សហគមន៍ទេសចរណ៍ធម្មជាតិកំពង់ភ្លុក

ការបង្កើតសហគមន៍

សហគមន៍ទេសចរណ៍ធម្មជាតិកំពង់ភ្លុកបង្កើតឡើងនៅថ្ងៃទី២០ ខែសីហា ឆ្នាំ២០១៣ ក្នុងគោលបំណងគាំទ្រដល់ស្រី្តក្នុងភូមិ ដើម្បីលើកកម្ពស់ជីវភាពដោយផ្តល់ឱ្យពួកគាត់មានមុខរបរថ្មីគឺការអុំទូកដឹកភ្ញៀវទេសចរ ទស្សនាសត្វព្រៃ និងព្រៃលេចទឹក ដែលមានការកើនឡើង និងមានការថែរក្សាតាំងពីឆ្នាំ១៩៣១។ សហគមន៍នេះមានទីតាំងនៅក្នុងភូមិចំនួន៣ដូចជា ភូមិគោកក្តុល ភូមិដីក្រហម និងភូមិត្នោតកំបុត ក្នុងស្រុកប្រាសាទបាគង នៃខេត្តសៀមរាប។ សេវាកម្មនៅក្នុងសហគមន៍មានដូចជា៖

• ការទស្សនាផ្ទះអ្នកភូមិ
• ទស្សនាវត្តកំពង់ភ្កុក
• ទស្សនាសាលារៀន
• ទស្សនាការធ្វើបង្គាក្រៀម និងត្រីឆ្អើរ
• ទស្សនាការនេសាទ
• បរិភោគអាហារនៅអាហារដ្ឋានបណ្តែតទឹក
• ជីះទូកទស្សនាព្រៃកិចទឹក និងជីវិតសត្វ
• ទស្សនាថ្ងៃលិចនៅលើបឹងទន្លេសាប។