សាកលវិទ្យាល័យវិទ្យាសាស្ត្រសុខាភិបាល

សាកលវិទ្យាល័យវិទ្យាសាស្រ្តសុខាភិបាល
University of Health Sciences
ស.វ.ស
ប្រភេទ	សាកលវិទ្យាល័យរដ្ឋ
សាកលវិទ្យាធិការ	ឯកឧត្តមសាស្រ្តាចារ្យ សាផុន វឌ្ឍន: ទីប្រឹក្សាក្រសួងសុខាភិបាល និងជាសាកលវិទ្យាធិការនៃស.វ.ស. (ពីឆ្នាំ ២០១២-បច្ចុប្បន្ន)
ថ្នាក់បរិញ្ញាបត្រ	BMedSc,BDentSc, BPharm, BNurs, BMidW, BPH, BSc, Professional Diplomas, Associate degrees.
ថ្នាក់អនុបណ្ឌិត	MD, DDS, PharmD, MPH, MSc
ថ្នាក់បណ្ឌិត	MD-DES.
ទីតាំង	ភ្នំពេញ, កម្ពុជា
Affiliations	ក្រសួងសុខាភិបាល; ក្រសួងអប់រំ យុវជន និង កីឡា
វិបសាយ	[២]

សាកលវិទ្យាល័យ​វិទ្យា​សាស្ត្រ​សុខាភិបាល(ស.វ.ស) ហៅ​ក្រៅថា​សាលា​ក្រហម ជាភាសាអង់គ្លេស University of Health Sciences (U.H.S) និង ជា​ភាសា​បារាំង Université Des Sciences De La Santé (U.S.S)។ សាកលវិទ្យាល័យ​វិទ្យាសាស្ត្រសុខាភិបាល ជា​គ្រឹះស្ថាន​ឧត្ដមសិក្សា​ផ្នែក​សុខាភិបាលដែល​​មានវ័យចំណាស់​មួយ​។ សាកលវិទ្យាល័យ​នេះដូច​ជា​សាកលវិទ្យាល័យ​មួយ​ចំនួន​ដែល​កើ​ត​ឡើង​ដំណាល​គ្នា​ដែរ​ គឺ​បាន​ប្ដូរ​ឈ្មោះច្រើន​ដង​ហើយត្រូវ​អាក់ខានដំណើរ​ការ​នាសម័យ​កម្ពុជា​ប្រជាធិបតេយ្យ។ ឆ្នាំសិក្សា​ថ្មីនេះ គឺ​ជា​ជំនាន់​ទី​៤២នៃ​សាកលវិទ្យាល័យ។

ប្រវត្តិ

សាកលវិទ្យាល័យ​វិទ្យាសាស្ត្រ​សុខាភិបាល បង្កើត​ឡើង​នៅខែ​មិថុនា ឆ្នាំ ១៩៤៦ ។ កាល​បង្កើតឡើង​ដំបូង សាកលវិទ្យាល័យ​នេះ​ឈ្មោះ សាលាមន្ត្រីវិទ្យាពេទ្យ។ គ្រឹះស្ថាន​នេះប្ដូរឈ្មោះច្រើន​ដង៖

• ១៩៥៣៖ សាលាភូមិន្ទវិទ្យា​ពេទ្យ កម្ពុជា
• ១៩៦២៖​ មហាវិទ្យាល័យវេជ្ជសាស្រ្ត និងឱសថសាស្រ្ត
• ១៩៧១៖ មហាវិទ្យាល័យអមវេជ្ជសាស្រ្ត (បន្ថែម​ ផ្នែកទន្តសាស្ត្រឆ្នាំនេះដែរ)
• ១៩៨០៖ មហាវិទ្យាល័យវេជ្ជសាស្រ្ត ឱសថសាស្រ្ត និង ទន្តសាស្រ្ត
• ១៩៩៧៖ សាកលវិទ្យាល័យ​វិទ្យាសាស្ត្រ សុខាភិបាល

កាលពីឆ្នាំ ១៩៦៧ មហាវិទ្យាល័យឱសថសាស្ត្រ​បាន​ផ្លាស់​ប្ដូរ​ទីតាំងទៅក្នុង​បរិវេណ សាកលវិទ្យា​ល័យភ្នំពេញ។

មហាវិទ្យាល័យ​ និង ស្ថាប័ន​រង​ផ្សេងៗ

សាកលវិទ្យាល័យវិទ្យាសាស្ត្រសុខាភិ​បាល ចែក​ចេញជា​ស្ថាប័ន​រងដូចជា៖

• ថ្នាក់​ឆ្នាំសិក្សាមូលដ្ឋាន​
• មហាវិទ្យាល័យ​ វេជ្ជសាស្ត្រ
• មហាវិទ្យាល័យ ឱសថសាស្ត្រ
• មហាវិទ្យាល័យ ទន្តវទនសាស្ត្រ
• សាលាបច្ចេកទេសថែទាំវេជ្ជសាស្ត្រ
• មជ្ឍមណ្ឌល អភិវឌ្ឍន៍អប់រំវិជ្ជាជីវៈ​សុខាភិបាល