រមណីយដ្ឋាននគរភ្នំ

ទីតាំង

រមណីយដ្ឋាននគរភ្នំមានទីតាំងស្ថិតនៅក្នុងភូមិរោងដំរី ឃុំជើងភ្នំ ស្រុកបាភ្នំ ខេត្តព្រៃវែង។ ដើមឡើយទីតាំងរមណីយដ្ឋាននេះគឺជារាជធានីទីពីរនៃអាណាចក្រខ្មែរថាវ្យាធបុរៈ ដែលមានន័យថាក្រុងប្រមាញ់។ បើភ្ញៀវទេសចរធ្វើដំណើរពីរាជធានីភ្នំពេញតាមផ្លូវជាតិលេខ១ ឆ្លងកាត់ស្ពានអ្នកលឿងបន្តដំណើរប្រហែល១១គីឡូម៉ែត្រដល់ភូមិកំពង់សឹង្ហបត់ឆ្វេងតាមផ្លូវកៅស៊ូមានចម្ងាយប្រមាណ ៧គីឡូម៉ែត្រយើងនឹងដល់រមណីយដ្ឋាន។ បើភ្ញៀវទេសចរធ្វើដំណើរពីទីរួមខេត្តព្រៃវែងមានចម្ងាយ៣៥គីឡូម៉ែត្រតាមផ្លូវលេខ១១។