ត្រកួន

ត្រកួន គឺជារុក្ខជាតិវល្លិវារិជជាតិមួយពួក ទងនិងស្លឹកប្រើធ្វើជាបន្លែ អន្លក់ ឬ ធ្វើម្ហូបអាហារក៏បានដូចជា សម្លម្ជូរ...។ ត្រកួនជាប្រភេទដំណាំម្យ៉ាងដែលប្រជាកសិករ ក៏ដូចជាប្រជាជនមូលដ្ឋានចូលចិត្តដាំ ដោយសារតែវាងាយស្រួលដាំ ងាយថែទាំ និងឆាប់បានផល ជាពិសេស ជាប្រភេទបន្លែដែលអាចច្នៃជាម្ហូបអាហារដ៏មានប្រយោជន៍សម្រាប់សុខភាព ។ ប្រភពដើមនៃត្រកួន គឺមិនច្បាស់ទេ ប៉ុន្តែជាទូទៅវាត្រូវបានគេជឿថាមានដើមកំណើតនៅអាស៊ីអាគ្នេយ៍ ហើយត្រូវបានដាំដុះជាលើកដំបូងនៅទីនោះ។

រូបរាងនៃដើមត្រកួន

ការពណ៌នាអំពីដើមត្រកួន

ត្រកួនបានផ្ដល់ថាមពល និង ជាតិសរសៃ រីឯវីតាមីន និង សារធាតុរ៉ែ ផ្សេងទៀតក៏មានច្រើនដែរ ដូចជា វីតាមីនA វីតាមីនC វីតាមីនB1 វីតាមីនB2 វីតាមីនB3 កាល់ស្យូម ផូស្វ័រ និង ជាតិដែក ។ មិនតែប៉ុណ្ណោះត្រកួន ក៏មានជាតិកាល់ស្យូម និង សារធាតុបេតាការ៉ូទីន (Beta-carotene) ដែលជួយចិញ្ចឹមកែវភ្នែកបានយ៉ាងល្អ ជាពិសេស កាបរិភោគត្រកួនឆៅ ។