ប្រាសាទវត្តសូរិយារោងគោ

រូបភាពតូច ប្រាសាទនេះមានទីតាំងស្ថិតនៅក្នុងភូមិក្រសាទុំ ឃុំដំដែក ស្រុកសូទ្រនិគម ខេត្តសៀមរាប។ ប្រាសាទនេះស្ថិតនៅក្នុងវត្តសូរិយារោងគោ មានកំពែងថ្មបាយក្រៀមព័ទ្ធជុំវិញប្រហែល ៣៥ម៉ែត្រគុណ ២៥ម៉ែត្រ បែរមុខទៅរកទិសខាងកើត ។ ជាបដិសណដ្ឋានមួយដែលស្ថិតក្នុងសិល្ប:បន្ទាយស្រី យោងលើចម្លាក់ក្បាច់ផ្តែរ សសរពេជ្រ សឹង្ហ នាគ ដែលឋិតនៅក្នុងគំនរថ្មនៃមណ្ឌលនោះ ។ ក្រៅពីនោះនៅមានមេទ្វារឈរនៅខាងមុខ និងកំផែងក៏បានស្ថិតនៅក្នុងទ្រង់ទ្រាយដើមដែរ ដូចក្នុងរូបថត ខាងមុខប្រាសាទនេះប្រហែល ១០០ម៉ែត្រ មានត្រពាំងទឹកមួយធំល្មម និងទួលមួយចំនួនព័ទ្ធជុំវិញ។