អានិសង្សសីល
អានិសង្សសីលដទៃទៀត
[កែប្រែ]អានិសង្សរបស់សីល៥ប្រការផ្សេងទៀតគឺៈ
ភោគសម្បត្តិច្រើន
[កែប្រែ]- ១- សីលវា សីលសម្បន្នោ អប្បមាទាធិករណំ មហន្តំ ភោគក្ខន្ធំ អធិគច្ឆតិ
- "បុគ្គលអ្នកមានសីល មានសីលបរិបូណ៌ រមែងបាននូវគំនរភោគសម្បត្តិដ៏ច្រើន ដែលមានសេចក្តីមិនប្រមាទជាហេតុ" ។
កល្យាណកិត្តិស័ព្ទ
[កែប្រែ]- ២- សីលវតោ សីលសម្បន្នស្ស កល្យាណោ កិត្តិសទ្ទោ អព្ភុគ្គច្ឆតិ
"កិត្តិសព្ទដ៏ពីរោះរបស់បុគ្គលមានសីល បរិបូណ៌ដោយសីល តែងផ្សាយទៅសព្វទិស" ។
ក្លៀវក្លាមិនអៀនអន់
[កែប្រែ]- ៣- សីលវា សីលសម្បន្នោ យំ យទេវ បរិសំ ឧបសង្កមតិ យទិ ខត្តិយបរិសំ យទិ ព្រាហ្មណបរិសំ យទិ គហបតិបរិសំ យទិ សមណបរិសំ វិសារទោ ឧបសង្កមតិ អមង្កុភូតោ
"បុគ្គលមានសីល បរិបូណ៌ដោយសីល ចូលទៅរកបរិស័ទណា ៗ ទោះបីជាខត្តិយបរិស័ទក្តី ព្រាហ្មណ៍បរិស័ទក្តី គហបតីបរិស័ទក្តី សមណបរិស័ទក្តី រមែងក្លៀវក្លា មិនមានមុខឱនចុះ" ។
មិនវង្វេងធ្វើកាលកិរិយា
[កែប្រែ]- ៤- សីលវា សីលសម្បន្នោ អសម្មុឡ្ហោ កាលំ ករោតិ
"...បុគ្គលមានសីល បរិបូណ៌ដោយសីល រមែងមិនវង្វេង [ពេល] ធ្វើមរណកាល..." ។
សុគតិសួគ៌ទេវលោក
[កែប្រែ]- ៥- សីលវា សីលសម្បន្នោ កាយស្ស ភេទា បរំ មរណា សុគតឹ សគ្គំ លោកំ ឧបបជ្ជតិ
"...បុគ្គលមានសីល បរិបូណ៌ដោយសីល លុះបែកធ្លាយរាងកាយ បន្ទាប់អំពីសេចក្តីស្លាប់ទៅ តែងបានទៅកើតក្នុងសុគតិសួគ៌ទេវលោក ..."
ឯកសារយោង
[កែប្រែ]- ព្រះត្រៃបិដក > សុត្តន្តបិដក : សៀវភៅលេខ ១៩ ទំព័រ ១៧៨ ដល់ ១៧៩
- គម្ពីរវិសុទ្ធិមគ្គ ដោយព្រះពុទ្ធឃោសាចារ្យ (គ.ស. ៤៣០)