាព ដូចខាងក្រោម៖

រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ ប្រធាន
រដ្ឋលេខាធិការ ក្រសួងសេដ្ឋកិច្ចនិងហិរញ្ញវត្ថុ អនុប្រធាន
ថ្នាក់ដឹកនាំនៃក្រសួងសេដ្ឋកិច្ចនិងហិរញ្ញវត្ថុ ជារដ្ឋលេខាធិការ ឬអនុរដ្ឋលេខាធិការ ០១ រូប អនុប្រធានប្រចាំការ
អនុរដ្ឋលេខាធិការ ក្រសួងសេដ្ឋកិច្ចនិងហិរញ្ញវត្ថុ សមាជិក
អគ្គលេខាធិការ ក្រសួងសេដ្ឋកិច្ចនិងហិរញ្ញវត្ថុ សមាជិក
អគ្គនាយកនៃអគ្គនាយកដ្ឋាន ចំណុះក្រសួងសេដ្ឋកិច្ចនិងហិរញ្ញវត្ថុ សមាជិក
អគ្គាធិការនៃអគ្គាធិការដ្ឋាន ក្រសួងសេដ្ឋកិច្ចនិងហិរញ្ញវត្ថុ សមាជិក
ប្រធានលេខាធិការដ្ឋានក្រុមប្រឹក្សានីតិកម្ម សមាជិកអចិន្រ្តៃយ៍។

ថ្នាក់ដឹកនាំ នៃក្រុមប្រឹក្សានីតិកម្ម មានសមាសភាពដូចខាងក្រោម៖

ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សានីតិកម្ម
ឯកឧត្តមបណ្ឌិត ហ៊ែល ចំរើន រដ្ឋលេខាធិការ និងជាអនុប្រធានប្រចាំការក្រុមប្រឹក្សានីតិកម្ម។

លេខាធិការដ្ឋាន

ថ្នាក់ដឹកនាំ និងមន្រ្តី នៃលេខាធិការដ្ឋានក្រុមប្រឹក្សានីតិកម្ម មានសមាសភាពដូចខាងក្រោម៖

ឯកឧត្តម ស៊ាង ផល្លា អនុរដ្ឋលេខាធិការ និងជាប្រធានលេខាធិការដ្ឋានក្រុមប្រឹក្សានីតិកម្ម
ឯកឧត្តម លី វ៉ុង អនុប្រធានលេខាធិការដ្ឋានក្រុមប្រឹក្សានីតិកម្ម
ឯកឧត្តម រស់ សុខណារុណ អនុប្រធានលេខាធិការដ្ឋានក្រុមប្រឹក្សានីតិកម្ម
ឯកឧត្តម ណន សាមឌី អនុប្រធានលេខាធិការដ្ឋានក្រុមប្រឹក្សានីតិកម្ម។

