សហគមន៍អេកូទេសចរណ៍តាតៃក្រោម

ទឹកធ្លាក់តាឥសី ឬទឹកធ្លាក់តាតៃមានទីតាំងស្ថិតក្នុងភូមិអន្លង់វ៉ាក់ ឃុំតាតៃក្រោម ស្រុកកោះកុង មានចម្ងាយប្រមាណ ១៧គីឡូម៉ែត្រពីក្រុងខេមរភូមិន្ទ។ ភ្ញៀវទេសចរអាចទៅទស្សនាកម្សាន្តតំបន់នោះបានដោយតាមផ្លូវគោកតាមផ្លូវជាតិលេខ ៤៨ រួចធ្វើដំណើរតាមផ្លូវលំក្រួសក្រហម ឬអាចធ្វើដំណើរតាមផ្លូវទឹកទៅសហគមន៍ ដែលមានទីតាំងស្ថិតនៅក្បែរគល់ស្ពានតាតៃដោយជិះទូកសហគមន៍ទៅកាន់ទឹកធ្លាក់នេះ។