សារមន្ទីរវាយនភណ្ឌប្រពៃណីអាស៊ី MGC

សារៈមន្ទីរ​វាយនភណ្ឌប្រពៃណីអាស៊ី ​មេគង្គ​គង្គា (MGC) ជា​សារមន្ទីរ​ដែល​មាន​ទីតាំង​នៅ ​ខេត្តសៀមរាប ប្រទេស​កម្ពុជា ។ គោលបំណងនៃសារមន្ទីរនេះគឺដើម្បីជួយសម្រួលដល់ការប្រាស្រ័យទាក់ទងរបស់ប្រជាជនដែលរស់នៅតាមដងទន្លេមេគង្គ និងទន្លេគង្គា ដើម្បីបង្ហាញពីអរិយធម៌ វប្បធម៌ និងទំនាក់ទំនងពាណិជ្ជកម្មនៃប្រទេសសមាជិកដូចជាកម្ពុជា, ឥណ្ឌា, ឡាវ, មីយ៉ាន់ម៉ា ,ថៃ និងវៀតណាម ។ ក្នុងក្របខ័ណ្ឌនៃសេដ្ឋកិច្ចសហប្រតិបត្តិការមេគង្គគង្គា ប្រទេសចំនួន៦គឺកម្ពុជា ថៃ ឡាវ វៀតណាម ភូមា និងឥណ្ឌា បានរួមកម្លាំងគ្នាជាធ្លុងមួយ ដើម្បីបង្កើតសារមន្ទីរវាយនភណ្ឌប្រពៃណីអាស៊ី នៅក្នុងឆ្នាំ២០១០ ក្រោមជំនួយរបស់រដ្ឋាភិបាលឥណ្ឌានៅលើផ្ទៃដីទំហំ១ហិចតា ដែលផ្តល់ជូនដោយអាជ្ញាធរជាតិអប្សរា។ សារមន្ទីរស្ថិតនៅចំកណ្តាលនៃមជ្ឈមណ្ឌលទេសចរណ៍និងវប្បធម៌ និងមានសាលពិព័រណ៍ធំៗចំនួន៤ ដែលតាំងបង្ហាញអំពីវត្ថុធាតុដើម គ្រឿងបរិក្ខារប្រើប្រាស់ ដំណើរការផលិត សមុច្ច័យ វាយនភណ្ឌបុរាណ និងសហសម័យ ដែលបានផ្តល់ និងរៀបចំដោយប្រទេសចនីមួយៗ។