សហគមន៍ទេសចរណ៍ធម្មជាតិកំពង់ឃ្លាំង

សហគមន៍ទេសចរណ៍ធម្មជាតិកំពង់ឃ្លាំងត្រូវបានបង្កើតឡើងក្នុងឆ្នាំ២០១៦ ក្រោមការជ្រោមជ្រែងពីអាជ្ញាធរមូលដ្ឋាន និងមន្ទីរ អង្គភាពជំនាញក្នុងគោលដៅធ្វើឱ្យប្រសើរឡើងនូវជីវភាពរស់នៅរបស់ប្រជាជននៅក្នុងសហគមន៍ តាមរយៈការអភិវឌ្ឍវិស័យទេសចរណ៍ប្រកបដោយនិរន្តរភាព និងមានការទទួលខុសត្រូវខ្ពស់។ សហកមន៍មានទីតាំងស្ថិតនៅក្នុងឃុំកំពង់ឃ្លាំង ស្រុកសូត្រនិគម ខេត្តសៀមរាប មានចម្ងាយប្រមាណ ៥២គីឡូម៉ែត្រពីទីរួមខេត្តសៀមរាប។

ផលិតផលទេសចរណ៍

សហគមន៍ទេសចរណ៍ធម្មជាតិកំពង់ឃ្លាំងមានផលិតផលទេសចរណ៍ដូចជា៖

• សេវាកម្មកាណូតដឹកជញ្ជូនភ្ញៀវទេសចរកម្សាន្ត
• សេវាកម្មទូកអុំកម្សាន្តនៅក្នុងភូមិ និងព្រៃលិចទឹក
• សេវាកម្មផ្ទះស្នាក់រួមទាំងម្ហូងអាហារ និងភេសជ្ជៈ

ភាពទាក់ទាញ

• ទស្សនាជីវភាពរស់នៅប្រចាំថ្ងៃរបស់ប្រជាជននៅតាមមាត់បឹងទន្លេសាប
• ទស្សនាផ្ទះសង់ខ្ពស់ៗពីលើផ្ទៃទឹក និងទស្សនាភូមិបណ្តែតទឹក
• អុំទូកទស្សនាភូមិ ទស្សនាព្រៃលិចទឹក និងផ្តិតយករូបភាពស្អាតៗ
• ទស្សនាផ្ទៃបឹងទន្លេសាបដ៏ធំល្វង់ល្វើយរួមជាមួយទិដ្ឋភាពថ្ងៃរៀបលិចដ៏ស្រស់ស្អាតនៅលើផ្ទៃបឹង។ល។