កន្ថឹកក្បាលឆ្នូត

ពីវិគីភីឌា

កន្ថឹក​ក្បាល​ឆ្នូត - Northern Smooth-tailed Treeshrew
ស្ថានភាពអភិរក្ស
Scientific classification
រជ្ជៈ:
Phylum:
Class:
លំដាប់:
អំបូរ:
Genus:
ប្រភេទ:
D. murina
Binomial name
Dendrogale murina
(Schlegel & Muller, 1843)
Northern Smooth-tailed Treeshrew range

ភិនភាគ[កែប្រែ]

កន្ថឹក​ក្បាល​ឆ្នូត​មាន​ប្រវែង​ក្បាល និង​ដង​ខ្លួន​ពី ១១៥-១៥៥ម.ម កន្ទុយ​មាន​ប្រវែង​ពី ១០៥-១៣០ និង​មាន​ទម្ងន់​ពី ៣៥-៥៥ក្រាម។ ប្រភេទ​នេះ​គេ​អាច​សម្គាល់​បាន​ដោយ​សារ​វា​មាន​ច្រមុះ​ស្រួច​វែង កន្ទុយ​វែង និង​រោម​ខ្លី។ រោម​នៅ​លើ​ដង​ខ្លួន​ខ្លី និង​រលោង។ ខ្នង​មាន​សំបុរ​ប្រផេះ​ចាស់​រហូត​ត្នោត​ចាស់ ហើយ​ពោះ និង​ផ្នែក​សងខាង​ដង​ខ្លួន​មាន​ពណ៌​ត្នោត។ មាន​ឆ្នូត​ពណ៌​ខ្មៅ​ជា​ច្រើន​លាត​ចាប់​ពី​ច្រមុះ​កាត់​តាម​ក្រោម​ភ្នែក​រហូត​ដល់​គុម្ព​ត្រចៀក និង​មាន​ឆ្នូត​ពណ៌​ស អម​សងខាង​។ សត្វ​ឈ្មោល​មាន​ទំហំ​ធំ និង​ពណ៌​ភ្លឺ​ជាង​សត្វ​ញី។[២]

ជីវសាស្ត្រ[កែប្រែ]

ប្រភេទ​នេះ​ភាគ​ច្រើន​រស់​នៅ​តាម​គុម្ពោត​ព្រៃ​តូចៗ និង​គុម្ព​ឫស្សី ព្រៃស្រោង និង ព្រៃរបោះ។ វា​ជា​សត្វ​រក​ស៊ី​នៅ​ពេល​ថ្ងៃ ហើយ​ចំណី​អាហារ​របស់​វា​មាន​ដូច​ជា​ផ្លែ​ឈើ និង​សត្វ​ល្អិត ជា​ពិសេស​ពពួក​អណ្ដើកមាស និងកញ្ចែ​ជាដើម។ ប្រភេទ​នេះ​មាន​ការ​បន្លឺ​សម្លេង​ឮ​ខ្លាំង។[២]

រប៉ាយ​រស់នៅ[កែប្រែ]

នៅ​ប្រទេសកម្ពុជា វា​មាន​វត្តមាន​នៅ​ក្នុង​ខេត្ត​កោះកុង មណ្ឌលគិរី និង​តំបន់​ភូមិភាគ​ខាង​ជើង។ ប្រភេទ​នេះ​ក៏​មាន​វត្តមាន​នៅ​ក្នុង​ប្រទេស​វៀតណាម ឡាវ និង​ថៃភាគ​ខាង​កើត។[២]

ស្ថានភាព​អភិរក្ស[កែប្រែ]

គេ​មិន​ទាន់​ដឹង​ស្ថានភាព​អភិរក្ស ពួក​វា​ពិត​ប្រាកដ​នៅ​ឡើយ​ទេ ក៏​ប៉ុន្តែ​វា​ទំនង​មិន​មែន ជា​ប្រភេទ​ទទួល​រង​ការ​គំរាម​កំហែង​ជា​សកល​នោះ​ទេ។[២]

ឯកសារ​យោង[កែប្រែ]

  1. Timmins, R. J. (2008). Dendrogale murina. In: IUCN 2008. IUCN Red List of Threatened Species. Downloaded on 30 December 2008.
  2. ២,០ ២,១ ២,២ ២,៣ រដ្ឋបាល​ព្រៃឈើ និង អង្គការ​សមាគម​អភិរក្ស​សត្វ​ព្រៃ, សៀវភៅ «មគ្គុទ្ទេសក៍​នៅ​តំបន់​វាល​ឆ្ពោះ​ទៅ​ស្គាល់ ថនិកសត្វ នៃ​ប្រទេស​កម្ពុជា», ២០០៨