ស្នាដៃនីតិសាស្រ្ត

១. ឧបករណ៍ការងារនីតិកម្ម ដែលបោះពុម្ពជាសៀវភៅ


បោះពុម្ព	ចំណងជើង	ពិពណ៌នា
១.១. កម្រងសម្រង់
ឆ្នាំ២០២២	កម្រងសម្រង់បទប្បញ្ញត្តិគតិយុត្តពាក់ព័ន្ធវិស័យពន្ធដារ	កម្រងនេះ ត្រូវបានរៀបចំនិងធ្វើបច្ចុប្បន្នកម្មឡើងវិញលើកម្រងសម្រង់បទប្បញ្ញត្តិគតិយុត្តពាក់ព័ន្ធវិស័យ ពន្ធដារ ដើម្បីពង្រឹងនីតិរដ្ឋនិងគាំទ្រអភិបាលកិច្ចល្អ ដែលអាចជួយសម្រួលដល់ការបំពេញមុខងារនិងភារកិច្ចរបស់ថ្នាក់ដឹកនាំនិងមន្រ្តីរាជការ នៃក្រសួងសេដ្ឋកិច្ចនិងហិរញ្ញវត្ថុ ជាពិសេសអគ្គនាយកដ្ឋានពន្ធដារ ក៏ដូចជាក្រសួង ស្ថាប័នផ្សេងទៀត និងជាឧបករណ៍គន្លឹះមួយរួមចំណែកការលើកកម្ពស់ការយល់ដឹងអំពីវប្បធម៌បង់ពន្ធ ពង្រឹងវប្បធម៌បង់ពន្ធ សម្រាប់ប្រជពលរដ្ឋទូទៅ រួមទាំង អាជីវករ ពាណិជ្ជករ វិនិយោគិន ធុរជននានា។
ឆ្នាំ២០២២	គម្ពីរត្រៃភូមិ	មានប្រភេទខុសៗ ដែលអាចជាប្រភេទគំនូរ ឬប្រភេទសរសេរដោយដៃ ប៉ុន្តែសុទ្ធសឹងតែមានខ្លឹមសារពាក់ព័ន្ធនឹងទ្រឹស្តីចក្រវាលតាមបែបព្រះពុទ្ធសាសនា និងបានបញ្ចូលនូវគោលការណ៍សីលធម៌និងសង្គមធម៌តាមទ្រឹស្តីព្រះពុទ្ធសាសានាដែលជាសាសនារបស់រដ្ឋអនុលោមតាមរដ្ឋធម្មនុញ្ញនៃព្រះរាជាណាចក្រកម្ពុជាបច្ចុប្បន្ន និងជាទស្សនវិជ្ជាពុទ្ធនិយមដ៏មានសារសំខាន់ដែលអតីតព្រះមហាក្សត្រ ជឿ គោរព និងប្រតិបត្តិ ដើម្បីដឹកនាំនិងគ្រប់គ្រងប្រទេស។
ឆ្នាំ២០២១	កម្រងសម្រង់បទប្បញ្ញត្តិគតិយុត្តពាក់ព័ន្ធកិច្ចដំណើរការស្ថាប័ន នៃក្រសួងសេដ្ឋកិច្ចនិងហិរញ្ញវត្តុ	ប្រមូលចងក្រងនូវរាល់លិខិតបទដ្ឋានគតិយុត្តជាធរមាន ដែលមានការពាក់ព័ន្ធរចនាសម្ព័ន្ធរដ្ឋបាល កិច្ចដំណើរការស្ថាប័ន យន្តការស្ថាប័នផ្ទៃក្នុងក្រសួង និងយន្តការស្ថាប័នអន្តរក្រសួង ស្ថិតក្នុងដែនសមត្ថកិច្ចរបស់ក្រសួងសេដ្ឋកិច្ចនិងហិរញ្ញវត្ថុ ឬមានទំនាក់ទំនងជាមួយក្រសួងសេដ្ឋកិច្ចនិងហិរញ្ញវត្ថុ។
ឆ្នាំ២០២០	កម្រងច្បាប់ខ្មែរពីបុរាណ ភាគ៣ និងភាគ៤	ជាសក្ខីកម្មប្រវត្តិសាស្ត្រជាតិបញ្ជាក់អំពីអត្ថិភាពនៃវប្បធម៌នីតិសាស្ត្រ ធម្មសាស្ត្រ និងយុត្តិធម៌របស់ខ្មែរ ដែលមានតាំងពីយូរលង់ណាស់មកហើយ គឺមុនពេលមកដល់នៃឥទ្ធិពលប្រព័ន្ធច្បាប់និងប្រព័ន្ធយុត្តិធម៌បារាំងទៅទៀត ដែលបន្តពីកម្រងច្បាប់ខ្មែរពីបុរាណ ភាគ១ និងភាគ២ ពោលគឺជាកម្រងច្បាប់ខ្មែរពីបុរាណឆ្នាំ១៨៩១។
