ប្រហុក

ពីវិគីភីឌា
Fried Prahok meal.jpg

ប្រហុក ដែលប្រើក្នុង ម្ហូបខ្មែរ ជា គ្រឿងទេសគ្រឿង។ វាមានដើមកំណើតធ្វើអំពីត្រី ក្នុងកំឡុងខែដែលគ្មានត្រីស្រស់សម្រាប់ផ្គត់ផ្គង់ច្រើន។ ដោយសារតែវាមានជាតិប្រៃ និងក្លិនខ្លាំង វាត្រូវបានគេប្រើប្រាស់ជាអាហារបន្ថែមក្នុង ម្ហូបខ្មែរ ដូចជាសម្ល និងទឹកជ្រលក់ជាដើម។ ដូចពាក្យខ្មែរមួយឃ្លាថា "គ្មានប្រហុក គ្មានអំបិល" សំដៅលើម្ហូបដែលមានរសជាតិឈ្ងុយឆ្ងាញ់។ ដូច្នេះបញ្ជាក់ពីសារៈសំខាន់របស់វានៅក្នុងម្ហូបខ្មែរ។ ប្រហុក​មាន​ក្លិន​ខ្លាំង និង​ប្លែក​ពី​គេ ដែល​ទទួល​បាន​រហស្សនាម​ថា "ឈីស​ខ្មែរ"។[១][២] ប្រហុកត្រូវបានបរិភោគជាមុខម្ហូបសំខាន់ជាមួយ បាយ និងបន្លែស្រស់ដូចជា សណ្តែកកួ តាសក់ និង ត្រប់ស្រួយជាដើម។

ជួនកាលប្រហុកត្រូវបានចែកជាអំណោយដល់ជនរងគ្រោះដោយទឹកជំនន់ ឬគ្រោះរាំងស្ងួតដោយសប្បុរសជន និងអង្គការផ្សេងៗ។ វា​អាច​បរិភោគ​ឆ្អិន ឬចៀន ប៉ុន្តែ​ជាធម្មតា​មិន​បរិភោគ​ឆៅ​ទេ​ព្រោះ​ប៉ះពាល់​ដល់​សុខភាព។ យើងអាចរក្សាទុកបានយូរ រហូតដល់មួយទៅពីរឆ្នាំបាន អាស្រ័យទៅលើវិធីធ្វើ និងទីកន្លែងទុកដាក់ដែលមានអនាម័យ។

ប្រភេទ និងការផលិត[កែប្រែ]

ប្រហុក​ត្រូវ​បាន​ធ្វើ​ឡើង​ដោយ​ប្រើ​ត្រី​ផ្សេងៗ និង​រសជាតិប្រៃ។ ត្រីដែលប្រើរួមមាន ត្រីផ្ទក់ និងត្រីជាច្រើនប្រភេទទៀត។

ប្រហុក​ត្រូវ​បាន​គេ​យក​មក​បុក ឬ​កិន​សាច់​ត្រី​ស្រស់​បន្ទាប់​ពី​ធ្វើ និង​លាង​សម្អាត​វា។ ត្រីដែលត្រូវយកមកធ្វើជាប្រហុក អាចត្រូវបានយកមកជម្រះស្រកាតាមរយៈជ្រុំនឹងជើង ដូចជាស្រាទំពាំងបាយជូរ ឬកែច្នៃដោយម៉ាស៊ីន។ ក្រោយ​ត្រី​បុក​រួច​ត្រូវ​ទុក​ចោល​ដើម្បីឱ្យស្រស់ទឹករយៈពេលមួយថ្ងៃ បន្ទាប់​មកគេធ្វើការប្រឡាក់ជាមួយអំបិលឱ្យ​ប្រៃ។ ប្រហុក​ត្រូវ​បាន​គេ​ទុកក្នុង​ពាង​ដី​ឥដ្ឋ​ធំៗ​គ្រប​ដោយ​គម្រប​ធ្វើ​ពី​បន្ទះ​ឫស្សី​ត្បាញ។ ក្រោយមកទៀត ប្រហុកអាចបរិភោគបានក្រោយពេលផ្អាប់ទុករយៈពេល ២០ថ្ងៃ ប៉ុន្តែប្រហុកមានគុណភាពល្អបំផុតត្រូវទុកចោលរហូតដល់ ៣ឆ្នាំ។

ប្រហុក​ក៏​ផលិត​នៅ​ប្រទេស​វៀតណាម និង​នាំ​ចូល​សម្រាប់​ពលរដ្ឋ​ខ្មែរ​នៅ​សហរដ្ឋ​អាមេរិក។[៣]

ចានប្រហុក[កែប្រែ]

បិទប្រហុកអាំង។ ប្រហុក​លាយ​ជាមួយ​សាច់ជ្រូក និង​គ្រឿងទេស ខ្ចប់​ស្លឹកចេក​អាំង​

ប្រហុកអាចត្រូវបានរៀបចំ និងបម្រើតាមវិធីផ្សេងៗគ្នា ខ្លះរៀបចំដាក់ចាន ឬខ្លះទៀតរៀបចំទុកដាក់ដោយខ្ចប់រុក្ខជាតិ ដូចជា ស្លឹកចេក ស្លឹករំដេង រមៀតជាដើម។ ខាង​ក្រោម​នេះ​ជា​មុខ​ម្ហូប​ដែល​ប្រហុក​ជា​គ្រឿង​ផ្សំ​សំខាន់៖

ប្រហុកចៀន[កែប្រែ]

ប្រហុកចៀន ជាធម្មតាវាត្រូវបានលាយជាមួយសាច់ (ជាធម្មតាសាច់គោ ឬសាច់ជ្រូក) និងម្ទេស។ វា​ក៏​អាច​បរិភោគ​ជា​គ្រឿង​ជ្រលក់​អម​ដោយ​បន្លែ​ដូច​ជា ត្រសក់ ឬ​ត្រប់ស្រួយ និង​បាយ។

ប្រហុកគ្របដណ្តប់[កែប្រែ]

ប្រហុកកប់ ឬ ប្រហុកអាំង ប្រហុកប្រភេទនេះគ្របដោយ ស្លឹកចេក ហើយទុកធ្វើម្ហូបនៅក្រោមថ្មក្រោមភ្លើង ឬពីលើធ្យូង។

ប្រហុកឆៅ[កែប្រែ]

ប្រហុកឆៅ ប្រហុកប្រភេទនេះអាចយកទៅចិញ្ច្រាំជាមួយនឹង ស្លឹកគ្រៃ ម្ទេស និងពងមាន់ ជាមួយសាច់ដូចជាសាច់ជ្រូក ឬសាច់គោជាដើម។ ម្យ៉ាងទៀត ប្រហុក​ប្រភេទ​នេះ​និយម​ប្រើ​ជា​គ្រឿង​ជ្រលក់​បន្លែស្រស់។

ឯកសារយោង[កែប្រែ]

  1. Prahok, the Cambodian cheese Lily's Secret Garden (16 November 2019) Retrieved on 12 November 2020
  2. Justin Higginbottom (22 November 2018) [https:/ /www.ozy.com/around-the-world/rotting-fish-odor-whats-not-to-love-about-this-spicy-cambodian-paste/90053/ ក្លិនត្រីរលួយ — អ្វី​ដែល​មិន​គួរ​ស្រឡាញ់ អំពី​ទឹក​ម្ទេស​កម្ពុជា​នេះ?]Retrieved on 12 November 2020
  3. Chan Muyhong .com/prahok-put-quality-test Prahok put to the quality test (in en)[តំណភ្ជាប់ខូច]