ម្រាមដប់

ពីវិគីភីឌា

ម្រាមដប់បង្គំព្រះត្រៃលក្ខណ៍

ពន្លឺតេជៈប្រស់សិរី

ម្រាមដប់ង្គំអោនសិរសី

ជូនពុកម៉ែថ្លៃលោកមានគុណ។

ម្រាមដប់ធ្វើការចិញ្ចឹមខ្លួន

ស្រែចំការផ្ទួនមិនខ្ជិលស៊ុន

ម្រាមដប់ដាំដុះពុំទំរន់

ទោះការងារធ្ងន់មិនត្អូញត្អែរ។

ម្រាមដៃសរសេរកាន់សៀវភៅ

ប៉ាកាទឹកខ្មៅចារហូហែ

អក្សាសាស្រ្តាភាសាខ្មែរ

ឧិហាតថែមទ្វេសព្វវិជ្ជា។

ម្រាមដប់មិនព្រមលើកសុំទាន

ទោះក្រអត់ឃ្លានក្តៅរងា

ម្រាមស៊ូធ្វើការមិនរួញរា

ចិញ្ចឹមអង្គាដោយប្រាជ្ញអង្គ។

ម្រាមដប់មិនទះតប់ប្រតាយ

មិនផ្តល់ក្រហាយដល់ញាតិផង

ម្រាមដប់សុចរិតឥតសៅហ្មង

លើកប្រណម្យហោងជាគម្រូ!!


ដោយអ្នកស្រី កែវ ច័ន្ទបូរណ៍