ឆ្នាំ២០២០	កម្រងសម្រង់បទប្បញ្ញត្តិគតិយុត្តពាក់ព័ន្ធលទ្ធកម្មសាធារណៈ	ប្រមូលចងក្រងលិខិតបទដ្ឋានគតិយុត្តពាក់ព័ន្ធលទ្ធកម្មសាធារណៈ រួមមាន បទប្បញ្ញត្តិទូទៅ, ក្របខ័ណ្ឌស្ថាប័ន ជាអាទិ៍ ស្ថាប័នគ្រប់គ្រង និងស្ថាប័នអនុវត្ត, ការរៀបចំផែនការលទ្ធកម្ម, ការអនុវត្តកិច្ចលទ្ធកម្ម, និងរបាយការណ៍និងការត្រួតពិនិត្យ។
ឆ្នាំ២០១៩	កម្រងសម្រង់បទប្បញ្ញត្តិគតិយុត្តពាក់ព័ន្ធឧស្សាហកម្មហិរញ្ញវត្ថុ	ប្រមូលចងក្រងលិខិតបទដ្ឋានគតិយុត្តពាក់ព័ន្ធឧស្សាហកម្មហិរញ្ញវត្ថុ និងអនុវិស័យគាំទ្រ រួមមាន បទប្បញ្ញត្តិមូលដ្ឋាន, ការធានារ៉ាប់រង, របបសន្តិសុខសង្គមនិងសោធន, មូលបត្ររដ្ឋ, បរធនបាលកិច្ច, មូលនិធិពាក់ព័ន្ធការគាំទ្រវិស័យកសិកម្ម, អាជីវកម្មភ្នាល់, អាជីវកម្មអចលនវត្ថុ, អាជីវកម្មទទួលបញ្ចាំ និងប្រាតិភោគដោយអនុប្បទាន, និងការប្រឆាំងការសម្អាតប្រាក់ និងហិរញ្ញប្បទានភេរវកម្ម។
	កម្រងសម្រង់បទប្បញ្ញត្តិគតិយុត្តពាក់ព័ន្ធការគ្រប់គ្រងនិងការអភិវឌ្ឍធនធានមនុស្សនៃក្រសួងសេដ្ឋកិច្ចនិងហិរញ្ញវត្ថុ	ប្រមូលចងក្រងលិខិតបទដ្ឋានគតិយុត្តពាក់ព័ន្ធការគ្រប់គ្រងនិងការអភិវឌ្ឍធនធានមនុស្ស រួមមាន បទប្បញ្ញត្តិមូលដ្ឋាន ជាអាទិ៍ គោលការណ៍គ្រឹះ និងក្របខ័ណ្ឌស្ថាប័ន, ការគ្រប់គ្រងធនធានមនុស្ស, ការអភិវឌ្ឍធនធានមនុស្ស, ការគ្រប់គ្រងបៀវត្ស ប្រាក់ឧបត្ថម្ភ និងប្រាក់បេសកកម្ម, របបសន្ដិសុខសង្គម និងរបបសោធន និងការត្រួតពិនិត្យនិងទណ្ឌកម្ម។
	កម្រងសម្រង់បទប្បញ្ញត្តិគតិយុត្តពាក់ព័ន្ធគយនិងរដ្ឋាករកម្ពុជា	ប្រមូលចងក្រងលិខិតបទដ្ឋានគតិយុត្តពាក់ព័ន្ធគយនិងរដ្ឋាករកម្ពុជា រួមមាន បទប្បញ្ញត្តិមូលដ្ឋាន ជាអាទិ៍ គោលការណ៍ធម្មនុញ្ញ បទដ្ឋានទូទៅ ការគ្រប់គ្រងចំណូលគយ ការដោះស្រាយវិវាទ និងទោសប្បញ្ញត្តិ, រចនាសម្ព័ន្ធរដ្ឋបាលគយ, កិច្ចសម្រួលពាណិជ្ជកម្ម, ការនាំចូលនិងការនាំចេញ, ប្រភេទពន្ធនិងអាករ, និងការលើកទឹកចិត្ត ការលើកលែង និងអនុគ្រោះពន្ធគយ។
ឆ្នាំ២០១៨	កម្រងសម្រង់បទប្បញ្ញត្តិគតិយុត្តពាក់ព័ន្ធវិជ្ជាជីវៈគណនេយ្យនិងសវនកម្ម	ប្រមូលចងក្រងលិខិតបទដ្ឋានគតិយុត្តពាក់ព័ន្ធវិជ្ជាជីវៈគណនេយ្យនិងសវនកម្មក្នុងវិស័យឯកជន ដែលបានដាក់ឱ្យអនុវត្តក្នុងក្របខ័ណ្ឌសមត្ថកិច្ច នៃក្រុមប្រឹក្សាជាតិគណនេយ្យ ព្រមទាំងស្រង់ពីអនុវិស័យពន្ធដារ, គយ, ឧស្សាហកម្មហិរញ្ញវត្ថុ និងមូលបត្រ។
