ស៊ីប៉ា (អង្គការ)
ស៊ីប៉ា ជាអង្គការអន្តរជាតិមិនរកប្រាក់កម្រៃមួយ ដែលចាប់កកើតឡើងនៅឆ្នាំ១៩៨២ ក្នុងជំរុំជនភៀសខ្លួននៅប្រទេសថៃ។ អង្គការនេះបានចូលមកក្នុងប្រទេសកម្ពុជានៅឆ្នាំ១៩៩១ ហើយដើរតួជាអង្គការមួយដែលបានជួយផ្ដល់កំណើតការបណ្ដុះបណ្ដាលជាថ្មីដល់ប្រទេសកម្ពុជា ក្រោយពេលចប់សង្គ្រាមស៊ីវិល និងរបបប្រល័យពូជសាសន៍។ ដោយសារកង្វះខាតសៀវភៅ ឯកសារ សម្រាប់កុមារនៅតាមជនបទ ស៊ីប៉ា បានផ្ដោតគោលដៅសម្រាប់តំបន់ជនបទទាំងនោះ។[១]
បេសកកម្ម និង សកម្មភាព
[កែប្រែ]ស៊ីប៉ា មានគោលបំណងឲ្យកុមារ និងយុវជនទាំងអស់ទទួលបានការអប់រំប្រកបដោយគុណភាព ដើម្បីលុបបំបាត់អនក្ខរភាព និងបណ្ដុះទម្លាប់អានសៀវភៅដល់ពួកគេ។ ដូច្នេះហើយ ដើម្បីសម្រេចបេសកកម្មបណ្ដុះការអាននេះ ស៊ីប៉ា បានធ្វើសកម្មភាពចំនួនបួន។[២]
បណ្ណាល័យតាមសាលារៀន
[កែប្រែ]ដោយមានកិច្ចសហការពីរដ្ឋាភិបាល និងអាជ្ញាធរមូលដ្ឋាន ស៊ីប៉ា បានបង្កើតបណ្ណាល័យតាមសាលារៀនចំនួន ២២៤ កន្លែងនៅទូទាំងប្រទេសកម្ពុជា គិតចាប់ពីឆ្នាំ ១៩៩៣ មកម្ល៉េះ។ ស៊ីប៉ា ក៏បានបណ្ដុះបណ្ដាលដល់បណ្ណារក្សជាបន្តបន្ទាប់តាមផែនការរបស់ខ្លួន។
មណ្ឌលអប់រំសម្រាប់ទាំងអស់គ្នា
[កែប្រែ]អង្គការ ស៊ីប៉ា បានបង្កើតមណ្ឌលអប់រំសម្រាប់ទាំងអស់គ្នា ចំនួន ៤៣ កន្លែងនៅក្នុងភូមិឆ្ងាយៗ មន្ទីរពេទ្យ និង មណ្ឌលកែប្រែ (ពន្ធនាគារ) ដើម្បីឲ្យមនុស្សទាំងចាស់ ទាំងក្មេងបានអានសៀវភៅ និងឯកសារផ្សេងៗទៀតដើម្បីស្រាវជ្រាវ។ ក្រៅអំពីការបង្កើតមណ្ឌលនៅតាមកន្លែងទាំងនោះ ស៊ីប៉ា បានបង្កើតរថយន្តបណ្ណាល័យចល័តចំនួន ៨ គ្រឿងដើម្បីចុះទៅក្នុងភូមិស្រុកតាមជាយក្រុងភ្នំពេញ និងខេត្តនានាដែលនៅជិតទីក្រុង។
កម្មវិធីបោះពុម្ពផ្សាយ
[កែប្រែ]នៅឆ្នាំ២០០០ អង្គការបានបង្កើតកម្មវិធីបោះពុម្ពផ្សាយសៀវភៅជាច្រើនប្រភេទដើម្បីឲ្យកុមារបានអាន និងក្រេបចំណេះដឹងពីសៀវភៅទាំងនោះ។
កម្មវិធីជួយសហគមន៍ក្រីក្រ
[កែប្រែ]ដើម្បីអភិវឌ្ឍការបណ្ដុះបណ្ដាលសល់សហគមន៍ក្រីក្រ ស៊ីប៉ា បានចុះជួយពង្រឹងសមត្ថភាពដល់ក្រុមប្រឹក្សាឃុំដើម្បីរៀបចំ និងអនុវត្តគម្រោងអភិវឌ្ឍនោះឲ្យសមស្របតាមតម្រូវការនិងធនធាននៅមូលដ្ឋាន ដោយទំនាក់ទំនងទៅនឹងអ្នកផ្តល់សេវាក្នុងតំបន់ និងទូទាំងប្រទេស។
ចំណាំ
[កែប្រែ]- ↑ 'Who we are': http://www.sipar.org/index.php?tg=articles&topics=60 Archived 2013-12-13 at the វេយប៊ែខ ម៉ាស៊ីន.
- ↑ 'ស៊ីប៉ា': http://www.sipar-books.com/index.php?option=com_content&view=article&id=48&Itemid=29&lang=kh[តំណភ្ជាប់ខូច]