ប្រាសាទបន្ទាយស្ទោង

ប្រាសាទបន្ទាយស្ទោង
ឈ្មោះ:	ប្រាសាទបន្ទាយស្ទោង
អ្នកកសាង:	ព្រះបាទសូរ្យវរ្ម័នទី១
កាលបរិច្ឆេទកសាង:	សតវត្សរ៍ទី១១
ឧទ្ទិសថ្វាយ:	ព្រាហ្មណ៍សាសនា
ស្ថាបត្យកម្ម:	រចនាបថខ្មែរ
ទីតាំង:	ភូមិបន្ទាយស្ទោ ឃុំបន្ទាយស្ទោង ស្រុកស្ទោង ខេត្តកំពង់ធំ

ប្រាសាទបន្ទាយស្ទោងមានទីតាំងស្ថិតនៅក្នុងភូមិបន្ទាយស្ទោង ឃុំបន្ទាយស្ទោង ស្រុកស្ទោង ខេត្តកំពង់ធំ។ ប្រាសាទនេះកសាងឡើងនៅក្នុងសម័យអង្គរ ដោយព្រះបាទសូរ្យវរ្ម័នទី១ នៅក្នុងអឡុងសតវត្សរ៍ទី១១ ដើម្បីឧទ្ទិសព្រាហ្មណ៍សាសនា។កន្លងមកប្រាសាទនេះពុំសូវមានអ្នកសិក្សាចាប់អារម្មណ៍ច្រើនឡើយ តែក៏នៅតែមាន​អ្នកធ្លាប់មក​សិក្សាតាំងពីរវាងដើមស.វ.ទី២០ ហើយអ្នកស្រាវជ្រាវទាំងនោះមានដូច លោក Lunet De Lajonquière ឆ្នាំ១៩០២ លោក Henri Parmentier ឆ្នាំ១៩១៣ លោក M. Dufosse ឆ្នាំ១៩១៨ លោក Robert Dalet ឆ្នាំ១៩៣៦ ។ល។ ប៉ុន្តែ ការសិក្សាទាំងអម្បាលម៉ាន រៀបរាប់សង្ខេបតិច​បំផុត ពោល គឺអាចរាប់បានថាជាបញ្ជីសារពើ​ភណ្ឌតែប៉ុណ្ណោះ។