ឆ្នាំ២០១៨	កម្រងសម្រង់បទប្បញ្ញត្តិច្បាប់សំខាន់ៗទាក់ទងសមត្ថកិច្ចរបស់ក្រសួងសេដ្ឋកិច្ចនិងហិរញ្ញវត្ថុ	ធ្វើបច្ចុប្បន្នកម្មកម្រងសម្រង់ដែលបានបោះពុម្ពផ្សាយកាលពីឆ្នាំ២០១៣ ដោយប្រមូលផ្តុំច្បាប់ ព្រះរាជក្រឹត្យ និងក្រឹត្យ-ច្បាប់ ព្រមទាំងច្បាប់វិសោធនកម្ម មុនឆ្នាំ២០១៨ ក្នុងដែនសមត្ថកិច្ចរបស់ក្រសួងសេដ្ឋកិច្ចនិងហិរញ្ញវត្ថុ ដែលមាន ៨ វិស័យ គឺបទប្បញ្ញត្តិមូលដ្ឋាន ហិរញ្ញវត្ថុសាធារណៈ ពន្ធដារ គយ ទ្រព្យសម្បត្តិរដ្ឋនិងចំណូលមិនមែនសារពើពន្ធ ឧស្សាហកម្មហិរញ្ញវត្ថុ លទ្ធកម្មសាធារណៈ និងគណនេយ្យ។
ឆ្នាំ២០១៧	កម្រងសម្រង់បទប្បញ្ញត្តិគតិយុត្តពាក់ព័ន្ធហិរញ្ញវត្ថុសាធារណៈ	ប្រមូលចងក្រងលិខិតបទដ្ឋានគតិយុត្តពាក់ព័ន្ធសមត្ថកិច្ចអគ្គនាយកដ្ឋានថវិកា អគ្គនាយកដ្ឋានហិរញ្ញវត្ថុរដ្ឋបាលថ្នាក់ក្រោមជាតិ និង អគ្គនាយកដ្ឋានរតនាគារជាតិ ព្រមទាំងអគ្គនាយកដ្ឋាន និងអង្គភាពពាក់ព័ន្ធដទៃទៀត ក្រោមឱវាទក្រសួងសេដ្ឋកិច្ចនិងហិរញ្ញវត្ថុ និងក្រសួង ស្ថាប័នពាក់ព័ន្ធដទៃទៀត។
ឆ្នាំ២០១៧	កម្រងសម្រង់បទប្បញ្ញត្តិគតិយុត្តពាក់ព័ន្ធទ្រព្យសម្បត្តិរដ្ឋនិងចំណូលមិនមែនសារពើពន្ធ	ប្រមូលចងក្រងលិខិតបទដ្ឋានគតិយុត្តពាក់ព័ន្ធសមត្ថកិច្ចរបស់អគ្គនាយកដ្ឋានទ្រព្យសម្បត្តិរដ្ឋនិងចំណូលមិនមែនសារពើពន្ធ ព្រមទាំងអគ្គនាយកដ្ឋាន និងអង្គភាពពាក់ព័ន្ធដទៃទៀត ក្រោមឱវាទក្រសួងសេដ្ឋកិច្ចនិងហិរញ្ញវត្ថុ និងក្រសួង ស្ថាប័នពាក់ព័ន្ធដទៃទៀត។
ឆ្នាំ២០១៦	កម្រងច្បាប់ខ្មែរពីបុរាណ ភាគ១ និងភាគ២	ជាសក្ខីកម្មបញ្ជាក់អំពីអត្ថិភាពនៃវប្បធម៌ច្បាប់និងយុត្តិធម៌ខ្មែរ ពីបរមបុរាណ រៀងរហូតមកដល់សតវត្សទី១៩ ដែលជាព្រះរាជកេរមរតកវប្បធម៌នីតិសាស្រ្ត ធម្មសាស្រ្ត និងយុត្តិធម៌ របស់អតីតព្រះមហាក្សត្រខ្មែរ ដែលមានជាអាទិ៍ ព្រះបាទ ជ័យជេដ្ឋា, ព្រះបាទហរិរក្សរាមាឥស្សរាធិបតី អង្គ ឌួង និង ព្រះបាទ នរោត្តម នៅមុនពេលដែលប្រព័ន្ធច្បាប់និងយុត្តិធម៌ខ្មែរបានទទួលរងឥទ្ធិពលពីប្រព័ន្ធច្បាប់និងយុត្តិធម៌បារាំង។
