ឡៅ ម៉ុងហៃ
បណ្ឌិត ឡៅ ម៉ុងហៃ (ជាអក្សរឡាតាំង៖ Lao Mong Hay) គឺជាអ្នកវិភាគឯករាជ្យមួយរូបនៅក្នុងប្រទេសកម្ពុជា។ លោកមានសេចក្ដីក្លាហានក្នុងការបញ្ចេញមតិយោបល់ លើបញ្ហាណាមួយដែលកើតមានឡើងក្នុងសង្គម ជាពិសេសបញ្ហានយោបាយ។ លោកធ្លាប់ជាមនុស្សសំខាន់មួយរូបក្នុងដំណើរការសន្តិភាព និងជាហត្ថលេខីលើកិច្ចព្រមព្រៀងសន្តិភាពផងដែរ ដែលកាលនោះលោកជាប្រធានគណៈប្រតិភូនៃ គណបក្សរណសិរ្សរំដោះជាតិខ្មែរ ដែលមានលោក សឺន សាន ជាអ្នកដឹកនាំ។
ដំណើរជីវិត និងការសិក្សា
[កែប្រែ]ខណៈពេលដែលកងទ័ពខ្មែរក្រហមបានកាន់កាប់ប្រទេសកម្ពុជា ពេលនោះលោកកំពុងតែសិក្សាថ្នាក់បណ្ឌិតផ្នែកសេដ្ឋកិច្ចនៅ សាកលវិទ្យាល័យវេលស៍ (University of Wales) នៅឡើយ។ លោកបណ្ឌិត ឡៅ ម៉ុងហៃ បានមករស់នៅ និងធ្វើការក្នុងជំរំជនភៀសខ្លួន សាយធូ (Site 2) ពីឆ្នាំ១៩៨៨ ដល់ ១៩៩២ ។ បន្ទាប់ពីនោះមក លោកបានធ្វើជានាយកមជ្ឈមណ្ឌលសកម្មភាពកម្ចាត់មីនកម្ពុជា រហូតដល់ចុងឆ្នាំ ១៩៩៤ ទើបលោកបានបង្កើត និងដឹកនាំ វិទ្យាស្ថានខ្មែរដើម្បីលទ្ធិប្រជាធិបតេយ្យ។[១]
ឯកសារយោង
[កែប្រែ]- ↑ Dr Lao Mong Hay - political analyst, http://blog.andybrouwer.co.uk/2006/07/dr-lao-mong-hay-political-analyst.html Archived 2014-03-25 at the វេយប៊ែខ ម៉ាស៊ីន.