អគ្គនាយកដ្ឋានគយនិងរដ្ឋាករកម្ពុជា

អគ្គនាយកដ្ឋានគយនិងរដ្ឋាករកម្ពុជាជាអង្គភាពពាក់កណ្តាលប្រដាប់អាវុធដែលស្ថិតនៅក្រោមក្រសួងសេដ្ឋកិច្ចនិងហិរញ្ញវត្ថុ។

បញ្ជីឈ្មោះនាយករដ្ឋបាលគយនិងរដ្ឋាករកម្ពុជា (១៩៥‍១ ដល់ បច្ចុប្បន្ន)

រដ្ឋបាលគយនិងរដ្ឋាករកម្ពុជា ដែលពីមុនត្រូវបានគេស្គាល់ថាជាទីចាត់ការគយនិងរដ្ឋាករ ត្រូវបានបង្កើតឡើងក្នុងសម័យសង្គមរាស្រ្តនិយមដោយព្រះរាជក្រមលេខ ៦៦១ ន.ស. ចុះថ្ងៃទី២៩ ខែមិថុនា ឆ្នាំ១៩៥១។ មុនឆ្នាំ១៩៧៥ ស្ថាប័ននេះត្រូវបានគ្រប់គ្រងដោយនាយកម្នាក់ៗដែលមានអណត្តិពីរឆ្នាំ ហើយនាយកត្រូវបានតែងតាំងដោយរាជរដ្ឋាភិបាល។ ខាងក្រោមនេះ ជាឈ្មោះរបស់បុគ្គលដែលបានគ្រប់គ្រងរដ្ឋបាលគយគិតត្រឹមឆ្នាំ១៩៧៥ ៖

លេខរៀង	ឈ្មោះអ្នកគ្រប់គ្រង	អតីតភាពការងារ	រយៈពេលបម្រើការងារ
១	លោក Ea Sichau	និស្សិតផ្នែកពាណិជ្ជកម្មមកពីប្រទេសបារាំង	១៩៥២ ដល់ ១៩៥៤
២	លោក Keo Mongkry	និស្សិតផ្នែកពាណិជ្ជកម្មមកពីប្រទេសបារាំង	១៩៥៤ ដល់ ១៩៥៦
៣	លោក Uch Samsem	អធិការគយ	១៩៥៦ ដល់ ១៩៥៨
៤	លោក Koch San	អធិការគយ	១៩៥៨ ដល់ ១៩៦០
៥	លោក Nhiek Nou	មន្ត្រីព្រះបរមរាជវាំង	១៩៦០ ដល់ ១៩៦២
៦	លោក Chum Yem	មន្រ្តីព្រះបរមរាជវាំង	១៩៦២ ដល់ ១៩៦៣
៧	លោក Chin Renne	អធិការគយ	១៩៦៣ ដល់ ១៩៦៤
៨	លោក Chum Yem	អធិការគយ	១៩៦៤ ដល់ ១៩៦៦
៩	លោក Hou Hong	មន្រ្តីព្រះបរមរាជវាំង	១៩៦៦ ដល់ ១៩៦៨
១០	លោក Chum Yem	អធិការគយ	១៩៦៨ ដល់ ១៩៧០
១១	លោក Sau Kham Khoy	អធិការគយ	១៩៧០ ដល់ ១៩៧២
១២	លោក Chum Yem	អធិការគយ	១៩៧២ ដល់ ១៩៧៤
១៣	លោក Kim Son	នាយកផ្នែកសាធារណការ	១៩៧៤ ដល់ ១៩៧៥
១៤	លោក Kong Savin	អធិការគយ	១៩៧៥ ដល់ ១៩៧៥

ដំណើរការរបស់អង្គភាពគយនិងរដ្ឋាករត្រូវបានផ្អាកក្នុងអំឡុងឆ្នាំ១៩៧៥ ដល់ ១៩៧៩ ដែលជារបបខ្មែរក្រហម។ អង្គភាពនេះចាប់ផ្តើមដំណើរការឡើងវិញចាប់ពីថ្ងៃទី១៣ ខែសីហា ឆ្នាំ១៩៧៩ ដោយស្ថិតនៅក្រោមការគ្រប់គ្រងរបស់ក្រសួងពាណិជ្ជកម្ម ប៉ុន្តែត្រូវបានផ្ទេរមកនៅក្រោមការគ្រប់គ្រងរបស់ក្រសួងហិរញ្ញវត្ថុដោយអនុក្រឹត្រលេខ ០៦ អ.ន.ក្រ ចុះថ្ងៃទី១១ ខែមីនា ឆ្នាំ១៩៨៨។

ចាប់តាំពីឆ្នាំ១៩៧៩ មក រដ្ឋបាលគយនិងរដ្ឋាករកម្ពុជាត្រូវបានដឹកនាំដោយបុគ្គលដូចខាងក្រោម៖

លេខរៀង	ឈ្មោះអ្នកគ្រប់គ្រង	អតីតភាពការងារ	រយៈពេលបម្រើការងារ
១	លោក Sar Ho		១៩៧៩ ដល់ ១៩៩៧
២	លោក In Saroeung	អនុរដ្ឋមន្រ្តីក្រសួងហិរញ្ញវត្ថុនៃរបបសាធារណរដ្ឋ	១៩៩៧ ដល់ ១៩៩៨
៣	ឯ.ឧ បណ្ឌិត Pen Siman	រដ្ឋលេខាធិការក្រសួងពាណិជ្ជកម្ម	១៩៩៨ ដល់ ២០១៤
៤	ឯ.ឧ បណ្ឌិត គុណ ញឹម	អគ្គនាយករង នៃអគ្គនាយកដ្ឋានគយនិងរដ្ឋាករកម្ពុជា	២០១៤ ដល់ បច្ចុប្បន្ន

សមាជិកអង្គការគយពិភពលោក

អគ្គនាយកដ្ឋានគយនិងរដ្ឋាករកម្ពុជាបានក្លាយជាសមាជិកទី១៥៥ របស់អង្គការគយពិភពលោកនៅខែមិថុនា ឆ្នាំ២០០១ ដែលត្រូវជាថ្ងៃប្រារពខួបលើកទី៥០ នៃការចាប់កំណើតរបស់អង្គការនេះ។