ឆ្នាំ២០១៤	កម្រងសម្រង់បទប្បញ្ញត្តិគតិយុត្តពាក់ព័ន្ធវិស័យពន្ធដារ	ប្រមូលចងក្រងលិខិតបទដ្ឋានគតិយុត្តពាក់ព័ន្ធវិស័យពន្ធដារ រួមមានបទប្បញ្ញត្តិមូលដ្ឋាន, វិធាននិងនីតិវិធីសារពើពន្ធ, ពន្ធលើប្រាក់ចំណូល, ពន្ធលើប្រាក់បៀវត្ស, ពន្ធប៉ាតង់, ពន្ធលើមធ្យោបាយដឹកជញ្ជូននិងយានជំនិះគ្រប់ប្រភេទ, ពន្ធប្រថាប់ត្រា, ពន្ធលើអចលនទ្រព្យ, ពន្ធលើដីធ្លីមិនបានប្រើប្រាស់, ពន្ធលើឈ្នួលផ្ទះនិងដី, អាករលើតម្លៃបន្ថែម, អាករពិសេសលើទំនិញនិងសេវាមួយចំនួន, អាករលើផលរបរ, អាករលើការស្នាក់នៅ, អាករបំភ្លឺសាធារណៈ និងតែមប្រិ៍សារពើពន្ធ។
ឆ្នាំ២០១៣	កម្រងសម្រង់បទប្បញ្ញត្តិច្បាប់សំខាន់ៗទាក់ទងសមត្ថកិច្ចរបស់ក្រសួងសេដ្ឋកិច្ចនិងហិរញ្ញវត្ថុ	ប្រមូលចងក្រងច្បាប់ ព្រះរាជក្រឹត្យ និងក្រឹត្យ-ច្បាប់ ព្រមទាំងច្បាប់វិសោធនកម្ម មុនឆ្នាំ២០១៣ ក្នុងដែនសមត្ថកិច្ចរបស់ក្រសួងសេដ្ឋកិច្ចនិងហិរញ្ញវត្ថុ ដែលមាន ៨ វិស័យ គឺច្បាប់មូលដ្ឋាន ហិរញ្ញវត្ថុសាធារណៈ ពន្ធដារ គយ ទ្រព្យសម្បត្តិរដ្ឋ ឧស្សាហកម្មហិរញ្ញវត្ថុ លទ្ធកម្មសាធារណៈ និងគណនេយ្យ។
១.២. មគ្គទេសក៍
ឆ្នាំ២០១៧	មគ្គទេសក៍នីតិកម្ម	ជាឧបករណ៍គន្លឹះមួយ សម្រាប់ជួយលើកកម្ពស់នីត្យានុកូលភាព និងគុណភាព នៃការតាក់តែងលិខិតបទដ្ឋានគតិយុត្ត របស់ក្រសួងសេដ្ឋកិច្ចនិងហិរញ្ញវត្ថុ ព្រមទាំងរួមចំណែកផ្តល់វិភាគទានជាពុទ្ធិផ្នែកនីតិសាស្រ្ត ជូនដល់និស្សិត សាស្រ្តាចារ្យ អ្នកស្រាវជ្រាវ បញ្ញវន្ត និងសាធារណជនផងដែរ។
១.៣. សទ្ទានុក្រម
ឆ្នាំ២០១៥	សទ្ទានុក្រមគតិយុត្តសម្រាប់ក្រសួងសេដ្ឋកិច្ចនិងហិរញ្ញវត្ថុ	ប្រមូលផ្ដុំនិយមន័យ នៃបច្ចេកស័ព្ទគតិយុត្ត ដែលត្រូវបានកំណត់ដោយច្បាប់និងលិខិតបទដ្ឋានគតិយុត្តជាធរមានពាក់ព័ន្ធសមត្ថកិច្ចរបស់ក្រសួងសេដ្ឋកិច្ចនិងហិរញ្ញវត្ថុ អាស្រ័យតាមសមិទ្ធកម្ម នៃ “កម្រងសម្រង់បទប្បញ្ញត្តិគតិយុត្ត”។
ឆ្នាំ២០២១	សទ្ទានុក្រមគតិយុត្តសម្រាប់ក្រសួងសេដ្ឋកិច្ចនិងហិរញ្ញវត្ថុ	ជាសមិទ្ធផលនៃការកែទម្រង់អភិបាលកិច្ចមួយថ្មីទៀត ក្នុងក្របខ័ណ្ឌនៃក្រសួងសេដ្ឋកិច្ចនិងហិរញ្ញវត្ថុ ដោយអាចចាត់ទុកជាឧបករណ៍ការងារនីតិកម្មគន្លឹះ សម្រាប់ជួយសម្រួលដល់ការស្វែងយល់បច្ចេកសព្ទគតិយុត្ត ដែលត្រូវបានកំណត់និយមន័យដោយបទប្បញ្ញត្តិគតិយុត្តជាធរមាន ពាក់ព័ន្ធសមត្ថកិច្ចរបស់ក្រសួងសេដ្ឋកិច្ចនិងហិរញ្ញវត្ថុ និងក៏ចូលរួមចំណែកដោយប្រយោល ដល់ការលើកកម្ពស់កិច្ចអភិរក្សនិងកិច្ចអភិវឌ្ឍភាសានិងអក្សរខ្មែរ។
១.៤. ផ្សេងៗ
