ពុទ្ធសករាជ
- ពុទ្ធសករាជ គឺត្រូវបានរាប់ចាប់តាំងពីព្រះពុទ្ធជាម្ចាស់ទ្រង់ចូលបរិនិព្វានបានមួយថ្ងៃគឺមួយថ្ងៃក្រោយថ្ងៃពេញបរណ៌មី ខែវិសាខគឹថ្ងៃ១រោចខែពិសាខ។ ការរាប់ពុទ្ធសករាជរបស់សៀម មិនដូចស្រីលង្កា ឬខ្មែរយើងទេ គឺគេរាប់មួយឆ្នាំក្រោយព្រះពុទ្ធបរិនិព្វាន តែបើតាមសង្កេតឃើញថា សៀមរាប់ក្រោយមួយឆ្នាំហើយថែមទាំងមិនរាប់ក្រោយមួយថ្ងៃនៃថ្ងៃពេញបុណ្ណមីខែវិសាខទៀតផង គឺសៀមពុទ្ធសករាជ ឡើងនៅថ្ងៃទី១នៃគស។
ពុទ្ធសករាជ និង បុណ្យចូលឆ្នាំខ្មែរ
[កែប្រែ]- មានប្រជាពលរដ្ឋខ្មែរយើងជាច្រើន បានយល់ច្រឡំរាប់ពុទ្ធសករាជភ្ជាប់ទៅនឹងពិធីបុណ្យចូលឆ្នាំថ្មីប្រពៃណីខ្មែរ។ នេះគឺជាការភាន់ច្រឡំមួយ ដែលយើងមិនត្រូវឲ្យមានតទៅទៀត។ នេះប្រហែលជាបណ្ដាលមកអំពី យើងមិនបានដឹងច្បាស់ទេថា ពិធីបុណ្យចូលឆ្នាំខែ្មរ គេបានប្រារព្ធចាប់តាំងពីពេលណាមក ហើយរាប់ចាប់ពីពេលណាមក ទើបបានជាធ្វើឲ្យយើងមានការភាន់ច្រឡំយ៉ាងដូច្នេះ។
- តែការរាប់នេះ វាបានក្លាយទៅជាទំនៀមទំលាប់ជាយូរមកហើយ ព្រោះរាល់ពេលបុណ្យចូលឆ្នាំម្តងៗ គឺគេតែងនាំគ្នារាប់ថ្ងៃចូលឆ្នាំថ្មីថែមមួយឆ្នាំមុនពេលថ្ងៃវិសាខបូជាមកដល់ដែលចន្លោះពីខែមេសា ឬខែឧសភាជារៀងរាល់ឆ្នាំ។ ជាឧទាហរណ៍ ឆ្នាំវក អដ្ឋស័ក ពុទ្ធសករាជ ២៥៦០ គ្រិស្តសករាជ ២០១៦ នៅពេលដល់ឆ្នាំរកា គឺឆ្នាំរកា នព្វស័ក ពុទ្ធសករាជ ២៥៦១ គ្រិស្តសករាជ ២០១៧ ។ ក្នុងនោះយើងឃើញគ្រប់ក្រសួង មន្ទីរ ទីស្តីការគណៈរដ្ឋមន្ត្រី បណ្តាសហគ្រាស ស្ថាប័នឯកជន ជាច្រើន បានដាក់ស្លាកសញ្ញាតាមឆ្នាំខាងលើនេះ នៅតាមវត្តអារាម សាលារៀន និងកន្លែងសាធារណៈជាច្រើននៅទូទាំងប្រទេស ដែលប្លែកពីប្រទេសថៃ ដែលគេដាក់ថា ឆ្នាំរកា ព.ស ២៥៦០ ឯខ្មែរយើងដាក់ថា ឆ្នាំរកា ព.ស ២៥៦១។