សិរិមា

ដោយវិគីភីឌា
Jump to navigation Jump to search

នាងសិរិមា ជា​ស្រី​សោភិនី​ថ្នាក់​លេខ​១ ប្រចាំ​ក្រុង​រាជ​គ្រឹះ ដែល​ត្រូវ​បាន​តែង​តាំង​ពី​ព្រះ​រាជា។ តំណែង​នេះ​បាន​មក​ពី​ការ​ជ្រើសរើស ប្រកួត​ប្រជែងរូប​សម្បត្តិ ទាំង​ចំណេះ​ដឹង ទាំង​សមត្ថភាព​ក្នុង​ផ្នែក​សិល្បៈផ្សេងៗ ព្រម​ដោយ​សំលេង​ពិរោះ។ នាង​មាន​សំរស់​ដាច់​គេ ដែល​ត្រូវ​បាន​គេ​ទទួល​ស្គាល់​ទូទាំង​នគរ។ អ្នក​ដែល​ប្រាថ្នា​នឹង​កាមគុណ​ទាំង​៥ មាន​រូប​ សំលេង ក្លិន​ រស សម្ផស្ស​របស់​នាង ត្រូវ​ចំណាយ​ប្រាក់ ១ពាន់ កហាបណៈ សម្រាប់ ១​ថ្ងៃ (១ពាន់​កហាបណៈ = មាស​សុទ្ធ ៦០​តម្លឹង)។ នាងសិរិមា​ ព្រម​ដោយ​បរិវារ​រាប់​រយ​នាក់របស់​នាង បាន​ជួប​នឹង​ព្រះ​សម្មា​សម្ពុទ្ធ ស្តាប់​ព្រះ​ធម៌​សម្រេច​ជា​ឧបាសិកា ដល់​នូវ​រតនត្រ័យ​ជា​ទី​ពឹង​ទី​រលឹក ព្រម​ដោយ​ធម៌​ចក្ខុ មាន​ភ្នែក​ឃើញ​អរិយ​សច្ចធម៌។