ឆ្នាំ២០២២	តួនាទីស្ថាប័ននីតិប្បញ្ញត្តិនិងការិយាល័យថវិកាក្នុងប្រព័ន្ធគ្រប់គ្រងហិរញ្ញវត្ថុសាធារណៈ ៖ របកគំហើញសម្រាប់កម្ពុជា	ឯកសារនេះបានគ្របដណ្ដប់ករណីសិក្សាលើឧត្តមានុវត្តន៍នៅក្នុងប្រទេសចំនួន ៥ ដែលរួមមាន កូរ៉េខាងត្បូង ហ្វីលីពីន អូស្ត្រាលី ថៃ និងបារាំង ដែលពិសោធន៍ និងការអនុវត្តនៅប្រទេសទាំងនោះ ផ្ដល់ជាមូលដ្ឋានត្រិះរិះនិងពិចារណាសម្រាប់កម្ពុជា ក្នុងការរៀបចំយន្តការនិងបទដ្ឋាននានាស្របតាមទិសដៅកែទម្រង់ ដោយត្រូវធ្វើវិចារណកម្មបន្ថែមផ្អែកលើបរិបទនិងសមត្ថកិច្ចបច្ចុប្បន្នរបស់ស្ថាប័ននីតិប្បញ្ញត្តិដែលបានផ្តល់ដោយច្បាប់។
	ទស្សនាទានស្តីពីនីតិសុខដុមនីយកម្មសវនកម្មនិងអធិការកិច្ច	គ្របដណ្ដប់ទៅលើករណីសិក្សាចំនួនប្រាំមួយសំខាន់ៗរួមមានបារាំង អង់គ្លេស កូរ៉េ សឹង្ហបុរី ថៃ និងកម្ពុជាដោយសង្កត់ធ្ងន់ទៅលើរចនាសម្ព័ន្ធស្ថាប័ន កិច្ចដំណើរការ ការអនុវត្តមុខងារភារកិច្ច និងការបែងចែកសមត្ថកិច្ច ជាពិសេសបទពិសោធន៍សុខដុមនីយកម្មរវាងមុខងារសវនកម្មនិងអធិការកិច្ច។ ចំណុចទាំងអស់នេះជាព័ត៌មានអាទិភាពសំខាន់ទីមួយដើម្បីស្វែងយល់ពីក្របខ័ណ្ឌកម្រិតម៉ាក្រូនៃប្រព័ន្ធនីមួយៗ។
	ចក្ខុវិស័យនិងយុទ្ធសាស្ត្រក្រុមប្រឹក្សានីតិកម្ម	ជាកិច្ចការងារគន្លឹះ និងមានសារៈសំខាន់បំផុត របស់អង្គភាពនីមួយៗ ដើម្បីជួយសម្រួលដល់គណៈគ្រប់គ្រងជាអ្នកដឹកនាំ ក្នុងការកំណត់អាទិភាពការងារ ការបែងចែកធនធាន និងការកសាងផែនទីបង្ហាញផ្លូវរបស់អង្គភាព។ ទន្ទឹមនឹងនេះ ក្រុមប្រឹក្សានីតិកម្ម បានរៀបចំនូវស្នាដៃនីតិកម្មថ្មី ២ បន្ថែមទៀត គឺ “មគ្គទេសក៍ស្តីពីការតាក់តែងបទដ្ឋានគតិយុត្ត” និង “មគ្គទេសក៍ស្តីពីការរៀបចំកម្រងសម្រង់បទប្បញ្ញត្តិគតិយុត្ត” ដែលជាឯកសារប្រមូលផ្តុំនូវបទពិសោធន៍ មេរៀន ចំណេះដឹង និងចំណេះធ្វើ ដែលកើតចេញពីការអនុវត្តការងារគន្លឹះៗ ផ្អែកតាមក្របខ័ណ្ឌចក្ខុវិស័យនិងយុទ្ធសាស្រ្តរបស់ខ្លួននាពេលកន្លងមក។ បន្ថែមពីលើនេះ ឯកសារស្តីពី “ប្រព័ន្ធគ្រប់គ្រងផ្អែកលើសមិទ្ធកម្ម នៃលេខាធិការដ្ឋានក្រុមប្រឹក្សានីតិកម្ម” ត្រូវបានរៀបចំឡើងទន្ទឹមគ្នា ដើម្បីជាឧបករណ៍គាំទ្រការបង្កើនប្រសិទ្ធភាព ស័ក្តិសិទ្ធិភាព និងគណនេយ្យភាព នៃការបំពេញការងាររបស់ថ្នាក់ដឹកនាំនិងមន្រ្តីនៃលេខាធិការដ្ឋានក្រុមប្រឹក្សានីតិកម្ម។

