សំពត់ចងក្បិនមានពីពេលណាមក ?
បើនិយាយឲ្យចំថា ការស្លៀកសំពត់ចងក្បិនជាប្រពៃណីរបស់ឥណ្ឌាខាងត្បូង ដែលគេនាំចូលមកពីអតីត
អាណាចក្រខ្មែរ (នគរភ្នំ ឬ ហ្វូណន) ជាលើកដំបូងបំផុត ដោយព្រះបាទ កៅណ្ឌិន្យ ។ ចាប់តាំងពីពេលនោះមក ជនជាតិ
ខ្មែរទាំងពីរភេទបាននិយមស្លៀកក្បិនតៗគ្នារហូតមកទល់បច្ចុប្បន្ន ។ នៅពាក់កណ្តាលសតវត្សរ៍ទី ១៣ ជនជាតិថៃ-ឡាវ
ក៏បានខ្ចីពីខ្មែរនូវទំនៀមទម្លាប់ការស្លៀកក្បិននេះ ព្រោះគេចាត់ទុកថាការស្លៀកក្បិននាំដល់ប្រពៃណីថ្លៃថ្នូរ សម្រាប់
ការចូលរួមពិធីការផ្សេងៗ និងរួមទាំងការប្រើប្រាស់ របស់មន្ត្រីព្រះបរមរាជវាំងទៀតផង ។ ក្នុងន័យនេះហើយដែល
ថៃ-ឡាវបានប្រើពាក់"ចងក្បិន" ដូចខ្មែរដែរ ។ ភស្តុតាងទាំងនេះ ដែលបង្ហាញនូវអានុភាពនៃវប្បធម៌ខ្មែរយ៉ាងច្បាស់លាស់
។លោកបណ្ឌិតបានបន្តឲ្យដឹងថា កុលសម្ព័ន្ធខ្មែរ-មន, ខ្មែរព្រៃភ្នំ ឬ ក៏សហគមន៍ខ្មែរលើ ពុំមានប្រពៃណីប្រើសំពត់ក្បិនទេ
ហេតុនេះយើងពុំអាចនិយាយថា ក្បិនកើតចេញពីខឿនវប្បធម៌បុរេប្រវត្តិបានឡើយ ។ នៅក្នុងឯកសារជាច្រើនបានបញ្ជាក់
ឲ្យដឹងថា សំពត់ក្បិនមានអាយុកាលចាស់ជាងគេ គឺសម័យកាលព្រះបាទ កៅ ណ្ឌិន្យ និងពួកព្រាហ្មរួមទាំងអ្នកជំនួញ
ឥណ្ឌា ដែលបានចូលមកក្នុងប្រទេសខ្មែរជាលើកដំបូង នាសតវត្សរ៍ទី ១ ម្ល៉េះ ។ យើងអាចពិនិត្យមើលថា សភាពការណ៍
បច្ចុប្បន្ននៅប្រទេសឥណ្ឌាខាងត្បូង ដែលមានជនជាតិតាមិល(Tamil) រស់នៅ គេបន្តប្រពៃណីស្លៀកក្បិនរហូតមកដូចខ្មែរ
ដែរ ។ ការហូរចូលវប្បធម៌ឥណ្ឌាមកប្រទេសកម្ពុជាពីដំបូងនេះ ហើយដែលជាកត្តាឆ្លុះបញ្ចាំងឲ្យដឹងបានថា វប្បធម៌
ចំណាស់នៃការស្លៀកក្បិននេះ គឺជារបស់ជនជាតិខ្មែរក្នុងព្រះរាជាណាចក្រកម្ពុជានេះឯង ។ លោកបណ្ឌិតមីសែលបាន
រំលឹកឲ្យដឹងថា តាមចម្លាក់បុរាណ បានបង្ហាញថា ខ្មែរនិយមស្លៀកក្បិនចាប់តាំងពីសម័យនគរភ្នំនាសតវត្សរ៍ទី១ ដល់ ទី៦
នៃគ្រិស្គសករាជមកម្ល៉េះ ។ ចម្លាក់បានបង្ហាញថា ទាំងទេវតា ទាំងមនុស្សដែលមានត្រកូលខ្ពង់ខ្ពស់គេនិយមសំពត់ក្បិន
នេះណាស់ ។ឯមូលហេតុដែលថានៅលើប្រាសាទអង្គរវត្តពុំមានចម្លាក់មនុស្សស្លៀកក្បិនព្រោះប្រាសាទនេះ ពុំទាក់ទិន
នឹងជីវភាពប្រចាំថ្ងៃ និងជំនឿសាសនាទេ ។តែដោយឡែក នៅលើចម្លាក់"ភ្នំដា" នាសម័យនគរភ្នំ គឺមានព្រះនារាយណ៍
និងព្រះរាម ស្លៀកក្បិន ។ អាទិទេពស្លៀកក្បិនព្រោះត្រកូលនេះកើតចេញពីពួកព្រាហ្ម ៕
[[ចំណាត់ថ្នាក់ក្រុម:]] វប្បធ៏មខ្មែរ