នគរគោកធ្លក
នគរគោកធ្លក ឬកោះគោកធ្លក ជារបស់នគរខ្មែរមួយសម័យកាលមុនសម័យនគរភ្នំ។ នគរគោកធ្លក ឬកោះគោកធ្លក សព្វថ្ងៃគឺស្ថិតនៅបាភ្នំ ខេត្តព្រៃវែង។ ភស្ដុតាងសំណង់ប្រាសាទមួយដែលសល់ដានដល់សព្វថ្ងៃ នោះគឺប្រាសាទព្រះវិហារច័ន្ទ ឬប្រាសាទព្រះម៉ែចន្ទលក្ខិណា ដែលស្ថិតក្នុងភូមិរោងដំរី ឃុំជើងភ្នំ ស្រុកបាភ្នំ ខេត្តព្រៃវែង។ ប្រាសាទនេះ ត្រូវបានបំផ្លាញស្ទើរទាំងស្រុងក្នុងរបបប្រល័យពូជសាសន៍ខ្មែរក្រហម ហើយនៅទសវត្សរ៍ឆ្នាំ៩០ រូបចម្លាក់ទាំង៣ ត្រូវជនខិលខូចលួចកាត់ព្រះកេសយកទៅបាត់ទៀត។