២. ឧបករណ៍ការងារនីតិកម្ម ដែលរៀបចំជាកម្មវិធីបច្ចេកវិទ្យាព័ត៌មាន (Application)



សូមស្កេនដើម្បីចូលដោនឡូតនិងប្រើប្រាស់កម្មវិធីបច្ចេកវិទ្យាព័ត៌មាន

ទំនាក់ទំនង

អាសយដ្ឋាន៖ ផ្លូវលេខ៩២ សង្កាត់វត្តភ្នំ ខណ្ឌដូនពេញ រាជធានីភ្នំពេញ
លេខទូរសព្ទ័៖ (+855) 97 25 28 358
អ៊ីម៉ែល៖ legalcouncilmef@gmail.com
តេឡេក្រាម៖ https://t.me/lcmef
ហ្វេសប៊ុក៖ https://www.facebook.com/LegalCouncilMEF
គេហទំព័រ៖ https://www.legalcouncilmef.com/km

ឯកសារយោង

ការរៀបចំនិងការប្រព្រឹត្តទៅនៃក្រុមប្រឹក្សានីតិកម្ម

@@ បន្ទាត់ទី៣៦៖ / បន្ទាត់ទី៣៦៖ @@
 * សម្របសម្រួលយន្តការអន្តរក្រសួង ស្ថាប័ន ពាក់ព័ន្ធការងាររៀបចំតាក់តែងសេចក្តីព្រាងច្បាប់និងលិខិតបទដ្ឋានគតិយុត្ត។
-== សមាសភាព ==
+== សមាសភាព និងរចនាសម្ព័ន្ធ ==
 '''ក្រុមប្រឹក្សានីតិកម្ម នៃក្រសួងសេដ្ឋកិច្ចនិងហិរញ្ញវត្ថុ មានសមាសភាព ដូចខាងក្រោម៖'''
@@ បន្ទាត់ទី៤៧៖ / បន្ទាត់ទី៤៧៖ @@
 * អគ្គាធិការនៃអគ្គាធិការដ្ឋាន ក្រសួងសេដ្ឋកិច្ចនិងហិរញ្ញវត្ថុ '''សមាជិក'''
 * ប្រធានលេខាធិការដ្ឋានក្រុមប្រឹក្សានីតិកម្ម '''សមាជិកអចិន្រ្តៃយ៍។'''
 '''ថ្នាក់ដឹកនាំ នៃក្រុមប្រឹក្សានីតិកម្ម មានសមាសភាពដូចខាងក្រោម៖'''